Reportage News International (RNI) - Biswajit Nath

ଯୁବକଙ୍କ ସନ୍ଦେହଜନକ ମୃତ୍ୟୁ ଘଟଣା

Biswajit Nath — Fri, 13 Mar 2026 15:08:41 +0530

ବାସୁଦେବପୁର,୧୧/୩ : ସରିନଥିଲା ଶତୃତା । ସୁଯୋଗ ଓ ସମୟ ର ସଦୁପଯୋଗ କରି ଅନ୍ତରର ନିଆଁ କୁ ଶାନ୍ତ କରିବାକୁ ଚାହୁଁଥିଲା । ହୋଲି ରଙ୍ଗ ଖେଳର ସଂନ୍ଧ୍ୟାରେ ଶିକାର ଆପଣାଛାଏଁ ମଦ ନିଶାରେ ଶିକାରୀ ନିକଟରେ ପହଞ୍ଚିଥିଲା । ଶିକାରୀ ବି ନିଶାରେ ଥିଲେ, ଶିକାର ପହଞ୍ଚିବା ଉଦେଶ୍ୟ ସାଧନ ପାଇଁ ରାଜନୈତିକ ଆକ୍ରୋଶରୁ ମିଳିଥିଲା ପ୍ରତ୍ସାହନ ରାଶି ଓ ପ୍ରେରଣା ।

ଆର୍ତ୍ତୁଂ ଗ୍ରାମର ଖଗେନ୍ଦ୍ର ମହାନ୍ତିଙ୍କ ପୁଅ ବିଜୟ ମହାନ୍ତିଙ୍କ ମୃତ ଶରୀର ରାସ୍ତାର ବିଦ୍ୟାଳୟ ନିକଟରେ ସଂଜ୍ଞାହୀନ ଅବସ୍ଥାରେ ପଡିଥିବା ସମ୍ପର୍କରେ ଖବର ମିଳିବା ପରେ ମୃତଦେହକୁ ପୁଲିସ ଉଦ୍ଧାର କରିଥିଲା। ଆର୍ତ୍ତୁଂ ସଇଁନାଳୀ - ପଞ୍ଚାୟତ ରାସ୍ତା ରୁ ଉଦ୍ଧାର କରିବା ସ‌ହ ଚିହ୍ନଟ କରିଥିଲା। ପରେ ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ମୃତକଙ୍କ ପରିବାର ପକ୍ଷରୁ ଅଭିଯୋଗ ହୋଇଛି। ଅଭିଯୋଗ ଆଧାରରେ ପୁଲିସ ତଦନ୍ତ ଆରମ୍ଭକରି ଶବ ବ୍ୟବଚ୍ଛେଦ ରିପୋର୍ଟକୁ ଅପେକ୍ଷା କରିଛି। ଘଟଣାସ୍ଥଳରେ ଲାଗିଥିବା ସିସିଟିଭି ଫୁଟେଜ ଏବେ ସାମାଜିକ ଗଣମାଧ୍ୟମ ରେ ଘୁରି ବୁଲୁଛି ।

ସିସିଟିଭି ଫୁଟେଜ ରେ ମାଡ଼ ମାରିବା ପରେ ମଦ ପିଇବାକୁ ଦିଆଯାଉଥିଲା । ମାଡ଼ ମାରିବା ଓ ମଦ ପିଇବା ଭିତରେ ହଁ ଉଠିଯାଇଥିଲା ପ୍ରାଣବାୟୁ । ନିଜକୁ ଦୋଷମୁକ୍ତ କରିବାକୁ ରାସ୍ତାକଡ଼ରେ ମରଶରୀର ପକାଇବାକୁ ଯୋଜନା ରେ ସଫଳ ହେବା ପଛରେ ରାଜନୈତିକ ଅଭିସନ୍ଧି କୁ ନେଇ ଚର୍ଚ୍ଚା ।

ଘରକୁ ଫେରୁଥିବା ରାସ୍ତାରେ ମହିଳାଙ୍କୁ ଆକ୍ରମଣ

Biswajit Nath — Mon, 22 Sep 2025 17:04:53 +0530

ବାସୁଦେବପୁର (RNI) ଘରକୁ ଫେରୁଥିବା ସମୟରେ ମହିଳାଙ୍କୁ ସଂଘବଦ୍ଧ ଆକ୍ରମଣ । ଏମିତି ଘଟଣା ବାସୁଦେବପୁର ଥାନା ଅଧିନ ଗୁଆଗଡିଆ ପଞ୍ଚାୟତ କମାରଗାଁ ଗ୍ରାମରେ ବୋଲି ଜାଣିବାକୁ ମିଳିଛି । ଅଭିଯୋଗ ମୁତାବକ, ଏହି ଗ୍ରାମର ମେରମାନ ସାହାଜୀଙ୍କ ସ୍ତ୍ରୀ ମସଜିଦ ରାସ୍ତା ଦେଇ ନିଜକୁ ଘରକୁ ଫେରୁଥିବା ସମୟରେ ମିର୍ଜାପୁର ଗ୍ରାମର କେତେଜଣ ପୁରୁଷଲୋକ ଅଟକାଇ ଉଲଗ୍ନ କରିବା ପରେ ମହିଳାଜଣଙ୍କ ଚିତ୍କାର କରିଥିଲେ । ଫଳରେ ଆକ୍ରମଣକାରୀମାନେ ଜୀବନରୁ ମାରିଦେବା ଉଦେଶ୍ୟ ରଖି ମରଣାନ୍ତକ ଆକ୍ରମଣ କରିଥିଲେ ।

ଗୁରୁତର ଅବସ୍ଥାରେ ମହିଳାଙ୍କ ଆର୍ତ୍ତଚିତ୍କାରଶୁଣି ଆଖପାଖ ଲୋକ ରୁଣ୍ଡ ହେବା ସହିତ ମହିଳାଙ୍କ ସ୍ୱାମୀ ଓ ମଝିଆ ପୁଅ ଘଟଣାସ୍ଥଳରେ ପହଞ୍ଚିଥିଲେହେଁ ଆକ୍ରମଣକାରୀମାନେ ସେମାନଙ୍କୁ ଜୀବନରୁ ମାରିଦେବା ଉଦେଶ୍ୟରଖି ଆକ୍ରମଣ କରିଥିଲେ ବୋଲି ଅଭିଯୋଗରେ ଉଲ୍ଲେଖ ରହିଛି ।

ପରେ ଗୁରୁତର ମହିଳାଙ୍କୁ ପ୍ରଥମରେ ବାସୁଦେବପୁର ଡାକ୍ତରଖାନା ଓ ପରେ କଟକ ବଡମେଡିକାଲରେ ଚିକିତ୍ସିତ ହୋଇ ଫେରିଥିବା ଜାଣିବାକୁ ମିଳିଛି । ଏନେଇ ଥାନାଧିକାରିଣୀ ଲୋପାମୁଦ୍ରା ନାୟକ କୁହନ୍ତି, ଏହି ଘଟଣାରେ ପୃଥକପୃଥକ ଅଭିଯୋଗ ଆସିଛି । ଅଭିଯୋଗକୁ ଆଧାର କରି ପୋଲିସ ଘଟଣାର ତଦନ୍ତ କରୁଛି ।

ତାତିଲେ ଅଙ୍ଗନବାଡି କର୍ମୀ, ପୋଷଣ ନାମରେ ଅଙ୍ଗନବାଡି କର୍ମୀଙ୍କୁ ଶୋଷଣ କେଉଁ ନ୍ୟାୟରେ?

Biswajit Nath — Wed, 27 Aug 2025 10:09:59 +0530

ବାସୁଦେବପୁର (RNI) ଆଜି ବାସୁଦେବପୁର ଅଙ୍ଗନବାଡି କର୍ମୀମାନେ ମିଳିତ ଭାବରେ ଟାଉନହଲ ଠାରୁ ଏକ ଶୋଭାଯାତ୍ରାରେ ବାହାରି ସହର ପରିକ୍ରମା ସହିତ ସମନ୍ୱୀତ ଶିଶୁ ବିକାଶ ଯୋଜନା ବିଭାଗ ଦପ୍ତର ସମ୍ମୁଖରେ ବିଭିନ୍ନ ନାରାବାଜୀ କରିଥିଲେ । ଅଙ୍ଗନବାଡୀ କର୍ମମାନଙ୍କ ସରକାରୀ କର୍ମଚାରୀ ମାନ୍ୟତା,ପ୍ରମୋସନ,ଇନକ୍ରୀମେଣ୍ଟଆଦି ପ୍ରଦାନ କରିବା ସହିତ ସମାନ କାମକୁ ସମାନ ଦରମା ପ୍ରଦାନ,ପୋଷଣ କାର୍ଯ୍ୟକ୍ରମର ସୁପରିଚାଳନା ପାଇଁ ଆନୁସଙ୍ଗିକ ଯନ୍ତ୍ରାଂଶ ଯୋଗାଇ ଦେବା ସଂପର୍କରେ ନାରାବାଜୀ କରିଥିଲେ । ଏମିତି ଅଙ୍ଗନବାଡୀ କେନ୍ଦ୍ରମାନଙ୍କରେ ସୈାଚାଳୟ ଓ ପିଇବା ପାଣିନଥିବାକୁ ନେଇ ଉଦବେଗ ପ୍ରକାଶ କରିଥିଲେ । ସରକାର ପୋଷଣ କାର୍ଯ୍ୟକ୍ରମ ନାମରେ ଅଙ୍ଗନବାଡୀ କର୍ମଚାରୀମାନଙ୍କୁ ଶୋଷଣ କରିବା କେଉଁ ନ୍ୟାୟରେ ବୋଲି କହିଥିଲେ । ପରେ ଟାଉନହଲ ଠାରେ ଏକ ପଥପ୍ରାନ୍ତ ସଭାର ଆୟୋଜନ କରାଯାଇଥିଲା । ଏହି କ୍ରମରେ ଜିଲ୍ଲା ଉପସଭାନେତ୍ରୀ ପୁଷ୍ପାରାଣୀ ଲେଙ୍କା ଉପଦେଷ୍ଟା ଭାବରେ ରହିଥିବା ବେଳେ ସଭାନେତ୍ରୀ ସବିତାବାଳା ମହାନ୍ତି,ସଂପାଦିକା କମଳିନୀ ମଳିକ,କୋଷାଧ୍ୟକ୍ଷା ଚନ୍ଦ୍ରିକା ମହାପାତ୍ର,ମିନତୀ ନାୟକ,ସୁଷମା ପରିଡା,ଶକୁନ୍ତଳା ପଣ୍ଡା,ଅହଲ୍ୟା ଓଝା,ସୁଲୋଚନା ନାୟକ,ମଞ୍ଜୁଲତା ସାହୁ,ମଧୁସ୍ମିତା ରଣା,କଳ୍ପନା ଜେନା,ସଞ୍ଜୁବାଳା ନାୟକପ୍ରମୁଖଙ୍କୁ ନେଇ ନୂତନ କମିଟି ଗଠନ କରାଯାଇଥିଲା ।

Follow RNI News Channel on WhatsApp: https://whatsapp.com/channel/0029VaBPp7rK5cD6X

ଦୁର୍ନିତୀକୁ ନେଇ କଂଗ୍ରେସ ଓ ବିଜେଡି ମଧ୍ୟରେ ଆରୋପ ଓ ପ୍ରତ୍ୟାରୋପ, ତଦନ୍ତ ସହ କାର୍ଯ୍ୟାନୁଷ୍ଠାନ ଦାବୀ କଲେ ବିଧାୟକ

Biswajit Nath — Wed, 13 Aug 2025 20:16:43 +0530

ବାସୁଦେବପୁର (RNI) ବାସୁଦେବପୁର ବ୍ଲକର ବିଭିନ୍ନ ପଞ୍ଚାୟତମାନଙ୍କରେ ହୋଇଥିବା ଜାଲିଆତି, ହେରାଫେରୀ ଓ ଦୁର୍ନିତୀକୁ ନେଇ କଂଗ୍ରେସ ଓ ବିଜେଡି ମଧ୍ୟରେ ଆରୋପ ଓ ପ୍ରତ୍ୟାରୋପ ପରି ଘଟଣା ଦେଖିବାକୁ ମିଳିଛି । ଏହାକୁ ନେଇ ମଙ୍ଗଳବାର ପୁର୍ବତନ ବିଧାୟକ ବିଷ୍ନୁବ୍ରତ ରାଉତରାୟ ନିଜର କର୍ମୀ ଓ ସମର୍ଥକମାନଙ୍କୁ ନେଇ ବ୍ଲକ ପରିସରର ବିଜେଡି ପକ୍ଷରୁ ଗଣଧାରଣା ଦେଇଥିଲେ । ଏହି ସମୟରେ କାହା ଚାପରେ ବିଡିଓ ଏମିତି କରୁଛନ୍ତି ବୋଲି କହିବା ସହିତ ପରୋକ୍ଷ ଭାବରେ କଂଗ୍ରେସ ବିଧାୟକଙ୍କ ଉପରେ ଆରୋପ କରିଥିଲେ । ଅରଣ୍ଡୁଆ,ସୁଦର୍ଶନପୁର,ଆର୍ତ୍ତୁଂ,ବାଲିମେଦ,ନରସିଂପୁରପ୍ରଭୃତି ପଞ୍ଚାୟତରେ ଏହିପରି ଅଭିଯୋଗ ରହିଛି ବୋଲି କହିଥିଲେ । ଧାରଣାର ଦିନକ ପରେ ଆଜି ବାସୁଦେବପୁର ବିଧାୟକ ତଥା ବିରୋଧୀ କଂଗ୍ରେସ ଦଳର ଉପନେତା ଅଶୋକକୁମାର ଦାସ ତଦନ୍ତ ସହ କାର୍ଯ୍ୟାନୁଷ୍ଠାନ ଦାବୀ କରିଛନ୍ତି ।ଏହି ଅବସରରେ ନିଜର କର୍ମୀମାନଙ୍କୁ ସାଥିରେ ନେଇ ପଞ୍ଚାୟତ ସମିତି କାର୍ଯ୍ୟାଳୟରେ ପହଞ୍ଚି ବିଡିଓଙ୍କୁ ସୈାଜନ୍ୟମୂଳକ ସାକ୍ଷାତ କରିଥିବା ବେଳେ ପୁର୍ବତନ ବିଧାୟକ ସେମାନଙ୍କ ସମର୍ଥକମାନଙ୍କୁ ନେଇ ବ୍ଲକର ବିଭିନ୍ନ ପଞ୍ଚାୟତରେ ହୋଇଥିବା ହେରାଫେରୀ, ଜାଲିଆତି ଓ ଦୁର୍ନିତୀକୁ ନେଇ ଗଣଧାରଣା ପରି ପଦକ୍ଷେପକୁ ସ୍ୱାଗତ ଜଣାଇବା ସହିତ ପୁର୍ବତନ ବଧାୟକଙ୍କ ସମୟରେ ହୋଇଥିବା ଜାଲିଆତିର ନଗ୍ନ ନମୂନା ଅରଣ୍ଡୁଆ ପଞ୍ଚାୟତର କମ୍ୟୁନିଟି ସେଣ୍ଟର ବୋଲି କହିଛନ୍ତି । ଭୋଟବ୍ୟାଙ୍କ ପାଇଁ ରାଜନିତୀ ନକରି ବିକାଶ ଓ ଗଠନମୂଳକ ପଦକ୍ଷେପ ତଥା ସ୍ୱଚ୍ଚତା ବଜାୟ ରଖିବା ପାଇଁ ଜନପ୍ରତିନିଧୀମାନଙ୍କ ସମେତ ବିଭିନ୍ନ ପଦାଧିକାରୀଙ୍କୁ ସଜାଗ ରହିବାକୁ ପଡିବ ବୋଲି କହିଛନ୍ତି । ଯେଉଁମାନେ ହେରାଫେରୀ, ଜାଲିଆତି ଓ ଦୁର୍ନିତୀରେ ଲିପ୍ତ ରହିବେ ସେମାନେ ଯେଉଁ ରାଜନୈତିକ ଦଳର ହୁଅନ୍ତୁନା କାହିଁକି ତଦନ୍ତ ସହିତ କାର୍ଯ୍ୟାନୁଷ୍ଠାନ ନିଶ୍ଚିତ ଭାବରେ ଗ୍ରହଣ କରାଯିବ ବୋଲି କହିଛନ୍ତି । ସେହିପରି ବିରସ,ବରଣ୍ଡୁଆ,ସୁଦର୍ଶନପୁର,ଅରଣ୍ଡୁଆ ପ୍ରଭୃତି ପଞ୍ଚାୟତମାନଙ୍କରେ ଏହିପ୍ରକାର ଦୁର୍ନିତୀ ବଢିବାରେ ଲାଗିଛି ବୋଲି କହିଛନ୍ତି ।

Follow RNI News Channel on WhatsApp: https://whatsapp.com/channel/0029VaBPp7rK5cD6X

ଶସସ୍ତ୍ର ଡକାୟତି, ମହିଳାଙ୍କ ମୁହଁରେ କଳାପଟି ବାନ୍ଧି ବୁଲାଇଲେ କଳାକନା

Biswajit Nath — Tue, 12 Aug 2025 23:07:03 +0530

ବାସୁଦେବପୁର (RNI) ଆଜି ବାସୁଦେବପୁର ଥାନା ଅଧୂନ ପଢୁଆଁ ପଞ୍ଚାୟତରେ ଶସସ୍ତ୍ର ଡକାୟତି ଘଟଣା ସମଗ୍ର ଅଞ୍ଚଳରେ ହଇଚଇ ସୄଷ୍ଟି କରିଛି । ଡକାୟତି ସଂନ୍ଧ୍ୟା ସାତଟା ତିରିଶ ମିନିଟ ସମୟରେ ଡକାୟତ ଗ୍ୟାଙ୍ଗ ମହିଳାଙ୍କ ମୁହଁରେ କଳାପଟି ବାନ୍ଧି ବୁଲାଇଲେ କଳାକନା ବୁଲାଇବା ପରେ ଘଟଣାସ୍ଥଳରୁ ଫେରାର ହୋଇଛନ୍ତି । ଏମିତି ଘଟଣା ପଢୁଆଁ ବଜାର ର ପୁର୍ଣ୍ଣଚନ୍ଦ୍ର ମିଶ୍ରଙ୍କ ଘରେ ବୋଲି ଜାଣିବାକୁ ମିଳିଛି ।ଡକାୟତି ପରେ ପିଡୀତାଙ୍କ ଫୋନ କଲ ଆଧାରରେ ଘଟଣା ସ୍ଥଳରେ ଅନନ୍ତପୁର ଥାନା ପୋଲିସ ଓ ବାସୁଦେବପୁର ଥାନା ପୋଲିସ ପହଞ୍ଚି ଘଟଣାର ତଦନ୍ତ କରୁଛି ।

Follow RNI News Channel on WhatsApp: https://whatsapp.om/channel/0029VaBPp7rK5cD6X

ହଷ୍ଟେଲ ବାଥରୁମରୁ ଛାତ୍ରୀଙ୍କ ମୃତଦେହ ଉଦ୍ଧାର

Biswajit Nath — Tue, 12 Aug 2025 16:19:01 +0530

ଭଦ୍ରକ : ମେସ(ହଷ୍ଟେଲ) (RNI) ବାଥରୁମରୁ ଛାତ୍ରୀଙ୍କ ମୃତଦେହ ଉଦ୍ଧାର। ଭଦ୍ରକ କଲେଜ୍ ନିକଟ ଏକ ହଷ୍ଟେଲରୁ ଉଦ୍ଧାର ହେଲା ଝୁଲନ୍ତା ମୃତଦେହ। ମୃତକ ଯୁକ୍ତ ତିନି ପ୍ରଥମ ବର୍ଷ ଛାତ୍ରୀ। ତେବେ ମୃତ୍ୟୁର କାରଣ ଅସସ୍ପଷ୍ଟ ଥିବା ବେଳେ ପୋଲିସ ପଞ୍ଚଛି ତଦନ୍ତ ଆରମ୍ଭ କରିଛି |

Follow RNI News Channel on WhatsApp: https://whatsapp.com/channel/0029VaBPp7rK5cD6X

ଗହ୍ମାପୂର୍ଣ୍ଣିମାରେ ଜନ୍ମବେଦୀରେ ଧୂମଧାମରେ ପାଳିତ ଅନନ୍ତବଳଦେବ ଜନ୍ମୋତ୍ସବ

Biswajit Nath — Sat, 09 Aug 2025 21:37:27 +0530

ବାସୁଦେବପୁର,୯/୮(ସ.ପ୍ର୍ର) (RNI) ଗହ୍ମାପୂର୍ଣ୍ଣିମା ଅବସରରେ ଅନନ୍ତବଳଦେବଙ୍କ ଜନ୍ମ ଉତ୍ସବ ବେଶ ଆଡମ୍ବର ସହକାରେ ପାଳିତ ହୋଯାଇଛି । ଏହି ଅବସରରେ ସୋରୋ ଗୁଡସ୍ଥିତ ଅନ ବଳଦେବଙ୍କ ଜିୟୁଙ୍କ ମନ୍ଦିରରୁ ଶ୍ରଦ୍ଧାଳୁମାନଙ୍କ ଭକ୍ତିପୁର୍ଣ୍ଣ ଭାବାବେଗ ପରିବେଶରେ ଅନନ୍ତବଳଦେବଙ୍କ ବିଗ୍ରହକୁ ଜନ୍ମବେଦୀ ଆର୍ତ୍ତୁଂସ୍ଥିତ ଝୁଲଣ ମନ୍ଦିର କୁସୁମାପୋଖରୀ କୂଳକୁ ଆସିଥିଲେ । ସେଠାରେ ଦୈନିକ ବୈଦିକ ରିତିନିତୀ ଅନୁଯାଇ ପୂଜାର୍ଚ୍ଚନା କରାଯାଇଥିଲା । ପ୍ରଭାତ ଆଳତୀ ପରେ ମନ୍ଦିରରୁ ବାହାରିଥିବା ବିହଗ୍ରହଙ୍କ ମନ୍ଦିର ବୋୟତମାନଙ୍କ ଦ୍ୱରା ମଧ୍ୟାହ୍ନ ଓ ସଂନ୍ଧ୍ୟା ଆଳତୀ ବେଶ ଦେଖିବାକୁ ଶ୍ରଦ୍ଧାଳୁମାନଙ୍କ ଭିଡ ବେଶ ପରିଲକ୍ଷିତ ହୋଇଥିଲା । ଶ୍ରଦ୍ଧାଳୁମାନଙ୍କ ସମାଗମକୁ ନେଇ ଆୟୋଜକ କମିଟି ପକ୍ଷରୁ ପ୍ରସାଦ ସେବନ ବ୍ୟବସ୍ଥା କରାଯାଇଥିଲା । ଏହି ଅବସରରେ ଶ୍ରଦ୍ଧାଞ୍ଜଳି ନାୟକ,ଗୈାତମ ସେଠୀ, ଶିବାଜୀ ନାୟକ, ନିରଞ୍ଜନ ସନ୍ଧିବିଗ୍ରହ, ଶଶିକାନ୍ତ ରାଉତ, ରତିକାନ୍ତ ପାଣିଗ୍ରାହୀ, ରମାକାନ୍ତ ବେହେରାପ୍ରମୁଖ ପରିଚାଳନାରେ ସହଯୋଗ କରିଥଲେ । ଏଠାରେ ସୂଚନା ଦିଆଯାଇପାରେ, ଅନନ୍ତବଳଦେବଙ୍କ ବିଗ୍ରହ କୁସୁମା ପେଖରୀରୁ ନିଜ ଲୀଳାଖେଳା ଅରମ୍ଭ କରିଥିବା ବେଳେ କାଏଦା ପ୍ରଗଣାର ମଙ୍ଗରାଜଙ୍କୁ ସ୍ୱପ୍ନାଦେଶ ହୋଇ ସେହି ଦିନଠାରୁ ଗୁଡସ୍ଥିତ କୁଶକ୍ଷେତ୍ରରେ ବିଜେ କରିଛନ୍ତି । ମାତ୍ର ବର୍ଷକୁ ଥରୁଟିଏ ନିଜ ଜନ୍ମଦେବୀକୁ ଆସୁଥିବାରୁ ଜନ୍ମବେଦୀରେ ଦର୍ଶନପାଇଁ ସ୍ରଦ୍ଧାଳୁମାନଙ୍କ ଭିଡ ପରିଲକ୍ଷିତ ହୋଇଥାଏ । ଦେବୋତ୍ତର ବିଭାଗ ଓ ସଂସ୍କୃତି ବିଭାଗ ପକ୍ଷରୁ ଅନୁଦାନ ଯୋଗାଇ ଦେବାକୁ ଶ୍ରଦ୍ଧାଳୁମାନଙ୍କ ଦାବୀ ହେଉଛି ।

Follow RNI News Channel on WhatsApp: https://whatsapp.com/channel/0029VaBPp7rK5cD6X

गह्मा पूर्णिमा पर जन्मबेदी में अनंत बलदेव जयंती धूमधाम से सम्पन्न

Biswajit Nath — Sat, 09 Aug 2025 21:36:31 +0530

भद्रक (आरएनआई) गह्मा पूर्णिमा के अवसर पर अनंत बलदेव की जयंती धूमधाम से मनाई गई। इस अवसर पर सोरो गुड़ स्थित अनंत बलदेव जीउ मंदिर से श्रद्धालु भक्तिमय वातावरण में जन्मबेदी आर्त्तुं के कुसुमा पोखरी तट पर झुलणमंदिर में आए। वहाँ दैनिक वैदिक अनुष्ठान संपन्न हुए। प्रातःकालीन आलती के बाद, मंदिर से विग्रह के प्रस्थान के बाद, दोपहर और सायंकालीन आलती देखने के लिए श्रद्धालुओं की भीड़ उमड़ पड़ी। आयोजन समिति ने श्रद्धालुओं की भीड़ के लिए प्रसाद वितरण की व्यवस्था कीया। इस अवसर पर श्रद्धांजलि नायक, गाैतम सेठी, शशिकांत राउत, शिवाजी नायक, निरंजन संधिविग्रह, रतिकांत पाणिग्राही, रमाकांत बेहेरा ने मुख्य प्रबंधन में सहयोग किया। बता दें कि अनंतबलदेव की मूर्ति ने जब कुसुमा पेखरी से अपनी क्रीड़ा शुरू की थी, तब काएदा प्रगणा मंगराज को स्वप्नादेस आया था और उसी दिन से वह कुशक्षेत्र के गुड में बिजेकर रही है। लेकिन जब से हर साल अपनी जन्म देवी के दर्शन के लिए आती है, तब से जन्मवेदी पर दर्शन के लिए श्रद्धालुओं की भीड़ उमड़ पड़ती है। देवोत्तर विभाग और संस्कृति विभाग से अनुदान दिलाने की मांग हैं।

Follow RNI News Channel on WhatsApp: https://whatsapp.com/channel/0029VaBPp7rK5cD6X

ସରପଞ୍ଚଙ୍କ ଗୁଣ୍ବାଗିରିକୁ ଆତଙ୍କିତ ଗ୍ରାମବାସୀ

Biswajit Nath — Mon, 09 Jun 2025 22:17:59 +0530

ବାସୁଦେବପୁର,୯/୬ : ବାସୁଦେବପୁର ଥାନା ଅଧିନ ଆର୍ତ୍ତୁଂ ଗ୍ରାମରେ ସରପଞ୍ଚଙ୍କ ଗୁଣ୍ବାଗିରିକୁ ନେଗ ଆତଙ୍କିତ ଗ୍ରାମବାସୀ । ଆର୍ତ୍ତୁଂ କଂଗ୍ରେସ ସମର୍ଥିତ ସରପଞ୍ଚଙ୍କ ଗୁଣ୍ଡାଗିରିରେ ଅତିଷ୍ଠ ହୋଇ ତ୍ରାହି ତ୍ରାହି ଡାକିଲେଣି । ଶେଷରେ ସହିବାର ସମସ୍ତ ସୀମାକୁ ଅତିକ୍ରମ କରିବା , ବିଡିଓଙ୍କୁ ଲୋକଲଗାଇ ଗାଳି କରିବା ପରେ,ବିରୋଧ କଲେ ଗ୍ରାମବାସୀ । ଯାହାର ଭିଡିଓ ଏବେ ସାମାଜିକ ଗଣମାଧ୍ୟମରେ ବେଶ ପ୍ରଘଟ ହେବାରେ ଲାଗିଛି ।

କୋଷ୍ଠକେନାଲ ପୁନଃରୁଦ୍ଧାର ଓ ଶହୀଦପୀଠର ଉନ୍ନତିକରଣ ଦାବୀ ଉଠାଇଲେ ବିଧାୟକ

Biswajit Nath — Mon, 02 Jun 2025 20:48:48 +0530

ଭଦ୍ରକ (RNI) ବ୍ରିଟିଶ ଶାସନ କାଳରେ ବ୍ୟବହୃତ କୋଷ୍ଠକେନାଲର ପୁନଃରୁଦ୍ଧାର ଓ ଦେଶପାଇଁ ବଳିଦାନ ଦେଇଥିବା ଶହୀଦମାନଙ୍କ ସମାଧୀପୀଠର ଉନ୍ନତିକରଣ ଦାବୀ ପ୍ରସଙ୍ଗ ଉଠାଇଲେ ବାସୁଦେବପୁର ବିଧାୟକ ଅଶୋକକୁମାର ଦାସ । ଆଜି ଭଦ୍ରକଗସ୍ଥରେ ଆସିଥିବା ମୁଖ୍ୟମନ୍ତ୍ରୀଙ୍କ ଗସ୍ଥ ସମୟରେ ଆୟୋଜିତ ଉତ୍ସବରେ ୨୭୪ କୋଟି ଟଙ୍କା ବ୍ୟୟରେ ୧୩ଗୋଟି ପ୍ରକଳ୍ପର ଶିଳାନ୍ୟାସ ଓ ଉଦଘାଟନ ଉତ୍ସବରେ ଯୋଗଦେଇ ନିଜ ଅଞ୍ଚଳର ଦାବୀକୁ ଉପସ୍ଥାପନ କରିଛନ୍ତି । ଏହି ଅବସରରେ ଶିକ୍ଷା ଓ ସଂସ୍କୃତି ମନ୍ତ୍ରୀ ସୂର୍ଯ୍ୟବଂଶି ସୁରଜ,ସାଂସଦ ଅଭିମନ୍ୟୁ ସେଠୀ,ବିଜେପି ରାଜ୍ୟ ସଭାପତି ମନମୋହନ ସାମଲ,ସିମୁଳିଆ ବିଧାୟକ ପଦ୍ମଲୋଚନ ପଣ୍ଡାପ୍ରମୁଖ ଉପସ୍ଥିତ ଥିବା ବେଳେ ଜିଲ୍ଲାପାଳ ଦିଲ୍ଲିପ କୁମାର ରାଉତରାୟଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏହି ଉତ୍ସବ ସଂପନ୍ନ ହୋଇଥିଲା । ତେବେ କୋଷ୍ଠକେନାଲ ପୁନଃରୁଦ୍ଧାର ଓ ଶହୀଦ ପିଠର ଉନ୍ନତି କରଣ କେବେ ହେବ ତାହା ଦେଖିବାକୁ ବାକି ରହିଲା ।

Follow RNI News Channel on WhatsApp: https://whatsapp.com/channel/0029VaBPp7rK5cD6X

कोष्ठकैनाल व शहीद पीठ के सुधार की मांग

Biswajit Nath — Mon, 02 Jun 2025 20:47:14 +0530

भद्रक (आरएनआई) बासुदेवपुर विधायक अशोककुमार दास ने ब्रिटिश शासन के दौरान इस्तेमाल किए गए कोष्ठकैनाल और देश के लिए अपने प्राणों की आहुति देने वाले शहीदों के स्मारकपिठ के सुधार का मुद्दा उठाया। आज मुख्यमंत्री के भद्रक दौरे के दौरान 274 करोड़ रुपये की 13 परियोजनाओं के शिलान्यास और उद्घाटन समारोह में भाग लेकर उन्होंने अपने क्षेत्र की मांग रखी। इस अवसर पर शिक्षा व संस्कृति मंत्री सूर्यवंशी सूरज, सांसद अभिमन्यु सेठी, भाजपा के प्रदेश अध्यक्ष मनमोहन सामल, सिमुलिया विधायक पद्मलोचन पंडाप्रमुख उपस्थित थे और जिलापाल दिलीप कुमार राउतराय की प्रत्यक्ष देखरेख में समारोह आयोजित किया गया। हालांकि कोष्ठकैनाल और शहीद पीठ का सुधार कब होगा, यह देखना बाकी है।

Follow RNI News Channel on WhatsApp: https://whatsapp.com/channel/0029VaBPp7rK5cD6X

ଡ୍ରାଇଭରକୁ ମାଡ ପ୍ରତିବାଦରେ ରାସ୍ତାରୋକ

Biswajit Nath — Sat, 17 May 2025 19:13:20 +0530

ବାସୁଦେବପୁର (RNI) ବାସୁଦେବପୁର ରାସ୍ତାରେ କେତେକ ଅସାମାଜିକ ଯୁବକ ଆତଙ୍କରାଜ ଖେଳାଉଛନ୍ତି । ଦାଦାବଟି ନଦେଲେ ନିଜ ପତିଆରା ଦେଖାଇ ମାଡ ମାରିବା ପରି ଘଟଣା ପାରାପୋଖରୀ ଠାରେ ନିତିଦିନିଆ ଘଟଣା ହେବାକୁ ଲାଗିଲାଣି ବୋଲି ସ୍ଥାନୀୟ ଲୋକେ ଅସହାୟତା ପ୍ରକାଶ କରି ଜଣାଇଛନ୍ତି । ଅଭିଯୋଗ ମୁତାବକ, ଦୁଇଗୋଟି ଟ୍ରକ କଲିକତାରୁ ଧାମରା ଅଭିମୁଖେ ଆସୁଥିବା ସମୟରେ କଷିଆ ସାମୁଦ୍ରିକ ଥାନା ଅଧିନ ପାରାପୋଖରୀ ଛକ ଠାରେ ଟ୍ରକକୁ ଅଟକାଇ ଚାନ୍ଦା ମାଗିଥିଲେ । ଦୁଇଜଣ ଡ୍ରାଇଭର ଚାନ୍ଦା ଦେବାରେ ଅସମର୍ଥ ହୋଇଥିବା କାରଣରୁ ଦୁଇଜଣ ଡ୍ରାଇଭରଙ୍କୁ ମାଡ ମାରିବା ସହିତ ଗାଡି ଭାଙ୍ଗିଥିବାକୁ ନେଇ ଶୁକ୍ରବାର କଷିଆ ଥାନାରେ ଅଭିଯୋଗ ହୋଇଥିଲା । ମାତ୍ର ଅଭିଯୋଗ ପାଇବା ପରେ ପୋଲିସ ହାତବାନ୍ଧି ବସିବା କାରଣରୁ ଜନଅସନ୍ତୋଷ ଦେଖାଦେଇଥିଲା । ଯହାକୁ ନେଇ ଆଜି ପାରାପୋଖରୀ ଛକଠାରେ ସକାଳ ନଅଟା ସମୟରେ ଟାୟାରଜାଳି ରାସ୍ତାରୋକ କରିଥିଲେ । ଖବରପାଇ ଆଡିସିନାଲ ଏସପି ଅଂଶୁମାନ ଦ୍ୱିବେଦୀ, ସଦର ଏସଡିପିଓ ବିଚିତ୍ରାନନ୍ଦ ସେଠୀ,ନାଇକାଣିଡିହ ଥାନାଧିକାରିଣୀ ଘଟଣାସ୍ଥଳରେ ପହଞ୍ଚି ବୁଝାଶୁଝା କରିଥିଲେ । ଏହି ସମୟରେ ସ୍ଥାନୀୟଲୋକେ ମାମଲା ଋଜୁ କରିବା ସହିତ ମୁଖ୍ୟ ଅଭିଯୁକ୍ତ କୁହାଯାଉଥିବା ସାନକୃଷ୍ନପୁର ପଞ୍ଚାୟତର କୈଳାସ ବେହେରାଙ୍କ ପୁଅ ଗୋବର୍ଦ୍ଧନ ବେହେରାଙ୍କୁ ଗିରଫ ଦାବୀ କରିଥିଲେ । ଯଥାଶିଘ୍ର ଗୋବର୍ଦ୍ଧନକୁ ଗିରଫ କରାଯିବ ବୋଲି ପ୍ରତିଶଋତି ମିଳିବା ପରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା ।

Follow RNI News Channel on WhatsApp: https://whatsapp.com/channel/0029VaBPp7rK5cD6X

ଭିଜିଲାନ୍ସ ଜାଲରେ କନିଷ୍ଠଯନ୍ତ୍ରୀ, ଦଶହଜାର ଟଙ୍କା ଲାଞ୍ଚ ନେଉଥିବା ସମୟରେ ମାଡି ବସିଲା ଭିଜିଲାନ୍ସ

Biswajit Nath — Sat, 17 May 2025 19:12:53 +0530

ବାସୁଦେବପୁର (RNI) ଶେଷରେ ଭିଜିଲାନ୍ସ ଜାଲରେ ଧରା ପଡିଛନ୍ତି ମାତ୍ର ଜଣେ କନିଷ୍ଠଯନ୍ତ୍ରୀ । ଦଶ ହଜାର ଟଙ୍କା ଲାଞ୍ଚ ନେଉଥିବା ସମୟରେ ରେଡହ୍ୟାଣ୍ଡରେ ମାଡି ବସିଲା ଭିଜିଲାନ୍ସ ଟିମ । ଏମିତି ଘଟଣା ବାସୁଦେବପୁର ପଞ୍ଚାୟତ ସମିତି ଅଧିନ ବ୍ରାହ୍ଣଣଗାଁ ପଞ୍ଚାୟତର ଘଟଣା ବୋଲି ଜାଣିବାକୁ ମିଳିଛି । ମିଳିଥିବା ସୂଚନା ମୁତାବକ, ବାସୁଦେବପୁର ପଞ୍ଚାୟତ ସମିତିରେ କନିଷ୍ଠଯନ୍ତ୍ରୀ ଭାବରେ ଅଶୋକକୁମାର ଦାସ ବ୍ରାହ୍ମଣଗାଁ ପଞ୍ଚାୟତ ଦାଇତ୍ୱରେ ରହିଥିଲେ ।

କେତେଗୋଟି ପଞ୍ଚାୟତ ଗୁଡିକରେ ପୁରୁଣା କାମକୁ ଦେଖାଇ ବିଲ କରାଇଦେବା, ଆବାସ ଯୋଜନାରେ ବ୍ୟାପକ ଘୋଟାଲାକୁ ନେଇ ବେଶ ହଟଚମଟ ସୃଷ୍ଟି ହୋଇଥିବା ବେଳେ ମନରେଗା ଯୋଜନା ପଞ୍ଚାୟତ ସମିତିରେ ବ୍ୟାପକ ଜାଲିଆତି ହୋଇଥିବା ବିଭିନ୍ନ ସମୟରେ ଅଭିଯୋଗ ହୋଇ ଆସୁଥିଲା । ଏହିକ୍ରମରେ ପୋଖରୀ ପୁନଃରୁଦ୍ଧାର ଓ ମାର୍କେଟ କଂପ୍ଲେକ୍ସ ବିଲ କରାଇଦେବକୁ କହି ନିୟୁଇଣ୍ଡିଆସାହିଠାରେ ଥିବା ଭଡା ଘରେ ଚାଲିଥିଲା ଡିଲ । ଏହି କ୍ରମରେ ଠିକାଦାରଙ୍କ ଠାରୁ ଦଶ ହଜାର ଟଙ୍କା ଲାଞ୍ଚ ନେଉଥିବା ସମୟରେ ପୁର୍ବ ଯୋଜନା ମୁତାବକ ସେଠାରେ ଛକିବସିଥିବା ଭିଜିଲାନ୍ସ ଟିମ ମାଡି ବସିଥିଲା ।

Follow RNI News Channel on WhatsApp: https://whatsapp.com/channel/0029VaBPp7rK5cD6X

ଜଗବନ୍ଧୁ ମେମୋରିଆଲ ଆନ୍ତରାଜ୍ୟ ଫୁଟବଲ ମ୍ୟାଚ, ଫାଇନାଲରେ କଟକ ଓ ଖୋର୍ଦ୍ଧା

Biswajit Nath — Sun, 11 May 2025 18:55:14 +0530

ବାସୁଦେବପୁର (RNI) ବାସୁଦେବପୁର ଟାଉନ କ୍ଲବ ଆୟୋଜିତ ଆନ୍ତରାଜ୍ୟ ଫୁଟବଲ ଟୁର୍ଣ୍ଣାମେଣ୍ଟରେ ଗତକାଲି ଖେଳରେ ରୁଦ୍ରାଂଶୁ ଖଡଗପୁର ଓ ଜୟ ଜଗନ୍ନାଥ କ୍ଲବ କଟକ ମଧ୍ୟରେ ଅନୁଷ୍ଠିତ ହୋଇଯାଇଛି । ଏହି ଖେଳରେ ଜୟ ଜଗନ୍ନାଥ କ୍ଲବ କଟକ ଖଡଗପୁରକୁ ୩-୨ ଗୋଲରେ ପରାସ୍ତ କରି ଫାଇନାଲକୁ ଉତ୍ତିର୍ଣ୍ଣ ହୋଇଛି । ଆକ୍ରମଣାତ୍ମକ ଭଙ୍ଗୀରେ ଆରମ୍ଭରୁ ଖେଳ ଚାଲିଥିବା ବେଳେ ପ୍ରଥମାର୍ଦ୍ଧ ସୁଦ୍ଧା ଖଡଗପୁର ଦୁଇଟି ଗୋଲ କରିଥିବାରେ ସମର୍ଥ ହୋଇଥିଲା ସହ ଜୟ ଜଗନ୍ନାଥ କ୍ଲବ କଟକତିନିଗୋଟି ଗୋଲ କରିପାରିଥିଲା । ଦ୍ୱିତୀୟାର୍ଦ୍ଧ ଖେଳରେ କୈାଣସି ଗୋଲ ହୋଇପାରିନଥିଲା । ମୁଖ୍ୟଅତିଥି ଭାବରେ ବାସୁଦେବପୁର ଥାନାଧିକାରିଣୀ ଲୋପାମୁଦ୍ରା ନାୟକଙ୍କ ସମତେ ଯୁବନେତା ଉଦୟନାରାୟଣ ମଲ୍ଲିକ,ଜଗବନ୍ଧୁ ଦାସ, ବିଟୁ ଦାସ,ଅମର ନାୟକ ଓ କ୍ଲବ ସଂପାଦକ ମହେଶଚନ୍ଦ୍ର ମହାନ୍ତି ଯୋଗଦେଇଥିଲେ । ମାନସ ବିଶ୍ୱାଳ, ଗଣେଶ୍ୱର ସିଂ,ରାମଚନ୍ଦ୍ର ବେସ୍ରା,ଉତ୍ତମ ବାରିକ ଖେଳ ପରିଚାଳନା କରିଥିଲେ । ପୁର୍ବରୁ ପୁରୀ ଏକାଡେମୀକୁ ହରାଇ ରଘୁନାଥ ଫୁଟବଲ କ୍ଲବ ଖୋର୍ଦ୍ଧା ଫାଇନାଲକୁ ଉତ୍ତିର୍ଣ୍ଣ ହୋଇଛି ।

Follow RNI News Channel on WhatsApp: https://whatsapp.com/channel/0029VaBPp7rK5cD6X

ଚୋରା କରତକଳ ଉପରେ ଚଢଉ, ଯନ୍ତ୍ରାଂଶ ସହ କାଠ ଜବତ

Biswajit Nath — Wed, 07 May 2025 19:07:58 +0530

ବାସୁଦେବପୁର,୭/୦୫( ) : ଦିନକୁ ଦିନ ଚେôରା କାରବାରର ହବ ପାଲଟିଛି ବାସୁଦେବପୁର । ଚୋରା କୋଇଲା, କାଠ, ବାଲି ଓ ମାଟି କାରବାରର ହବ ପାଲଟିଥିବା ବେଳେ ପ୍ରଶାସନ ଜାଣିପାରୁନି । ଯାହାକୁନେଇ ସାଧାରଣରେ ଅସନ୍ତୋଷ ଦେଖାଦେଇଛି । ଆଜି ବାସୁଦେବପୁର ବନବିଭାଗ ପକ୍ଷରୁ ଚୋରା କରତକଳ ଉପରେ ଚଢଉ କରାଯାଇଥିଲା । କୁମାରପୁର ଠାରେ ଥିବା ଚୋରା କରତକଳ ଉପରେ ଚଢଉ କରି ଯନ୍ତାଂଶ ସହିତ ୨୦ସିପ୍ଟ କାଠ ଜବତ କରିଛି । ଦିର୍ଘ ଦିନରୁ ଏହି ଚୋରା କରତକଳ ଚାଲିଆସୁଥିବା ଖବରପାଇ ବନ ବିଭାଗ ଆଜି ଚଢଉ କରିଥିଲା । ବାସୁଦେବପୁର ପୋଲିସ ସହାୟତାରେ ଭଦ୍ରକ ଏସିଏଫ ସୁମିତ ମହାନ୍ତି,ରେଞ୍ଜର ଅତୁଲ କୁମାର ମହାନ୍ତି, ଫରେଷ୍ଟର ସୁଶିଲକୁମାର ସିଂ,ବିନୋଦକୁମାର ସିଂଙ୍କ ସମେତ ଚାନ୍ଦବାଲି ଓ ଭଦ୍ରକ ବନ ବିଭାଗର କର୍ମଚାରୀମାନେ ଉପସ୍ଥିତ ଥିଲେ ।

ଟଙ୍କା ନେଣଦେଣକୁ ନେଇ ଯୁବକଙ୍କୁ ହତ୍ୟା

Biswajit Nath — Wed, 07 May 2025 19:07:26 +0530

ବାସୁଦେବପୁର,୭/୦୫( ) : ତାମିଲନାଡୁ କାଠପାଡିରେ ଥିବା ଏକ ଘରୋଇ କମ୍ପାନୀରେ କାମ କରୁଥିବା ଦାଦନ ଶ୍ରମିକଙ୍କୁ ଟଙ୍କା ନେଣଦେଣକୁ କେନ୍ଦ୍ର କରି ହତ୍ୟାକାଣ୍ଡ । ଏମିତି କିଛି ସୂଚନା ପାଇଛି ପୋଲିସ । ଏହି ଘଟଣାରେ ଅଭିଯୁକ୍ତକୁ ଗିରଫ କରିବା ପରେ ହତ୍ୟାକାଣ୍ଡରେ ଅନ୍ୟମାନଙ୍କ ସଂପୃକ୍ତି ରହିଛି କି ନାହିଁ ତାହାର ତଦନ୍ତ ଚାଲୁରହିଛି । ଅପରପକ୍ଷରେ ଶବ ବ୍ୟବଛେଦ କରିବା ସହିତ ମୃତକଙ୍କ ପରିବାର ଲୋକଙ୍କୁ ମୃତଦେହ ହସ୍ତାନର କରାଯିବା ପରେ ନିଜ ଗାଁ ମାଟିରେ ପହଞ୍ଚିଛି ମରଶରୀର । ମିଳିଥିବା ସୂଚନା ମୁତାବକ, ବାସୁଦେବପୁର ଥାନା ଅଧିନ ସୁଦର୍ଶନପୁର ପଞ୍ଚାୟତ ମିରିଗା ଗ୍ରାମର ହରିହର ଧଳଙ୍କ ପୁଅ ବଳଭଦ୍ର ଧଳ ତାମିଲନାଡୁ କାଠପାଡିରେ ଥିବା ଏକ ଘରୋଇ କମ୍ପାନୀରେ କାମ କରି ଆସୁଥିଲା । ରବିବାର ସଂନ୍ଧ୍ୟା ସମୟରେ ନିଜ ରୁମସାଥୀଙ୍କ ସହ ବାହାରକୁ ବୁଲିବାକୁୁ ଯାଇଥିଲା । ସେଠାରୁ ସଭିଏଁ ଫେରିବା ପରେ ପୁଣି ଥରେ ଜଣେ ସାଥୀଙ୍କ ସହିତଚାଲିଯିବା ପରେ ରୁମକୁ ଫେରିନଥିଲା । ସାଥୀଜଣକ ରୁମକୁ ଫେରିଥିବା ବେଳେ ପରଦିନ ସକାଳ ସମୟରେ ଗୋଟିଏ କି.ମି ଦୂରରେ ଥିବା ରେଳ ଧାରଣା କଡରେ ମୃତ ଶରୀର ଉପରେ ଫଥର ରଖାଯାଇଥିବା ଦେଖିବାକୁ ମିଳିଥିଲା । ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଜଣକ ବାଲେଶ୍ୱର ଜିଲ୍ଲା ସିମୁଳିଆ ଅଧିନ ବାଟି ଗ୍ରାମର ବୋଲି ଜଣାପଡିଛି ।

ପ୍ରବଚନ ଦେଉଥିବା ସମୟରେ ପ୍ରବଚକଙ୍କ ମୄତ୍ୟୁ

Biswajit Nath — Tue, 01 Apr 2025 19:36:29 +0530

ବାସୁଦେବପୁର,୧/୪ : ମୄତ୍ୟୁ କେବେ, କେମିତି ଆସିବ ତାହା କାହାକୁ ବି ଜଣାନଥାଏ। ଏହାର ଜ୍ଵଳନ୍ତ ଉଦାହରଣ ଦେଖିବାକୁ ମିଳିଛି ଭଦ୍ରକ ବ୍ଲକ ସାହାଡା ପଞ୍ଚାୟତରେ । ପ୍ରବଚନ ଦେଉଥିବା ସମୟରେ ଉଡି ଯାଇଥିଲା ପ୍ରାଣବାୟୁ ।ମୃତ ପ୍ରବଚକ ହେଉଛନ୍ତି ବାସୁଦେବପୁର ବ୍ଲକ ଆଢୁଆଁ ପଞ୍ଚାୟତ ଧାତାପୁର ଗ୍ରାମର ଅଧ୍ୟାପକ ଗୋପାଳ ପ୍ରସାଦ ବେଜ ବୋଲି ଜଣାପଡିଛି । । ସେ ରାମ ଚରିତ ମାନସ ପ୍ରବଚକ ଭାବେ ସ୍ଥାନୀୟ ଅଞ୍ଚଳରେ ଜଣାଶୁଣା ଥିଲେ। ମର ଶରୀର ନିଜ ପୈତୃକ ଗ୍ରାମରେ ପହଞ୍ଚିବା ପରେ ସ୍ଥାନୀୟ ବିଧାୟକ ଅଶୋକ ଦାସ,ଯୁବନେତା ଉଦୟନାରାୟଣ ମଲ୍ଲିକଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ଅନ୍ତିମ ଦର୍ଶନ କରିବା ସହିତ ପରିବାରକୁ ସମବେଦନା ଜଣାଇଛନ୍ତି ।

प्रवचन देते समय प्रबचक कि मोत

Biswajit Nath — Tue, 01 Apr 2025 19:35:30 +0530

भद्रक, 1/4: मौत कब और कैसे आएगी, यह कोई नहीं जानता। इसका ज्वलंत उदाहरण भद्रक प्रखंड के साहाड़ा पंचायत में देखा गया है। प्रवचन देते समय ही उनकी मृत्यु हो गई। मृतक की पहचान बासुदेवपुर प्रखंड के अढुआँ पंचायत के धातापुर गांव के अध्यापक गोपाल प्रसाद बेज के रूप में हुई है। स्थानीय क्षेत्र में वे राम चरित मानस के प्रचारक के रूप में जाने जाते थे। पार्थिव शरीर के उनके पैतृक गांव पहुंचने पर स्थानीय विधायक अशोक दास और युवा नेता उदयनारायण मल्लिक समेत कई गणमान्य लोगों ने उन्हें विशेष श्रद्धांजलि दी और परिवार के प्रति अपनी संवेदना व्यक्त की।

ଗୁଡସ୍ଥିତ ଶ୍ରୀ ଅନନ୍ତବଳଦେବ ଜିୟୁଙ୍କ ସ୍ନାନ ଉତ୍ସବ

Biswajit Nath — Sat, 22 Jun 2024 13:28:46 +0530

ଜମିଜମା ବିବାଦକୁ ନେଇ ଘରପୋଡି

Biswajit Nath — Mon, 10 Jun 2024 19:23:25 +0530

ଭଦ୍ରକ (RNI) ଭାଇଭାଇଙ୍କ ମଧ୍ୟରେ ଥିଲା ଜମିଜମା ବିବାଦ । ବିବାଦ ଏତେ ଉଗ୍ରରୁପ ନେଇଥିଲା ,ଯାହାଫଳରେ ଭାଇର ଘରକୁ ପୋଡିଦେଲା ଭାଇ, ଏମିତି ଅଟଣା ବାସୁଦେବପୁର ଥାନା ଅଧିନ ଅରଣ୍ଡୁଆ ପଞ୍ଚାୟତର କିଆପଡା ଗ୍ରାମରେ ବୋଲି ଜାଣିବାକୁ ମିଳିଛି । ସୂଚନା ମୁତାବକ, କିଆପଡା ଗ୍ରାମର ଇନ୍ଦ୍ରମଣୀ ବେହେରା ଓ କଘ୍ଲେଇ ବେହେରାଙ୍କ ମଧ୍ୟରେ ଜମିଜମାକୁ ନେଇ ବିବାଦ ଲାଗିରହିଥିଲା । ଆଜି ଏହି ବିବାଦ ଉଗ୍ରରୁପ ଧାରଣ କରିବା ପରେ କଘ୍ଲେଇ ବେହେରାଙ୍କ ଘରେ ନିଆଁ ଲଗାଇବାକୁ ନେଇ ଥାନାରେ ଅଭିଯୋଗ ହୋଇଛି ।ଖବରପାଇ ଅଗ୍ନୀଶକବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । ଏନେଇ ଥାନାଧିକାରିଣୀ ଲୋପାମୁଦ୍ରା ନାୟକ କୁହନ୍ତି, ଅଭିଯୋଗକୁ ଭିତ୍ତି କରି ତଦନ୍ତ ଚାଲିଛି ।

Follow RNI News Channel on WhatsApp: https://whatsapp.com/channel/0029VaBPp7rK5cD6XB2

ଜଳିଗଲା 108 ଆମ୍ବୁଲାନ୍ସ, ଅଳ୍ପକେ ବର୍ତିଲେ ଆହତ ଯୁବକ ଏବଂ କର୍ମଚାରୀ

Biswajit Nath — Sun, 09 Jun 2024 13:50:41 +0530

ବାସୁଦେବପୁର (RNI) : ଭଦ୍ରକ ଜିଲ୍ଲା ବାସୁଦେବପୁର ଥାନା ଅଦିନସ୍ଥ ବେତଡା ବଜାର ପେଟ୍ରୋଲ ଟାଙ୍କି ନିକଟରେ ଏକ ଦୁର୍ଘଟଣା ଘଟି ବସନ୍ତ ସାହୁ ନାମକ ଯୁବକ ଗୁରୁତର ହେବାରୁ ସ୍ଥାନୀୟ ଲୋକେ 108କୁ ଫୋନ କରି ଡାକିଥିଲେ ଆମ୍ବୁଲାନ୍ସ ଯାଇ ଗୁରୁତର ଯୁବକକୁ ଉଦ୍ଧାର କରି ଆମ୍ବୁଲାନ୍ସ ଭିତରକୁ ଉଠାଇ ଆକ୍ସିଯାନ ଲଗାଇବାବେଳରେ ହଟାତ ଆମ୍ବୁଲାନ୍ସ ରେ ନିଆଁ ଲାଗିଯାଇଥିଲା । ବୁଧି ଖଟାଇ ପେସେଣ୍ଟ କୁ ତଳକୁ ଓଲ୍ଲାଇ ଆଣିଥିଲେ । ଅତି କାମ ସମୟ ଭିତରେ ଆମ୍ବୁଲାନ୍ସ ଟି ସମ୍ପୂର୍ଣ ଯଲିଯାଇଥିଲା। ତାପରେ ଦମକଳ ଆସି ନିଆକୁ ଆୟତ କରିଥିଲା ।

ଶପଥ ନେବାର ପ୍ରଥମ ଦିନରେ ମାଗଣା ବିଜୁଳି କାର୍ଯ୍ୟକାରୀ କରାଯିବ

Biswajit Nath — Mon, 27 May 2024 18:37:42 +0530

ବାସୁଦେବପୁର, (RNI) : ଷଷ୍ଠ ଥର ଭାବରେ ମୁଖ୍ୟମନ୍ତ୍ରୀ ଭାବରେ ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ଭାବରେ ଶପଥ ନେବାର ପ୍ରଥମ ଦିନରେ ମାଗଣା ବିଜୁଳି କାର୍ଯ୍ୟକାରୀ କରାଯିବା ସହିତ ସମସ୍ତ ବର୍ଗକୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସାମିଲ କରାଯିବ । ଡବଲ ଇଞ୍ଜିନ ସରକାର ଚାଲୁଥିବା ରାଜ୍ୟ ଠାରୁ ଦ୍ରୁତ ଗତିରେ ବିକାଶ ଚାଲିଛି ଓଡିଶା ମାଟିରେ । ଆୟୁଷ୍ମାନ ଯୋଜନାରେ କେବଳ ବିପିଏଲ ପରିବାର ଅନ୍ତର୍ବୁକ୍ତ ହୋଇପାରିବେ । ଅଛେଦିନ ପରିବର୍ତ୍ତେ ଦିନକୁ ଦିନ ବଢୁଛି ନିତ୍ୟ ବ୍ୟବହାର୍ଯ୍ୟ ସାମଗ୍ରୀର ଦର ବୋଲି ସାଧାରଣ ନିର୍ବାଚନକୁ ନେଇ ଆଜି ବାସୁଦେବପୁର ଗସ୍ଥରେ ଆସି ବିରୋଧୀ ବିଜେପି କୁ ଏପରି ଆକ୍ଷେପ କରିଛନ୍ତି ୫ଟି ଅଧ୍ୟକ୍ଷ ଭିକେ ପାଣ୍ଡିୟାନ । ସ୍ଥାନୀୟ ଅଞ୍ଚଳର ବିକାଶକୁ ଗୁରୁତ୍ୱ ଦେଇ ଆସୁଥିବା ବିଜୁ ଜନତା ଦଳ ବିକାଶର ଧାରାରେ ସାମିଲ ହୋଇ ବିଜେଡି ପ୍ରାର୍ଥୀମାନଙ୍କ ପାଇଁ ଯୋଡି ଶଙ୍ଖରେ ଭୋଟ ଭିକ୍ଷା କରିଥିଲେ । ପୁର୍ବରୁ ଦେଇଥିବା ପ୍ରତିଶ୍ରୁତି ମିଛରେ ପରିଣତ ହୋଇଛି । ୨୦୨୪ ନିର୍ବାଚନ ପରେ ଖୋଜିଲେବି ସେମାନଙ୍କୁ ପାଇବେନି । ଅପରାହ୍ନରେ ଅଟଳବିହାରୀ କଲେଜ ପଡିଆରେ ଅସ୍ଥାୟୀ ହେଲିପେଡରେ ଅବତରଣ ପରେ ଯାଦବ ପଡିଆ ଠାରେ ଆୟୋଜିତ ନିର୍ବାଚନୀ ସଭାରେ ଯୋଗଦେଇଥିଲେ । ଏହି ଅବସରରେ ବିଜେଡି ସାଂସଦ ପ୍ରାର୍ଥିନୀ ମଞ୍ଜୁଲତା ମଣ୍ଡଳ ଓ ବାସୁଦେବପୁର ବିଧାୟକ ପ୍ରାର୍ଥୀ ବିଷ୍ନୁବ୍ରତ ରାଉତରାୟ ଯୋଗଦେଇ ଯୋଡିଶଙ୍ଖରେ ଭୋଟଭିକ୍ଷା କରିଥିଲେ । ଏହି ଅବସରରେ କୋଡିଏ ହଜାରରୁ ଉର୍ଦ୍ଧ ବିଜେଡି କର୍ମୀ ଓ ସମର୍ଥକମାନେ ଯୋଗଦେଇଥିଲେ ।

Follow RNI News Channel on WhatsApp: https://whatsapp.com/channel/0029VaBPp7rK5cD6XB2

ବିଜେଡିରେ ମିଶିଲେ ତୃଣମୂଳ କଂଗ୍ରେସର ଭଦ୍ରକ ଜିଲ୍ଲା ସଭାପତି

Biswajit Nath — Sat, 25 May 2024 12:14:59 +0530

ଭଦ୍ରକ (RNI) ଆଜି ବାସୁଦେବପୁର ବିଧାୟକ ବିଷ୍ଣୁବ୍ରତ ରାରତରାୟଙ୍କ ବାସ ଉବନରେ ମିଶ୍ରଣପର୍ବ ଅନୁଷ୍ଠିତ ହୋଇଯାଇଛି । ଏହି ଅବସରରେ ତୃଣମୂଳ କଂଗ୍ରେସର ଭଦ୍ରକ ଜିଲ୍ଲା ସଭାପତି ତଥା ଗତଥରର ବିଧାୟକ ପ୍ରାର୍ଥୀ ନାଥ ବୈରାଗୀ ଦାସ ବେହେରା ନବୀନ ପଟ୍ଟନାୟକଙ୍କ ନିତୀ ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଛନ୍ତି ।

Follow RNI News Channel on WhatsApp: https://whatsapp.com/channel/0029VaBPp7rK5cD6XB2

ଭିତରେ ଫଟା ଉପରେ ଗୋଟା ! ବିଜେଡିର ବାଇକ ଶୋଭାଯାତ୍ରା

Biswajit Nath — Tue, 21 May 2024 23:23:23 +0530

ଭଦ୍ରକ,୨୧/୫(RNI ) : ମଇଁଷି ଶିଘଂ ଭିତରେ ଫଟା ଉପରକୁ ଗୋଟା । ଦଳୀୟ ନିଷ୍ପତ୍ତିକୁ ସମ୍ମାନ ଜଣାଇ ଆଜି ଉଭୟ ଗୋଷ୍ଠୀର ଗୋଟିଏ ନାରା । ଶୋଭାଯାତ୍ରାରେ ବାହାରି ଜୋଡି ଶଙ୍ଖରେ କରିଲେ ଭୋଟ ଭିକ୍ଷା । ସାଧାରଣ ନିର୍ବାଚନକୁ ନେଇ ବାଇକ ଶୋଭାଯାତ୍ରାରେ ନିଜର ଶକ୍ତି ପ୍ରଦର୍ଶନ କରିଛି ବିଜେଡି । ବିଜେଡି ସାଂସଦ ପ୍ରାର୍ଥିନୀ ମଞ୍ଜୁଲତା ମଣ୍ଡଳ ଓ ବିଧାୟକ ପ୍ରାର୍ଥୀ ବିଷ୍ନୁବ୍ରତ ରାଉତରାୟ ଆଜି ବାସୁଦେବପୁର ନିର୍ବାଚନ ମଣ୍ଡଳିର ଏକୋଇଶି ନମ୍ବର ଜୋନରେ ବାଇକ ଶୋଭାଯାତ୍ରାରେ ସାମିଲ ହୋଇ ଜୋଡି ଶଙ୍ଖ ଚିହ୍ନ ପାଇଁ ଭୋଟ ଭିକ୍ଷା କରିଥିଲେ । ଭେଡାନାଇକାଣିଙ୍କ ଠାରେ ପୂଜାର୍ଚ୍ଚନା ପରେ ବାଇକ ଶୋଭାଯାତ୍ରା ଆରମ୍ଭ ହୋଇ ବିରସ ଠାରେ ପହଞ୍ଚିଥିଲା । ଏହି ଅବସରରେ ବ୍ଲକ ବିଜେଡି ସଭାପତି ଦୀନବନ୍ଧୁ ଦାସ, ଯୁବନେତା ଅସିତକୁମାର ଦାଶ,ଭାଗିରଥୀ ବଳ,କାଳନ୍ଦୀ ସାହୁ,କୃଷ୍ନଚନ୍ଦ୍ର ଘଡେଇ,ପ୍ରଫୁଲ୍ଲ ପଳିତା, ଜିତେନ୍ଦ୍ର ଦାସ,ପବିତ୍ର ପୁହାଣ,ଜଗବନ୍ଧୁ ଖିଲାର,ନିରଞ୍ଜନ ଦାସପ୍ରମୁଖ ଶୋଭାଯାତ୍ରା ପରିଚାଳନାରେ ସହଯୋଗ କରିଥିଲେ । ତେବେ ବିଜେଡିର ଉଭୟଗୋଷ୍ଠୀର ମିଳିତ ଭୋଟ ଭିକ୍ଷା ଆଗାମୀ ଦିନରେ ଭୋଟରମାନଙ୍କ ଉପରେ କିପ୍ରକାର ପ୍ରଭାବ ପକାଉଛି ତାହା ଦେଖିବାକୁ ବାକି ରହିଲା ।

Follow RNI News Channel on WhatsApp: https://whatsapp.com/channel/0029VaBPp7rK5cD6XB2

ପୋଷ୍ଟର ଲଗାଇବାରୁ ଭୁଜାଲିରେ ଆକ୍ରମଣ

Biswajit Nath — Mon, 20 May 2024 16:31:22 +0530

ଭଦ୍ରକ (RNI ) : ନିର୍ବାଚନ ଯେତେ ପାଖେଇ ଆସୁଛି ରାଜନୈତିକ ହିଂସା ଧରରେ ଧିରେ ବଢିବାରେ ଲାଗିଛି । ପୋଷ୍ଟର ଲଗାଇବାକୁ ନେଇ ମରଣାନ୍ତକ ଆକ୍ରମଣ । ଆକ୍ରମଣର ଶିକାର ହୋଇଥିବା ଯୁବକ ଜଣକଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଭଦ୍ରକ ଜିଲ୍ଲା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ମିଳିଥିବା ସୂଚନା ମୁତାବକ, ଭଦ୍ରକ ଜିଲ୍ଲା ବାସୁଦେବପୁର ପୈାରପାଳିକାର ପାଞ୍ଚ ନମ୍ବର ୱାର୍ଡରେ ସତ୍ୟକାନ୍ତ ନାୟକ ନିଜ ବାଡିରେ ପୋଷ୍ଟର ଲଗାଇବା ସହିତ ନିଜ ସମର୍ଥିତ ବିଜେଡି ବିଧାୟକ ପ୍ରାର୍ଥୀଙ୍କ ବ୍ୟାନର ଲଗାଇଥିଲେ । ଯାହାକୁ ନେଇ ବିଜେପି କାଉନସିଲର ଜଣକ ନିଜର ସମର୍ଥକମାନଙ୍କୁ ନେଇ ସତ୍ୟକାନ୍ତଙ୍କୁ ବିଭିନ୍ନ ମାରଣାସ୍ତ୍ର ସାହାର୍ଯ୍ୟରେ ଆକ୍ରମଣ କରିଥିଲେ । ଏନେଇ ଥାନାରେ ଲିଖିତି ଆସିବା ପରେ ଥାନାଧିକାରିଣୀ ଲୋପାମୁଦ୍ରା ନାୟକ ଆକ୍ରମଣକାରୀ କାଉନସିଲରକୁ ଥାନାରେ ଅଟକ ରଖି ଘଟଣାର ତଦନ୍ତ କରୁଛି ।

Follow RNI News Channel on WhatsApp: https://whatsapp.com/channel/0029VaBPp7rK5cD6XB2

ବିଧାୟକଙ୍କ କଣ୍ଠରେ ନବୀଚଙ୍କ ବିକାଶର ଗାଥା ଆମ ଓଡିଶା ନଦୀନ ଓଡିଶା ସଙ୍ଗୀତ ଉନ୍ମୋଚନ ଉତ୍ସବ

Biswajit Nath — Wed, 15 May 2024 11:14:46 +0530

ଭଦ୍ରକ (RNI ) ଗଣତନ୍ତ୍ରର ମହାପର୍ବ ସାଧାରଣ ନିର୍ବାଚନ - ୨୦୨୪ ପରିପ୍ରେକ୍ଷୀରେ ଗାଁ ଠାରୁ ସହର ପର୍ଯ୍ୟନ୍ତ ସବୁଠି ନିର୍ବାଚନ ଉଷ୍ମତା ଭରି ଯାଇଛି । ନିର୍ବାଚନ ରଣାଙ୍ଗନରେ ବିଭିନ୍ନ ରାଜନୈତିକ ଦଳ ପକ୍ଷରୁ କସରତ ଆରମ୍ଭ ହୋଇଯାଇଛି । ଓଡିଶାର ସାଡେ ଚାରି କୋଟି ହୃଦୟର ନେତା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶର ବାର୍ଭାକୁ ଘରେ ଘରେ ପହଞ୍ଚାଇବାକୁ ବାସୁଦେବପୁର ଯୁବ ବିଧାୟକ ବିଷ୍ଣୁବ୍ରତ ରାଉତରାୟ ଏକ ଅଭିନବ ପ୍ରାୟସ କରିଛନ୍ତି । ଭାରତ ବର୍ଷର ଏକ ନମ୍ବର ମୁଖ୍ୟମନ୍ତ୍ରୀ ଭାବେ ନିଜର ପାରଦର୍ଶିତା ଦେଖାଇ କ୍ରମାଗତ ଭାବେ ନିର୍ବାଚିତ ହେଇଥିବା ନବୀନ ପଟ୍ଟନାୟକ ଏଥର ଷଷ୍ଠଥର ମୁଖ୍ୟମନ୍ତ୍ରୀ ଭାବେ ନିର୍ବାଚିତ କରିବା ପାଇଁ ସମଗ୍ର ଓଡିଶାବାସୀଙ୍କର ଅକୁଣ୍ଠ ସ୍ନେହ, ଶ୍ରଦ୍ଧା, ଆଶୀର୍ବାଦ ଓ ଭଲ ପାଇବା ରହିଛି । ଏହି ସ୍ରୋତରେ ନିଜକୁ ଗୁଣ୍ଡୁଚି ମୂଷା ପରି ସାମିଲ କରିବା ପାଇଁ ପତ୍ନୀ ଋତୁପର୍ଣ୍ଣା ସ୍ରୋତସ୍ବିନୀ ରାଉତରାୟଙ୍କ ସ‌ହ‌ଯୋଗରେ ବିଧାୟକ ବିଷ୍ଣୁବ୍ରତ ରାଉତରାୟ କଣ୍ଠଦାନ କରି ଓଡିଶାର ପ୍ରକୃତ ଚିତ୍ରକୁ ଜନସାଧାରଣଙ୍କ ପାଖରେ ପହ‌ଞ୍ଚାଇବାକୁ ଉଦ୍ୟମ କରିଛନ୍ତି । ତାଙ୍କର ଯାଦୁଗରି କଣ୍ଠରେ ଓଡିଶାର ସବୁ ବର୍ଗର ଲୋକମାନଙ୍କ ପାଇଁ କାର୍ଯ୍ୟକାରୀ ହେଉଥିବା ସଫଳ ଯୋଜନାକୁ ସଙ୍ଗୀତ ମାଧ୍ୟମରେ ପରିବେଷଣ କରିବା ପାଇଁ ଚେଷ୍ଟା କରିଛନ୍ତି ।

Follow RNI News Channel on WhatsApp: https://whatsapp.com/channel/0029VaBPp7rK5cD6XB2

କିଏ ହେବେ ବିଜୟୀ ? ୨୦୨୪ ସାଧାରଣ ନିର୍ବାଚନ ପାଇଁ କସରତ

Biswajit Nath — Tue, 14 May 2024 18:54:10 +0530

ବାସୁଦେବପୁର (RNI) : ଭଦ୍ରକ ସାଂସଦୀୟ କ୍ଷେତ୍ର ଅନ୍ତର୍ଗତ ୫ଟି ବିଧାନସଭା ମଣ୍ଡଳୀ ମଧ୍ୟରୁ ବାସୁଦେବପୁର ନିର୍ବାଚନ ମଣ୍ଡଳୀ ସବୁ ସମୟରେ ଚର୍ଚ୍ଚାରେ ରହିଆସିଛି । ତିନିଜଣ ମୁଖ୍ୟମନ୍ତ୍ରୀ ଦେଇଥିବା ବାସୁଦେବପୁର ବିଧାନସଭା ଆସନ ଉପକୂଳ ଓଡିଶାର ଏକ ଚର୍ଚ୍ଚିତ ବିଧାନସଭା ଆସନ । ପୂର୍ବତନ ମୁଖ୍ୟମନ୍ତ୍ରୀ ସ୍ୱର୍ଗତ ନୀଳମଣି ରାଉତରାୟଙ୍କ ସୁଯୋଗ୍ୟ ଦାୟାଦ ତଥା ଛଅ ଥରର ବିଧାୟକ ଓ ପୂର୍ବତନ ମନ୍ତ୍ରୀ ସ୍ୱର୍ଗତ ବିଜୟଶ୍ରୀ ରାଉତରାୟଙ୍କ କନିଷ୍ଠପୁତ୍ର ବର୍ତ୍ତମାନର ବିଧାୟକ । ପୁଣି ଥରେ ଆସ୍ଥା ପ୍ରକଟ କରି ଦଳ ପକ୍ଷରୁ ବିଜେଡି ବିଧାୟକ ପ୍ରାର୍ଥୀ ଭାବରେ ନିର୍ବାଚନ ମଇଦାନରେ ବିଷ୍ଣୁବ୍ରତ ରାଉତରାୟ । ଚଳିତ ନିର୍ବାଚନ ବିଜେଡି ପାଇଁ ସମ୍ମାନର ପ୍ରଶ୍ନ ।

ଏପରିସ୍ଥଳେ ନିଜର ପାଞ୍ଚବର୍ଷର କାର୍ଯ୍ୟାଶୈଳୀ ଓ ପିତାଙ୍କ ସୁନାମ ସହିତ ନବୀନ ସରକାରଙ୍କ ଜନକଲ୍ୟାଣକାରୀ ଯୋଜନାର ସଫଳତାକୁ ପାଥେୟ କରି ଦ୍ବିତୀୟ ଥର ବିଧାୟକ ଭାବରେ ନିର୍ବାଚିତ ହେବା ପାଇଁ କର୍ମୀ ସମ୍ମିଳନୀ ଠାରୁ ଆରମ୍ଭ କରି ଘରକୁ ଘର ବୁଲି ପ୍ରଚାରରେ ଲାଗି ପଡିଛନ୍ତି ବିଧାୟକ ବିଷ୍ଣୁବ୍ରତ ।

ସେହିପରି ୨ୟ ଥର ପାଇଁ ନିର୍ବାଚନ ମଇଦାନକୁ ଓହ୍ଲାଇଛନ୍ତି କଂଗ୍ରେସପ୍ରାର୍ଥୀ ,ବାସୁଦେବପୁର ର ପୂର୍ବତନ ମ୍ୟୁନିସପାଲିଟ୍ ଚେୟାରମ୍ୟାନ ତଥା ଜିଲ୍ଲା କଂଗ୍ରେସ ସଭାପତି ଅଶୋକ କୁମାର ଦାସ । ପ୍ରଥପ୍ରାନ୍ତ ସଭା ଠାରୁ ଆରମ୍ଭ କରି ଘରକୁ ଘର ବୁଲି ପ୍ରଚାର ରେ ଲାଗି ପଡିଛନ୍ତି । ୨୦୧୯ ନିର୍ବାଚନ ରେ ବିଜେଡି ପ୍ରାର୍ଥୀ ବିଷ୍ଣୁବ୍ରତଙ୍କ ଠାରୁ ମାତ୍ର ୯୫୮୧ ଭୋଟ ବ୍ୟବଧାନରେ ପରାଜିତ ହୋଇଥିଲେ । ଚଳିତ ନିର୍ବାଚନ ରେ ଅଶୋକ ଦାସଙ୍କ ରଣକୌଶଳରେ ବିଜେପି ଓ ବିଜେଡ଼ିକୁ ପଛରେ ପକାଇ ବିଜୟୀ ପାଇଁ ଅଣ୍ଟଭିଡିଛନ୍ତି ।

ଅପରପକ୍ଷରେ ବିଜେପି ମଧ୍ୟ ଆପଣାଇଛି ରାଜନୈତିକ ଗୈଟିଚାଳନା , ନୂଆ ଚେହେରା ସହ ନିର୍ବାଚନ ମଇଦାନରେ । ଗତଥରର ବିଜେପି ପ୍ରାର୍ଥୀ ହୋଇଥିବା ଓ ପାଞ୍ଚ ବର୍ଷ ଧରି ସଂଗଠନ ସମ୍ଭାଳିଥିବା ମାଧବାନନ୍ଦ ମଲ୍ଲିକଙ୍କ ବଦଳରେ ନୂଆ କରି ବିଜେପିରେ ଯୋଗ ଦେଇଥିବା ଯୁବନେତା ବାଣିକଲ୍ୟାଣ ମହାନ୍ତିଙ୍କୁ ପ୍ରାର୍ଥୀ କରିଛି । ଭୋଟର ମାନଙ୍କ ନିକଟତର ହେବା ପାଇଁ ବାଣୀ କଲ୍ୟାଣ ମଧ୍ୟ ପୁରା ଦମରେ ଲାଗି ପଡିଛନ୍ତି । ବିଜେପି ନୌକାରେ ନିର୍ବାଚନ ବୈତରଣୀ ପାର ହୋଇଯିବାକୁ ସେ ମଧ୍ୟ କର୍ମୀ ସମ୍ମିଳନୀ ଠାରୁ ଆରମ୍ଭ କରି ପଥପ୍ରାନ୍ତ ସଭା କରି ଭୋଟରମାନଙ୍କୁ ଆପଣାଇବା ପାଇଁ ଲାଗିପଡିଛନ୍ତି । ଗତ ନିର୍ବାଚନରେ ର ମାତ୍ର ଉଣେଇଶ ପ୍ରତିଶତ ଭୋଟ ପାଇ ତୃତୀୟ ସ୍ଥାନରେ ରହିଥିବା ବିଜେପି ପ୍ରଧାନମନ୍ତ୍ରୀ ମୋଦୀଙ୍କ ଲୋକପ୍ରିୟତାକୁ ଭୋଟରେ ବଦଳାଇବା ତାଙ୍କ ପାଇଁ ପ୍ରମୁଖ ସମସ୍ୟା ହୋଇଥିବା ବେଳେ ଦେଖିବାକୁ ବାକି ରହିଲା ଜନତା ଜନାର୍ଦ୍ଧନ କାହାକୁ ବିଜୟ ମୁକୁଟ ପିନ୍ଧାଉଛନ୍ତି ।

Follow RNI News Channel on WhatsApp: https://whatsapp.com/channel/0029VaBPp7rK5cD6XB2

କଂଗ୍ରେସରୁ ଅଶୋକ, ବିଜେପିରୁ ବାଣିକଲ୍ୟାଣଙ୍କ ନାମାଙ୍କନ ଦାଖଲ

Biswajit Nath — Fri, 10 May 2024 20:00:51 +0530

ଭଦ୍ରକ ୧୦/୫ (RNI) : ସାଧାରଣ ନିର୍ବାଚନ କୁ ନେଇ ବାସୁଦେବପୁର ବିଧାନସଭା ଆସନ ପାଇଁ କଂଗ୍ରେସ ଓ ବିଜେପି ପକ୍ଷରୁ ଆଜି ନାମାଙ୍କନ ପତ୍ର ଦାଖଲ ହୋଇଛି । ନାମାଙ୍କନ ପତ୍ର ଦାଖଲକୁ ନେଇ ବିଜେପି ପକ୍ଷରୁ ଏକ ପଟୁଆର ଶୋଭାଯାତ୍ରାରେ ବାହାରି ବାସୁଦେବପୁର ସହର ପରିକ୍ରମା କରିଥିଲା । ବିଜେପି ପ୍ରାର୍ଥୀ ବାଣୀକଲ୍ୟାଣ ମହାନ୍ତିଙ୍କ ନାମାଙ୍କନପତ୍ର ଦାଖଲ ଅବସରରେ ଅସନ୍ତୁଷ୍ଟ ବିଜେଡି କର୍ମୀମାନଙ୍କୁ ଦେଖିବାକୁ ମିଳିଥିଲା ।ସେହିପରି କଂଗ୍ରେସ ପ୍ରାର୍ଥୀ ଅଶୋକ କୁମାର ଦାଶ ନିଜର କର୍ମୀ ଓ ସମର୍ଥକଙ୍କ ସହିତ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ନାମାଙ୍କନପତ୍ର ଦାଖଲ କରିଛନ୍ତି । ଅପରପକ୍ଷରେ ଆସନ୍ତା ତେର ତାରିଖରେ ଯାଦବପଡିଆ ଠାରୁ ଏକ ଶୋଭାଯାତ୍ରାରେ ବାହାରି ବାସୁଦେବପୁର ସହର ପରିକ୍ରମା କରିବା ପରେ ଭଦ୍ରକବାଇପାସ୍ ଜଗନ୍ନାଥ ମନ୍ଦିର ଠାରୁ ଏକ ବିଶାଳ ପଟୁଆର ରେ ବିଜେଡି ବିଧାୟକ ପ୍ରାର୍ଥୀ ବିଷ୍ଣୁବ୍ରତ ରାଉତରାୟ ନାମାଙ୍କନ ପତ୍ର ଦାଖଲ କରିବେ ବୋଲି ଜାଣିବାକୁ ମିଳିଛି ।ସେହିପରି ବିଜେଡି ସାଂସଦ ପ୍ରାର୍ଥିନୀ ବାସୁଦେବପୁରର ବୋହୁ ମଞ୍ଜଲତା ମଣ୍ଡଳ ଆଜି ନିଜର ନାମାଙ୍କନପତ୍ର ଦାଖଲ କରିଛନ୍ତି । ଏହି ଅବସରରେ ଧାମନଗରର ପ୍ରାକ୍ତନ ବିଧାୟକ ମୁକ୍ତିକାନ୍ତ ମଣ୍ଡଳଙ୍କ ସମେତ ଧାମନଗର ବିଧାୟକ ପ୍ରାର୍ଥୀ ସଞ୍ଜୟ ଦାସ,ଭଣ୍ଡାରିପୋଖରୀ ବିଧାୟକ ପ୍ରାର୍ଥୀ ସଞ୍ଜୀବ ମଲ୍ଲିକ, ଭଦ୍ରକ ବିଧାୟକ ପ୍ରାର୍ଥୀ ପ୍ରଫୁଲ୍ଲ ସାମଲ,ବାସୁଦେବପୁରବିଧାୟକ ପ୍ରାର୍ଥୀ ବିଷ୍ନୁବ୍ରତ ରାଉତରାୟପ୍ରମୁଖ ଉପସ୍ଥିତ ଥିଲେ ।

ବିଜେଡିରେ ମିଶିଲେ ବିଜେପି ସମର୍ଥୀତ ସରପଞ୍ଚ ପ୍ରାର୍ଥୀ ସନ୍ତୋଷ

Biswajit Nath — Mon, 06 May 2024 21:17:42 +0530

ବାସୁଦେବପୁର,୬/୫(RNI) : ସାଧାରଣ ନିର୍ବାଚନ ଯେତେ ପାଖେଇ ଆସୁଛି । ରାଜନୈତିକ ଗୋଟିଚାଳନା , ଶକ୍ତି ପ୍ରଦର୍ଶନ ସହ ମିଶ୍ରଣପର୍ବ ରଙ୍ଗରେ ରଙ୍ଗିନ ହେଉଛି ତିନି ପ୍ରମୁଖ ରାଜନୈତିକ ଦଳ । ଆଜି ବିଜେଡି ବିଧାୟକ ପ୍ରାର୍ଥୀ ବିଷ୍ନୁବ୍ରତ ରାଉତରାୟଙ୍କ ନିତୀ ଆଦର୍ଶରେ ଅନୁପ୍ରାଣୀତ ହୋଇ ଗୁଆଗଡିଆ ପଞ୍ଚାୟତର ବିଜେପି ସମର୍ଥୀତ ସରପଞ୍ଚ ପ୍ରାର୍ଥୀ ସନ୍ତୋଷ ମଳିକ ବିଜେଡିରେ ସାମିଲ ହୋଇଛନ୍ତି । ବିଜୁ ଜନତା ଦଳ କାର୍ଯ୍ୟାଳୟରେ ବିଧାୟକଙ୍କ ଉପସ୍ଥିତିରେ ଶ୍ରୀ ମଳିକଙ୍କୁ ପୁଷ୍ପଗୁଚ୍ଛ ସହିତ ଦଳୀୟ ଉପଢୈାକନ ପ୍ରଦାନ କରି ସ୍ୱାଗତ କରାଯାଇଥିଲା । ଏହି ଅବସରରେ ବିଜୁ ଜନତା ଦଳର ବରିଷ୍ଠ କର୍ମୀମାନେ ଉପସ୍ଥିତ ଥିଲେ ।

ବିଜେଡିରେ ମିଶିଲେ ଚାଳିଶ ପରିବାର

Biswajit Nath — Mon, 06 May 2024 21:07:23 +0530

ବାସୁଦେବପୁର,6/5( RNI) : ବାସୁଦେବପୁର ନିର୍ବାଚନ ମଣ୍ଡଳୀରେ ସଶକ୍ତ ହେଉଛି ବିଜୁ ଜନତାଦଳ । ନବୀନ ପଟ୍ଟନାୟକଙ୍କ ନିତୀ ଓ ଆଦର୍ଶରେ ଅନୁପ୍ରାଣିତ ହୋଇ ବିକାଶଧାରାରେ ସାମିଲ ହୋଇଛନ୍ତି ଚାଳିଶ ପରିବାର । ବାସୁଦେବପୁର ବିଜେଡି କାର୍ଯ୍ୟାଳୟରେ ଆଜିର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଏହି ଅବସରରେ ବିଜେଡି ପ୍ରାର୍ଥୀ ବିଷ୍ନୁବ୍ରତ ରାଉତରାୟ ଓ ଦୁର୍ଗାଦତ୍ତ ରାଉତରାୟଙ୍କ ଉପସ୍ଥିତିରେ ମଙ୍ଗଳପୁର ପଞ୍ଚାୟତର ଚାଳିଶ ପରିବାର ଅନ୍ୟଦଳ ଛାଡି ବିଜେଡିରେ ସାମିଲ ହୋଇଛନ୍ତି । ମଙ୍ଗଳପୁର ପଞ୍ଚାୟତର ପ୍ରମୋଦ ବାରିକ, ଲକ୍ଷ୍ମୀଧର ନାୟକ,ସମ୍ବୁନାଥ ନାୟକ, ଭିକାରୀଚରଣ ନାୟ. ଭାଗିରଥୀ ଦାସ, ଚନ୍ଦନ ନାୟକ, ବିନୋଦ ନାୟକ, ପିତନାସ ପରିଡା, ରଞ୍ଜନ ନାୟକ, ସୁରେନ୍ଦ୍ର ବାରିକ, ମକରା ମାଝୀ,ଏସକେ ବାଗଦାଦ, ନରେତ୍ତମ ସାହୁ, ରାଜେନ୍ଦ୍ର ନାୟକ, ଦୟାନିଧୀ ବାରିକ,ଝଣ୍ଟୁଆ ମହାଳିକ,ରମେଶଶଚନ୍ଦ୍ର ସାହୁ, କୈଳାସ ମହାଳିକ, ଘନଶ୍ୟାମ ମହାଳିକ, ନୀରୋଦ ମହାଳିକ, କାଳନ୍ଦୀ ମହାଳିକ, ଗଙ୍ଗାଧର ମହାଳିକ, ଉମାକାନ୍ତ ମହାଳିକ, ଜୀବନ ନାୟକପ୍ରମୁଖ ଆଜି ବିଜୁ ଜନତା ଦଳରେ ସାମିଲ ହୋଇଛନ୍ତି । ଏହି ଅବସରରେ ଜିଲ୍‌ଲା ସାଧାରଣ ସଂପାଦକ କମଳାକାନ୍ତ ଲେଙ୍କା,ବିଜେଡିର ଜିଲ୍ଲା ଉପସଭାପତି ସୁରେନ୍ଦ୍ରପ୍ରସାଦ ନାୟକ, ଯୁବନେତା ଶଶଧର ମଲ୍ଲିକ, ସଂଗ୍ରାମକେଶରୀ ଦାସ, ଧର୍ମାନନ୍ଦ ବେହେରା, ବିପିନ ଦାସ ଓ ଅକ୍ଷୟକୁମାର ସେଠୀ ପ୍ରମୁଖ ଉପସ୍ଥିତ ରହି ନବାଗତ ମାନଙ୍କୁ ପୁଷ୍ପଗୁଚ୍ଛ ଓ ଦଳୀୟ ଉପଢୈାକନ ପ୍ରଦାନ ପୁର୍ବକ ସ୍ୱାଗତ କରିଥିଲେ ।

ବାଣିକଲ୍ୟାଣଙ୍କ ରୋଡ ସୋ

Biswajit Nath — Mon, 06 May 2024 21:05:45 +0530

ବାସୁଦେବପୁର,୬/୫( RNI) : ସାଧାରଣ ନିର୍ବାଚନକୁ ନେଇ ତିନି ପ୍ରମୁଖ ଦଳ ନିଜର ରଣକୈାଶଳ ସହ ଶକ୍ତି ପ୍ରଦର୍ଶନ କରାଇବାରେ ଲାଗିପଡିଛନ୍ତି । ଆଜି ଅପରାହ୍ନ ୬ଟା ସମୟରେ ବାସୁଦେବପୁର ବିଧାନସଭା ଆସନ ପାଇଁ ବିଜେପିର ରୋଡ ସୋ ଅନୁଷ୍ଠିତ ହୋଇଯାଇଛି । ସୁଗୋ ପଞ୍ଚାୟତର କପାଗଡିଆ ଛକ ଠାରୁ ବିଜେପି ସମର୍ଥିତ କର୍ମୀମାନେ ମୋଟର ସାଇକେଲ ଶୋଭାଯାତ୍ରାରେ ବାହାରି ବାସୁଦେବପୁର ସହର ପରିକ୍ରମା କରି ମନ୍ଦାରୀ କଲେଜପଡିଆ ଠାରେ ପହଞ୍ଚିଥିଲେ । ଏହି ଅବସରରେ ବିଜେପି ବିଧାୟକ ପ୍ରାର୍ଥୀ ବାଣିକଲ୍ୟାଣ ମହାନ୍ତିଙ୍କ ସହ ବିଜେପି ସାଂସଦ ପ୍ରାର୍ଥୀ ଅଭିମନ୍ୟୁ ସେଠୀ,ଉଦୟନାରାୟଣ ମଲ୍ଲିକ,ଅଶୋକ ସାହୁପ୍ରମୁଖ ରୋଡ ସୋ ରେ ଉପସ୍ଥିତ ଥିଲେ ।

ବେତଡା ହାଇସ୍କୁଲ ବନ୍ଧୁମିଳନ

Biswajit Nath — Sat, 06 Apr 2024 23:54:46 +0530

ବାସୁଦେବପୁର (RNI) : ବାସୁଦେବପୁର ବ୍ଲକ ଅନ୍ତର୍ଗତ ବେତଡା ହାଇସ୍କୁଲର ୧୯୭୨ମସିହା ବ୍ୟାଚ ଛାତ୍ରଛାତ୍ରୀମାନଙ୍କର ବେତଡାହାଟ କଲ୍ୟାଣ ମଣ୍ଡପ ଠାରେ ବନ୍ଧୁମିଳନ ସମାରୋହ ଅନୁଷ୍ଠିତ ହୋଇଯାଇଛି । ଏହି ଅବସରରେ ବେତଡା ହାଇସ୍କୁଲର ପୁର୍ବତନ ଶିକ୍ଷକ ପୁର୍ଣ୍ଣଚନ୍ଦ୍ର ପରିଡାଙ୍କ ପୈାରହିତ୍ୟରେ ବରେଣ୍ୟ ଅତିଥି ଭାବରେ ଶିକ୍ଷକ ଚିତ୍ତରଞ୍ଜନ ମହାନ୍ତି,ଉପେନ୍ଦ୍ର ପ୍ରସାଦ ପାଣିଗ୍ରାହୀ ଯୋଗ ଦେଇଥିଲେ । ଅବସରପ୍ରାପ୍ତ ପୋଲିସ ଅଧିକ୍ଷକମନରଞ୍ଜନ ମହାନ୍ତି,ପ୍ରଧାନଶିକ୍ଷକ ଉଦୟ ନାରାୟଣ ପାଢୀ, ଅବସରପ୍ରାପ୍ତ ପ୍ରାଦ୍‌୍ୟାପକ ଡ. ସୁରେନ୍ଦ୍ର ପ୍ରସାଦ ମହାନ୍ତି,ପ୍ରାଧ୍ୟାପିକା ପ୍ରତିଭା ରାୟପ୍ରମୁଖ ସ୍ମୃତି ବିଜତିତ ମୂଲ୍ୟବୋଧ ଉପରେ ଆଲୋକପାତ କରିଥିଲେ । ଶିକ୍ଷକମାନଙ୍କୁ ଛାତ୍ରଛାତ୍ରୀମାନେ ଉପଢୈାକନ ଓପୁଷ୍ପଗୁଚ୍ଛ ପ୍ରଦାନ ପୁର୍ବକ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ସମସ୍ତ ପୁରାତନ ଛାତ୍ରଛାତ୍ରୀମାନେ ଉପସ୍ଥିତ ଥିଲେ ।

Follow the RNI News channel on WhatsApp: https://whatsapp.com/channel/0029VaBPp7rK5cD6XB2Xp81Z

ବିଜେଡିର ମିଶ୍ରଣ ପର୍ବ

Biswajit Nath — Sat, 06 Apr 2024 23:53:03 +0530

ବାସୁଦେବପୁର (RNI) : ଆଗକୁ ଆସୁଛି ନିର୍ବାଚନ । ନିର୍ବାଚନ ପୁର୍ବରୁ ଚାଲିଛି ରାଜନୈତିକ ଦଳମାନଙ୍କର ଗୋଟିଚାଳନା । ପ୍ରତିଟି ନିର୍ବାଚନ ସମୟରେ ବିଜେଡି ତାର ନିର୍ବାଚନ ରଣକୈାଶଳକୁ ଆପଣାଇ ବାସୁଦେବପୁର ବିଧାନସଭା କ୍ଷେତ୍ରରେ ଲଗାତର ଭାବରେ ବିଜୟ ମୁକୁଟ ପାଇ ଆସୁଛି । ଆଜି ବାସୁଦେବପୁର ବିଧାନସଭା କ୍ଷେତ୍ର ଅଧିନ ନାଇକାଣିଡିହି ମେଳନ ପଡିଆ ଠାରେ ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଏହି ଅବସରରେ ନାଇକାଣିଡିହି ପଞ୍ଚାୟତର ରତିକାନ୍ତ ପ୍ରଧାନଙ୍କ ନେତୃତ୍ୱରେ ଶିବ ପ୍ରସାଦ ମଳିକ, ମୂରଲିଧର ପ୍ରଧାନ, ବିଦ୍ୟାଧର ଜେନା, ରାଜୀବଲୋଚନ ସିଂ, ମାନସ ନାୟକ,ଗୋରହରୀ ବେହେରା, ବନେନ୍ଦୁ ବେହେରା,ଶାନ୍ତନୁ ଦାସ, ଗୋପିନାଥ ମହାପାତ୍ର, ନିରାକାର ଘଡେଇ, ଗଦାଧର ଦାସ,ପ୍ରଭାକର ଲେଙ୍କା, ମୀନକେତନ ଓଝା, ଧନେଶ୍ୱର ସେଠୀ,ଅଜୟ ଲେଙ୍କା, ବିକାଶଚନ୍ଦ୍ର ମଳିକ, ଗୋଲକ ସାହୁ ପ୍ରମୁଖ ଅନ୍ୟଦଳ ଛାଡି ବିଧାୟକ ତଥା ବିଜେଡି ବିଧାୟକ ପ୍ରାର୍ଥୀ ବିଷ୍ନୁବ୍ରତ ରାଉତରାୟଙ୍କ ନେତୃତ୍ୱ ଉପରେ ଅତୁଟ ବିଶ୍ୱାସ ଭରସା କରି ଆଜି ରାଜ୍ୟ ବିଜେଡି ସଂପାଦକ ରବିନ୍ଦ୍ର ସାମଲଙ୍କ ଉପସ୍ଥିତିରେ ଅନୁଷ୍ଟାନିକ ଭାବରେ ବିଜେଡିରେ ଯୋଗଦେଇଛନ୍ତି । ଏହି ସମୟରେ ବିଧାୟକ ପ୍ରାର୍ଥୀ ଶ୍ରୀ ରାଉତରାୟ ଉପସ୍ଥିତ ରହି ଦଳୀୟ ଉତ୍ତରୀୟ ଓ ପୁଷ୍ପଗୁଚ୍ଛ ପ୍ରଦାନ କରି ନବାଗତମାନଙ୍କୁ ସ୍ୱାଗତ ଜଣାଇଥିଲେ । ବିଧାୟକଙ୍କ ପ୍ରତିନିଧୀ ଅସିତ କୁମାର ଦାଶ ସଭାପରିଚାଳନା କରିଥିବା ସହିତ ସ୍ଥାନୀୟ ପଞ୍ଚାୟତର ସମର୍ଥକ ଓ କର୍ମୀମାନେ ଉପସ୍ଥିତ ଥିଲେ ।

Follow the RNI News channel on WhatsApp: https://whatsapp.com/channel/0029VaBPp7rK5cD6XB2Xp81Z

ପଦ୍ମ ଧରିଲେ ବାଣିକଲ୍ୟାଣ, ବିଜେପିରେ ଆଶାୟୀଙ୍କ ଭିଡ ଜମୁଛି

Biswajit Nath — Wed, 27 Mar 2024 19:54:58 +0530

ଭଦ୍ରକ (RNI) : ସାଧାରଣ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପରେ ନିର୍ବାଚନ ପାଇଁ ସରିଛି ତାରିଖ ଘୋଷଣା । ବିଭିନ୍ନ ରାଜନୈତିକ ଦଳ ପକ୍ଷରୁ ତୃଣମୁଳ ସ୍ତରରେ ନିଜର ସ୍ଥିତି ସଜାଡିବାକୁ କସରତ ଚାଲିଥିବା ବେଳେ ବିଜେଡି ଭଦ୍ରକ ଜିଲ୍ଲାରେ ଥିବା ବିଧାନସଭା କ୍ଷେତ୍ର ପାଇଁ ପ୍ରାର୍ଥୀଙ୍କ ନାମ ଘୋଷଣା କରିଛି । ବାସୁଦେବପୁର ଆସନରୁ ବିଷ୍ନୁବ୍ରତ ରାଉତରାୟ, ଧାମନଗର ଆସନରୁ ସଞ୍ଜୟ ଦାସ, ଚାନ୍ଦବାଲି ଆସନରୁ ବ୍ୟୋମକେଶ ରାୟ,ଭଣ୍ଡାରିପୋଖରୀରୁ ସଞ୍ଜିବ ମଲ୍ଲିକ ଓ ଭଦ୍ରକ ବିଧାନସଭା ଆସନରୁ ପ୍ରଫୁଲ୍ଲ ସାମଲଙ୍କ ନାମ ଘୋଷଣା କରିଛି । ଏହି ଘୋଷଣା ପରେ ବିଜେଡିରେ ଅସନ୍ତୁଷ୍ଟ ଥିବା ବାଣିକଲ୍ୟାଣଙ୍କୁ ପ୍ରଥମରେ ନିଲମ୍ବନ କରାଯିବା ପରେ ଦଳୀୟ ପ୍ରାର୍ଥୀ ଭାବରେ ଟିକେଟ ନମିଳିବା କାରଣରୁ ଶେଷରେ ରାଜ୍ୟ ବିଜେପି କାର୍ଯ୍ୟଳୟରେ ଆୟୋଜିତ ବର୍ଣ୍ଣାଢ୍ୟ ପରିବେଷରେ ବିଜେପିରେ ସାମିଲ ହୋଇଥିବା ଜାଣିବାକୁ ମିଳିଛି । ଏହି ଅବସରରେ ରାଜ୍ୟ ବିଜେପି ସଭାପତି ମନମୋହନ ସାମଲ, ବିଜେପି ସାଂସଦ ଅପରାଜିତା ଷଡଙ୍ଗୀଙ୍କ ସହ ପ୍ରମୁଖ କର୍ମକର୍ତ୍ଥାମାନଙ୍କ ଉପସ୍ଥିତିରେ ପଦ୍ମ ଧରିଛନ୍ତି । ସେହିପରି ଭଦ୍ରକ ବିଧାସଭା ଆସନରୁ ଆଶାୟୀ ଥିବା ଅସିତ ପଟ୍ଟନାୟକଙ୍କୁ ବାଦଦେଇ ଭଣ୍ଡାରିପୋଖରୀ ଆସନରୁ ପୁର୍ବଥର ଟିକେଟ ପାଇ ନିର୍ବାଚନରେ ବିଜୟୀ ହୋଇଥିବା ପ୍ରଫୁଲ୍ଲ ସାମଲଙ୍କୁ ଦଳ ଭରସା କରିଛି । ଅସିତ ମନାଇବାରେ ବିଫଳ ହୋଇଥିବା ସଞ୍ଜିବ ମଲ୍ଲିକଙ୍କୁ ଭଦ୍ରକ ଆସନ ରିବର୍ତ୍ତେ ଭଣ୍ଡାରିପୋଖରୀ ବିଧାନସଭା ଆସନରୁ ନିର୍ବାଚନ ଲଢିବା ପାଇଁ ମିଳିଛି ଦଳୀୟ ସ୍ୱୀକୃତି । ଧାମନଗରର ପୁର୍ବତନ ବିଧାୟକ ବିଷ୍ନୁସେଠୀଙ୍କ ଅକାଳ ବିୟୋଗରେ ଉପନିର୍ବାଚନରେ ଅବନ୍ତି ଦାସ ବିଜେଡି ଦଳୀୟ ପ୍ରାର୍ଥୀ ଭାବରେ ନିର୍ବାଚନ ଲଢିଥିଲେ ପରାଜୟ କାରଣରୁ ଦଳ ସଞ୍ଜୟ ଦାସଙ୍କ ଉପରେ ଭରସ ରଖିଛି । ତେବେ ବାସୁଦେବପୁର , ଭଦ୍ରକ ଓ ଭଣ୍ଡାରିପୋଖରୀ ଆସନରୁ ବିଜେପି ପ୍ରାର୍ଥୀ ଭାବରେ ନିର୍ବାଚନ ଲଢିବା ପାଇଁ ଆଶାୟୀଙ୍କ ଭିଡ ଜମିବାରେ ଲାଗିଛି । ନିର୍ବାଚନ ପୁର୍ବରୁ ନିଜର ବଳ ଜୁଟାଇବା ଲକ୍ଷ୍ୟରେ ଥିବା ବିଜେପି ପୁଣିଥରେ ବୁଢିଆଣିର ମାୟାଜାଲରେ ପଡିବାକୁ ନେଇ ଫାଇଦା ଉଠାଇବା କ୍ଷ୍ୟରେ ରହିଛି ବିଜେଡି ।

କଳା ଓ କଳାକାର ସୃଷ୍ଟିର ଦୃଷ୍ଟିକୁ କରିଥାଏ ଆକର୍ଷିତ

Biswajit Nath — Sat, 16 Mar 2024 20:13:45 +0530

ବାସୁଦେବପୁର (RNI) : ସୃଷ୍ଟିର ଦୃଷ୍ଟିକୁ ଆକର୍ଷିତ କରିଥାଏ କଳାକାର । ନିଜର ନିଖୁଣ କଳାକାରିଗରୀ ଯୋଗାଇଥାଏ ମନୋରଞ୍ଜନର ଖୋରାକ । ବଦଳରେ କଳାକାରଜଣକ ନିନ୍ଦା ପ୍ରଶଂସାକୁ ପାଥେୟ କରି ଜୀବନ ଅତିବାହୀତ କରିବାରେ ନିଜକୁ ହଜାଇ ଦେଇଥାଏ । କେବେ ଦଃୁଖ କେବେ ସୁଖ ତାପାଇଁ କିଛି ଫରକ ପଡେନି । କଳା ପାଇଁ ଜୀବନକୁ ଉତ୍ସର୍ଗୀକୃତ କରିଦେଇଥାଏ ବୋଲି ଆଜିର ‘ହଂସଧ୍ୱନୀ’ ଉତ୍ସବରେ ଅତିଥିମାନେ ମତପୋଷଣ କରିଛନ୍ତି । ମନ୍ମଥକୁମାର ଅଗସ୍ତିଙ୍କ ସଭାପତିତ୍ୱରେ ସିଦ୍ଧେଶ୍ୱର ସାହିତ୍ୟ ସଂସ୍କୃତି ପରିଷଦର ଚତୁର୍ଥ ବାର୍ଷିକ ସାରସ୍ୱତ ସମାରୋହରେ ପଦ୍ମଶ୍ରୀ ଅରୁଣା ମହାନ୍ତି ମୁଖ୍ୟଅତିଥି ଭାବରେ ଯୋଗ ଦେଇଥିବା ବେଳେ ସୁଦର୍ଶନ ଅଗସ୍ତି. ‘ବାଇଚଢେଇ’ର ସଂପାଦକ ବିକାଶକୁମାର ଶତପଥୀ, ଦେବକୀନନ୍ଦନ ଚୈାଧୂରୀ, ଛଉନୃତ୍ୟର ଗବେଷକ ତଥା ନୃତ୍ୟଶିଳ୍ପୀ ଶୁଭଶ୍ରୀ ମୁଖାର୍ଜୀପ୍ରମୁଖ ଅତିଥି ଭାବରେ ଯୋଗଦେଇ ନିଜ ନିଜର ମତପୋଷଣ କରିଥିଲେ । ଇଂ ଶୀନିବାସ ଖଟୁଆରୀଙ୍କ ସଂଯୋଜନାରେ ଆୟୋଜିତ ସାରସ୍ୱତ ସମାରୋହରେ ସଂପାଦକ ସମୀରକୁମାର ପାଣିଗ୍ରାହୀ ସମାରୋହ ପରିଚାଳନାରେ ସହଯୋଗ କରିଥିଲେ । ଏହି ଅବସରରେ ପଦ୍ମଶ୍ରୀ ମହାନ୍ତିଙ୍କୁ ଧୃବ ସମ୍ମାନରେ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ସଂସ୍କୃତି ପରିଷଦର କଳାକାରମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କରିଥାଏ ଆକର୍ଷିତ

ମହୁମାଛି ଆକ୍ରମଣ,ଚାରିଜଣ ଛାତ୍ରୀ ଗୁରୁତର

Biswajit Nath — Fri, 15 Mar 2024 18:02:49 +0530

ବାସୁଦେବପୁର (RNI) : ପରୀକ୍ଷା ସରିବା ପରେ ଖୁସି ମନରେ ଫେରୁଥିଲେ ଘରକୁ । ହେଲେ ଏବେ ଡାକ୍ତରଖାନାରେ ଚରଳିଛି ଚିକିତ୍ସା । ମହୁମାଛି ଆକ୍ରମଣରେ ଚାରିଜଣ ଛାତ୍ରୀ ଗୁରୁତର ଭାବରେ ଆହତ ହୋଇ ବାସୁଦେବପୁର ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଖବରରୁ ଜଣାପଡିଛି, ଅଷ୍ଟମ ଶ୍ରେଣୀର ଛାତ୍ରୀ ନିଲଞ୍ଜନ ସାମଲ(୧୩) ଓ ତାର ସାଥୀ ରଶ୍ମିତାସୁମନ ବେହେରା, ଶୁଭଶ୍ରୀ ସାହୁ,ଇପସିତା ସାହୁ ବାସୁଦେବପୁର ହନୁମାନବାଟିକାସ୍ଥିତ ସରସ୍ୱତୀ ଶିଶୁ ବିଦ୍ୟାମନ୍ଦିରରୁ ପରୀକ୍ଷା ସାରି ଘରକୁ ଫରୁଥିବା ସମୟରେ ଇଣ୍ଡୋର ଷ୍ଟାଡିୟମ ଫାଟକ ନିକଟରେ ମହୁମାଛିଙ୍କ ଅତର୍କିତ ଆକ୍ରମଣରେ ଶିକାର ହୋଇଥିଲେ । ପ୍ରତ୍ୟେକ୍ଷଦର୍ଶୀମାନେ ଛାତ୍ରୀମାନଙ୍କ ଘରକୁ ଖବରଦେବା ସହିତ ଶିଶୁ ବିଦ୍ୟାମନ୍ଦିରକୁ ଜଣାଇଥିଲେ । ପରେ ବାସୁଦେବପୁର ଗୋଷ୍ଠୀ ଚିକିତ୍ସାକେନ୍ଦ୍ରରେ ଚାରିଜଣ ଛାତ୍ରୀମାନଙ୍କ ଚିକିତ୍ସା ଚାଲିଥିବା ଚିକିତ୍ସାଧିକାରୀ ସୁଶାନ୍ତ ସାମନ୍ତ ସୂଚନା ଦେଇଛନ୍ତି ।

କଷିଆ ଥାନାର ନୂତନ ଗୃହ ଉଦଘାଟନ

Biswajit Nath — Thu, 14 Mar 2024 19:50:55 +0530

ବାସୁଦେବପୁର (RNI) : ବାସୁଦେବପୁର ତହସିଲ ଅଧିନ କଷିଆ ସାମୁଦ୍ରିକ ଥାନାର ନୂତନ ଗୃହ ଉଦଘାଟନ ହୋଇଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଭାସି ମାଧ୍ୟମରେ ଉଦଘାଟନ କରିଥିଲେ । ଏହି ଅବସରରେ ସ୍ଥାନୀୟ ବିଧାୟକ ବିଷ୍ନୁବ୍ରତ ରାଉତରାୟ ମୁଖ୍ୟଅତିଥି ଭାବରେ ଯୋଗ ଦେଇଥିବା ବେଳେ ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ରପ୍ରସାଦ ବିଶ୍ୱାଳ, ବ୍ଲକ ବିଜେଡି ସଭାପତି ଦୀନବନ୍ଧୁ ଦାସ,ବାସୁଦେବପୁର ପୈାରାଧ୍ୟକ୍ଷା ନିବେଦିତା ବେହେରା,ପୈାର କାର୍ଯ୍ୟନିର୍ବାହୀ ଅଧିକାରୀ ସମୀର ଦାସପ୍ରମୁଖ ସମ୍ମାନୀତ ଅତିଥି ଭାବରେ ଯୋଗଦେଇଥିଲେ । ଥାନାଧିକାରିଣୀ ସାବିତ୍ରୀ ପଣ୍ଡାଙ୍କ ସଂଯୋଜନାରେ ସ୍ଥାନୀୟ ଜନପ୍ରତିନିଧୀମାନଙ୍କ ସହ ଜନସାଧାରଣ ଓ ପୋଲିସ କର୍ମଚାରୀମାନେ ଉପସ୍ଥିତ ଥିଲେ ।

ସୁନାଦୋକାନରୁ ଲୁଟ

Biswajit Nath — Thu, 14 Mar 2024 19:49:42 +0530

ବାସୁଦେବପୁର (RNI) : ଗ୍ରାହକ ଭାବରେ ସୁନା ଦୋକାନକୁ ଆସିଲେ । ସୁନା କିଣିବା କଥା କହି ସୁନାଚେନ ବି ଦେଖିଲେ । ପରେ ସମୟର ସଦୁପଯୋଗ କରି ଚମ୍ପଟ ମାରିଲେ । ଏମିତି ଘଟଣା ବାସୁଦେବପୁର ସହରରରେ ଦିନ ଦ୍ୱିପହର ସମୟରେ ବୋଲି ଅଭିଯୋଗରୁ ଜଣାପଡିଛି । ବାସୁଦେବପୁର ସହରର ଧାମରାରୋଡରେ ଥିବା ପିକେ ଜୁଏଲାର୍ସରେ ଦିନପାଖାପାଖି ଦୁଇଟା ସମୟରେ ଗ୍ରାହକ ବେଶରେ ଦୁଇଲୁଟେରା ପହଞ୍ଚିଥିଲେ । ଲୁଟ କରିବା ଉଦେଶ୍ୟ ରଖି ସୁନାଚେନ ଦେଖୁଦେଖୁ ସୁଯୋଗ ଦେଖି ଘଟଣାସ୍ଥଳରୁ ଫେରାର ହେବାରେ ସକ୍ଷମ ହୋଇଥିଲେ । ପାଖାପାଖି ଛଅଲକ୍ଷଟଙ୍କାର ସୁନାଳଙ୍କାର ଲୁଟ ହୋଇଥିବା ଆକଳନ କରାଯାଉଛି । ଏହି ଘଟଣା ପରେ ଜୁଏଲାର୍ସ ମାଲିକଙ୍କ ପକ୍ଷରୁ ଥାନାରେ ଲିଖିତ ଅଭିଯୋଗ ଆସିବା ପରେ ଘଟଣାର ତଦନ୍ତ ଚାଲୁ ରହିଛି ବୋଲି ଥାନାଧିକାରିଣୀ ଲୋପାମୁଦ୍ରା ନାୟକ ସୂଚନା ଦେଇଛନ୍ତି ।

ଭଦ୍ରକରେ ପ୍ରଥମ ରାଷ୍ଟ୍ରୀୟ ଲୋକ ଅଦାଲତ,୧୯୮୬ ଟି ମୋକଦ୍ଦମା ଆପୋଷ ସମାଧାନ

Biswajit Nath — Sat, 09 Mar 2024 19:26:00 +0530

ଭଦ୍ରକ (RNI): ପ୍ରଥମ ରାଷ୍ଟ୍ରୀୟ ଲୋକ ଅଦାଲତ ଜାତୀୟ ଆଇନ ସେବା ପ୍ରାଧିକରଣ ଏବଂ ଓଡ଼ିଶା ରାଜ୍ୟ ଆଇନ ସେବା ପ୍ରାଧିକରଣଙ୍କ ନିର୍ଦ୍ଦେଶ କ୍ରମେ ଭଦ୍ରକ ଜିଲ୍ଲା କୋର୍ଟ ପରିସର ରେ ଅନୁଷ୍ଠିତ ହୋଇ ଯାଇଛି । ଆଇନ ସେବା ପ୍ରାଧିକରଣ ରେ ଅଧ୍ୟକ୍ଷ ସଂଗ୍ରାମ କେଶରୀ ପଟ୍ଟନାୟକ ଏଥିରେ ଅଧ୍ୟକ୍ଷତା କରିଥିବା ବେଳେ ଜିଲ୍ଲା ଆଇନ ସେବା ପ୍ରାଧିକରଣର ସଚିବ ନେହା ଅଗ୍ରୱାଲ ଏହି ଲୋକ ଅଦାଲତକୁ ପରିଚାଳନା କରିଥିଲେ । ମୋଟ ୪୫୨୭୬୭୦୭ ଟଙ୍କାରେ ୧୯୮୬ ଟି ମୋକଦ୍ଦମାର ଆପୋଷ ସମାଧାନ ହୋଇଥିଲା । ସେଗୁଡ଼ିକ ମଧ୍ୟରେ ବିଭିନ୍ନ ମୋଟର ଯାନ ଦୁର୍ଘଟଣା ଦାବି ଟ୍ରିବୁନାଲ ର ବିଚାରଧୀନ ଥିବା ୫୭ ଟି ମାମଲାର ୩୭୨୨୯୦୦୦ ଟଙ୍କାରେ, ୧୫ଟି ମିଳାମିଶା ଯୋଗ୍ୟ ଫୈାଜଦାରି, ୩୦ଟି ଚେକ ବାଉନ୍ସ, ପୁନଃରୁଦ୍ଧାର ମାମଲା ୩୦୩୨୪୧୮ ଟଙ୍କାରେ, ୨୩ଟି ବୈବାହିକ ବିବାଦ, ୧୪୯୭ ଟି ରାଜସ୍ୱ ମୋକଦ୍ଦମା, ୩୪୧୧୩୬ ଟଙ୍କାରେ ୬୨ ଟି ଅନ୍ୟାନ୍ୟ ଦେୱାନୀ ମାମଲା, ପ୍ରାକ ମକଦ୍ଦମା ମଧ୍ୟରେ ବିଭିନ୍ନ ବ୍ୟାଙ୍କର ୧୬ଟି ବ୍ୟାଙ୍କ ଋଣ ମାମଲ ୩୯୨୮୩୧୨ ଟଙ୍କାରେ ଭାରତ ସଂଚାର ନିଗମ ଲିମିଟେଡ଼ର ଟେଲିଫୋନ ବିଲ ସମ୍ବନ୍ଧୀୟ ୧୬ଟି ମାମଲା ୧୬୫୬୦ ଟଙ୍କାରେ, ଟିପି ଏନ୍ ଓ ଡ଼ି ଏଲ୍ ର ୧୦୧ ମାମଲା ୨୧୭୫୩୦୦ ଟଙ୍କାରେ ଆପୋଷ ବୁଝାମଣା ମାଧ୍ୟମରେ ସମାଧାନ କରାଯାଇ ଅଛି ।

ଜିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ବିଶ୍ୱ ମହିଳା ଦିବସ ପାଳିତ

Biswajit Nath — Sat, 09 Mar 2024 19:23:26 +0530

ଭଦ୍ରକ (RNI): ଜିଲ୍ଲା ଆଇନ ସେବା ପ୍ରାଧିକରଣ ଅଧ୍ୟକ୍ଷ ସଂଗ୍ରାମ କେଶରୀ ପଟ୍ଟନାୟକଙ୍କ ଅଧ୍ୟକ୍ଷତାରେ ବିଷ୍ଣୁପୁର ଗ୍ରାମ ପଞ୍ଚାୟତ ଭଦ୍ରକଠାରେ ଅନୁଷ୍ଠିତ ହୋଇଯାଇଅଛି । ପ୍ରଥମେ ଏକ ଶୋଭାଯାତ୍ରାରେ ମହିଳାମାନଙ୍କ ଦ୍ୱାରା କରାଯାଇଥିଲା ଏବଂ ପରେ ସଭାକାର୍ଯ୍ୟ କରାଯାଇ ମହିଳାମାନଙ୍କ ପାଇଁ ଉଦ୍ଦିଷ୍ଟ ଆଇନ ତଥା ଏସବୁକୁ କାର୍ଯ୍ୟକାରୀ କରିବା ପାଇଁ ସମସ୍ତଙ୍କୁ ଆହ୍ୱାନ କରିଥିଲେ । ନାରୀ ପ୍ରତି ଅନ୍ୟାୟ, ଅତ୍ୟାଚାର କରିବାରେ ଲାଗିଛି, ଶିଶୁ ଭୃଣହତ୍ୟା, ଯୈାତୁକ ପ୍ରଥା, ବଳାତ୍କାର ଇତ୍ୟାଦି ସବୁକୁ ସମୂଳେ ନାଶ କରିବା ପାଇଁ ମହିଳାମାନଙ୍କୁ ସଶକ୍ତିକରଣ କରାଯାଇଛି ତଥା ମହିଳାମାନେ ଆତ୍ମନିର୍ଭରଶୀଳ ହେବା ସହ ସ୍ୱାବଲମ୍ବୀ ଆଜିର ଯୁଗରେ ହୋଇପାରିଛନ୍ତି । ଏହି କାର୍ଯ୍ୟକ୍ରମରେ ଜିଲ୍ଲା ଆଇନ୍ ସେବା ପ୍ରାଧିକରଣ ସଚିବ, ନେହା ଅଗ୍ରୱାଲ, ଏମ୍‌.ଏସ୍‌. ନିଲୋଫର, କନିଷ୍ଠ ଦେୱାନି ବିଚାରପତି, ଏମ୍‌.ଏସ୍‌. ଇପସିତା ଭୋଇ, ଦ୍ୱିତୀୟ ଶ୍ରେଣୀ ବିଚାର ବିଭାଗୀୟ ବିଚାରପତି, ଭଦ୍ରକ, ଆଇନ୍ ସେବା ପ୍ରତିପକ୍ଷ ଓକିଲ ନାରାୟଣ ପ୍ରସାଦ ବେହେରା, ଡଃ ତାପସ କୁମାର ମହାନ୍ତି, ବହ୍ନିଶିଖା ବିଶ୍ୱାଳ ପ୍ରମୁଖ ଏବଂ ଜିଲ୍ଲା ଆଇନ୍ ସେବା ପ୍ରାଧିକରଣର କର୍ମଚାରୀ ଯୋଗଦେଇ କାର୍ଯ୍ୟକ୍ରମକୁ ସଫଳ କରାଇଥିଲେ ।

ବିଜୁବାବୁଙ୍କୁ ମିଳିବ ଭାରତ ରତ୍ନ : ବିଜେଡି-ବିଜେପି ମଧ୍ୟରେ ହେବ ମେଣ୍ଟ !

Biswajit Nath — Tue, 05 Mar 2024 16:08:07 +0530

ବିଜୁ ବାବୁଙ୍କୁ ମିଳିବ ଭାରତ ରତ୍ନ। ବିଜେଡି-ବିଜେପି ମଧ୍ୟରେ ହେବ ମେଣ୍ଟ। ଲୋକ ସଭା ନିର୍ବାଚନରେ ବିଜେପି 14ଟି ଓ ବିଜେଡି 7ଟି ଆସନରେ ଲଢିବ। ସେହିଭଳି ବିଧାନ ସଭାରେ ବିଜେଡି 100ରୁ ଊର୍ଦ୍ଧ ଆସନରେ ଲଢିବ। ବିଜେଡି ବିଜେପିକୁ 30-40ଟି ଆସନ ଛାଡିଦେବ । ନବୀନ ବାବୁ ହେବେ ମୁଖ୍ୟ ମନ୍ତ୍ରୀ । ତେବେ ଦୁଇ ଦଳରୁ ଦୁଇ ଜଣ ଊପମୁଖ୍ୟମନ୍ତ୍ରୀ ହେବେ। ବିଜେଡିରୁ ଜଣେ ଓ ବିଜେପିରୁ ଜଣେ। ତେବେ ଏହା କେବଳ ଏକ ଅନୁମାନ। ସତ୍ୟ ହୋଇ ପାରେ । ନ ହୋଇ ବି ପାରେ। ଏହାର ଊଦାହରଣ ହେଊଛି ଊତ୍ତର ପ୍ରଦେଶରେ ଚୌଧୁରୀ ଚରଣ ସିଂହଙ୍କୁ ମିଳିଥିବା ଭାରତ ରତ୍ନ । ତାଙ୍କ ପୁଅ ଜୟନ୍ତ ଚୌଧୁରୀଙ୍କ ପାର୍ଟି ରାଷ୍ଟ୍ରୀୟ ଲୋକ ଦଳ ଏବେ ଏନଡିଏରେ ସାମିଲ ହୋଇଛି । ପୂର୍ବରୁ ଏନଡିଏ ତଥା ବିଜେପି ଦଳକୁ ବିଭିନ୍ନ ପ୍ରସଙ୍ଗରେ ରାଷ୍ଟ୍ରିୟ ଲୋକ ଦଳ ଜୋରଦାର ବିରୋଧ କରି ଆସୁଥିବାବେଳେ ଚୌଧୁରୀ ଚରଣ ସିଂହଙ୍କୁ ବାରତ ରତ୍ନ ମିଳିଯିବା ପରେ ଜୟନ୍ତ ଶାନ୍ତ ପଡି ଯାଏଥିଲେ ଏବଂ ଆଖି ବନ୍ଦ କରି ଏନଡିଏରେ ସାମିଲ ହୋଇ ଯାଇଥିଲେ । ସୂଚନା ଯୋଗ୍ୟ ଯେ, ଗତ କିଛି ଦିନ ତଳେ ବିହାର ମୁଖ୍ୟମନ୍ତ୍ରୀ ନିତୀଶ କୁମାକଙ୍କ ଜେଡିୟୁ ଏନଡିଏରେ ସାମିଲ ହୋଇଥିଲା । ଦେଶ ବ୍ୟାପି ଏହି କୌଣଳରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ତଥା ଏନଡିଏ 400ଟି ଆସନ ହାତେେଇବାକୁ ଊଦ୍ୟମ ଆରମ୍ଭ କରିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସବୁବେଳେ କହି ଆସୁଛନ୍ତି ଦେଶରେ ଏଥର ଏନଡିଏ ମେଣ୍ଟ 400କୁ ଅତିକ୍ରମ କରିବ ଓ ବିଜେପି ଦଳ 370କୁ ଛୁଇଁବ । ଏହି ଆଧାରରେ ମୋଦୀଙ୍କ ବାଣୀକୁ ସତ୍ୟରେ ପରିଣତ କରାଇବାକୁ ଦଳ ପକ୍ଷରୁ ଊଦ୍ୟମ ଆରମ୍ଭ ହୋଇଛି । ପୂର୍ବରୁ ଲୋକ ସଭାରେ ଏନଡିଏ ପକ୍ଷରୁ ଆଗତ କରାଯାଇଥିବା ପ୍ରତ୍ୟେକଟି ବିଲ ସପଷରେ ବିଜେଡି ସାଂସଦମାନେ ମତଦାନ କରିଥିବା ସମସ୍ତଙ୍କୁ ଜଣା । ବିଜେଡି ଦଳର ସଦସ୍ୟମାନେ କେବେ ବି କୌଣସି ବିଲଆଗତବେଳେ ୟେଭଳି ଆଲୋଚନାରେ ଅଂଶ ଗ୍ରହଣ କରିବା କଥା ସେଭଳି ବି କରି ନାହାଁନ୍ତି। ସିଧା ହାତ ଟେକି ଦେଇଛନ୍ତି ।ସେ ସିଏେ ବିଲ ହେଊ ଅବା ଦିଲ୍ଲା ସର୍ଭିସେସ ବିଲ। ପ୍ରତ୍ୟେକଟି ବିଲରେ ୟେସ ସାର । ମାନେ ଆଖି ବନ୍ଦ କରି ବିଲକୁ ପାସ କରି ଦେଊଥିଲେ।

ବିଜୁ ପଟ୍ଟନାୟକଙ୍କ ଜୟନ୍ତି,ପଞ୍ଚାୟତରାଜ ଦିବସ ପାଳିତ

Biswajit Nath — Tue, 05 Mar 2024 15:31:51 +0530

ବାସୁଦେବପୁର(RNI) ବାସୁଦେବପୁର ବିଜୁ ଜନତା ଦଳ କାର୍ଯ୍ୟାଳୟ ପରିସରରେ ଆଜି ବିଜୁ ପଟ୍ଟନାୟକଙ୍କ ଜୟନ୍ତି ଓ ପଞ୍ଚାୟତରାଜ ଦିବସ ପାଳିତ ହୋଇଯାଇଛି । ଏହି ଅବସରରେ ବାସୁଦେବପୁର ବିଜେଡି ବ୍ଲକ ସଭାପତି ଦୀନବନ୍ଧୁ ଦାସଙ୍କ ସଭାପତିତ୍ୱରେ ଆୟୋଜିତ ଉତ୍ସବରେ ବାସୁଦେବପୁର ବିଧାୟକ ବିଷ୍ନୁବ୍ରତ ରାଉତରାୟ,ପୈାରାଧ୍ୟକ୍ଷା ନିବେଦିତା ବେହେରା,ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ର ପ୍ରସାଦ ବିଶ୍ୱାଳପ୍ରମୁଖ ଯୋଗଦେଇ ନିଜ ନିଜର ମତପୋଷଣ କରିଥିଲେ । ଏହି ଉତ୍ସବରେ ସମାଜସେବୀ ତଥା ଯୁବ ବ୍ୟବସାୟୀ ଶୁଭେନ୍ଦୁ ଭୂଷଣ ବେହେରା , ପ୍ରଫୁଲ୍ଲ ପଳିତା, ପ୍ରଫୁଲ୍ଲ ବିଶ୍ୱାଳ,ଉତ୍ତମ ବାରିକପ୍ରମୁଖ ନିଜ ଅଭିଭାଷଣ ପ୍ରଦାନ କରିଥିଲେ । ବିଜେଡି ଦଳର ବହୁ କର୍ମୀ ଓ ସମର୍ଥକମାନେ ଉପସ୍ଥିତ ଥିଲେ । ବିଧାୟକଙ୍କ ଓ ପୈାରାଧ୍ୟକ୍ଷାଙ୍କ ସମେତ ବହୁ କର୍ମୀ ଓ ସମର୍ଥକମାନେ ଜାଫରପୁର ଠାରେ ଥିବା ବାଲାଜୀ ବାସନ୍ତି ବୃଦ୍ଧାଶ୍ରମ ଓ ବାସୁଦେବପୁର ଡାକ୍ତରଖାନାରେ ପହଞ୍ଚି ଫଳ ବଣ୍ଟନ କରିଥିଲେ । ସେହିପରି ବାସୁଦେବପୁର ବ୍ଲକର ସଭା ଗୃହରେ ପଞ୍ଚାୟତ ରାଜ ଦିବସ ବିଡିଓ ସଞ୍ଜିବକୁମାର ସାହୁଙ୍କ ପୈାରହିତ୍ୟରେ ପାଳିତ ହୋଇଯାଇଛି । ଏହି ଉତ୍ସବରେ ମୁଖ୍ୟ ଅତିଥି ଭାବରେ ବିଧାୟକ ଶ୍ରୀ ରାଉତରାୟ ଯୋଗଦେଇଥିବା ବେଳେ ସମ୍ମାନୀତ ଅତିଥି ଭାବରେ ପଞ୍ଚାୟତ ସମିତି ଅଧ୍ୟକ୍ଷ ଶ୍ରୀ ବିଶ୍ୱାଳ,ଗ୍ରାମପଞ୍ଚାୟତ ଅଧିକାରୀ ଅମୀୟକୁମାର ନାଥପ୍ରମୁଖ ମଞ୍ଚାସୀନ ଥାଇ ନିଜ ନିଜର ମତପୋଷଣ କରିଥିଲେ । ଏହି ଅବସରରେ ପଞ୍ଚାୟତରାଜ ବ୍ୟବସ୍ଥାର ଜନପ୍ରତିନିଧୀମାନଙ୍କ ସହ ବୁଦ୍ଧିଜିବୀମାନେ ଉପସ୍ଥିତ ଥିଲେ । ଅମୀୟ କୁମାର ପାଣିଗ୍ରାହୀ ସଭା ପରିଚାଳନା କରିଥିଲେ ।

କନ୍ୟାରତ୍ନ ପାଇଁ ସଚେତନତାର ଆବଶ୍ୟକତା

Biswajit Nath — Mon, 04 Mar 2024 22:36:35 +0530

ବାସୁଦେବପୁର (RNI) କନ୍ୟା ସନ୍ତାନ ମାନଙ୍କ ସଂଖ୍ୟା ପୁତ୍ର ସନ୍ତାନ ମାନଙ୍କ ଠାରୁ କ୍ରମାଗତ ଭାବରେ ହ୍ରାସ ପାଇବାରେ ଲାଗିଛି । ଏହା କେବଳ କୈାଣସି ଗ୍ରାମ,ସହର, ରାଜ୍ୟର ସମସ୍ୟା ନୁହେଁ ଆମ ଦେଶ ପାଇଁ ଏକ ଆହ୍ୱାନ ଆଣି ଦେଇଛି । କନ୍ୟା ସନ୍ତାନ ବୋଝ ନୁହେଁ ବରଂ ଦେଶ ଓ ଜାତିର ସମ୍ମାନ, ଏହା କେବଳ ଜନସଚେତନତା ଦ୍ୱାରାହିଁଁ ସମ୍ଭବ ହୋଇ ପାରିବ ବୋଲି ଆଜି ଶିଶୁ ପାଇଁ ଦିନଟିଏ ଉତ୍ସବରେ ଉପସ୍ଥିତ ଅତିଥିମାନେ ମତ ପୋଷଣ କରିଛନ୍ତି । ଏହି ଅବସରରେ ବାସୁଦେବପୁର ପଞ୍ଚାୟତ ସମିତି ସଭା ଗୃହରେ ଜିଲ୍ଲା ଶିଶୁ ସୁରକ୍ଷା ୟୁନିଟ ଭଦ୍ରକ ଦ୍ୱାରା ଆୟୋଜିତ ଉତ୍ସବ ଶିଶୁ ସୁରକ୍ଷା ଆନୁଷ୍ଠାନିକ ଅଧିକାରୀ ବିଶ୍ୱନାରାୟଣ ପଣ୍ଡାଙ୍କ ଅଧ୍ୟତାରେ ଅନୁଷ୍ଠିତ ହୋଇଯାଇଛି । ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ର ପ୍ରସାଦ ବିଶ୍ୱାଳ ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ସମନ୍ୱୀତ ମହିଳା ଓ ଶିଶୁ ବିକାଶ ଅଧିକାରିଣୀ ସନ୍ଧ୍ୟାରାଣୀ ମଲ୍ଲିକ, ବିପିଏମ ଦିପ୍ତିରଞ୍ଜନ ମଲ୍ଲିକ,ପୋଲିସ ଅଧିକାରୀ ଭାଗ୍ୟଜିତ ନାୟକ, ଏବିଇଓ ପ୍ରମୁଖ ଯୋଗଦେଇ ନିଜ ନିଜର ମତପୋଷଣ କରିଥିଲେ । ଦମୟନ୍ତି ମିଶ୍ର ଉତ୍ସବ ପରିଚାଳନାରେ ସହଯୋଗ କରିଥିଲେ । ଏହି ଅବସରରେ ଆୟୋଜିତ ଉତ୍ସବରେ ସମନ୍ୱୀତ ମହିଳା ଓ ଶିଶୁ ବିକାଶ ବିଭାଗର ସମସ୍ତ କର୍ମଚାରୀଙ୍କ ସମେତ ପଞ୍ଚାୟତ ସ୍ତରର ଜନପ୍ରତିନିଧୀ ଓ ବ୍ଲକ କଳା ସଂସ୍କୃତି ସଂଘର କର୍ମକର୍ତ୍ତାମାନେ ଉପସ୍ଥିତ ଥିଲେ ।

ଯୁକ୍ତଦୁଇ ଛାତ୍ରୀଙ୍କ ଝୁଲନ୍ତା ଶବ ଉଦ୍ଧାର

Biswajit Nath — Sat, 02 Mar 2024 19:04:40 +0530

ବାସୁଦେବପୁର : ବାସୁଦେବପୁର ତହସିଲ ଅଧିନ ଚାନ୍ଦିମାଳସ୍ଥିତ ନବୋଦୟ ବିଦ୍ୟାଳୟରେ ଯୁକ୍ତଦୁଇର ଛାତ୍ରୀଙ୍କ ଝୁଲନ୍ତା ଶବ ଉଦ୍ଧାର । ଏହିଘଟଣାକୁ ନେଇ ସ୍ଥାନୀୟ ଅଞ୍ଚଳରେ ବେଶ ଚର୍ଚ୍ଚାର କେନ୍ଦ୍ର ବିନ୍ଦୁ ସାଜିଛି । ଷଷ୍ଠ ଶ୍ରେଣୀରୁ ନବୋଦୟ ବିଦ୍ୟାଳରେ ନିୟମିତ ପାଠ ପଢିଆସୁଥିବା ଛାତ୍ରୀ ଜଣକ କେଉଁ କାରଣ ପାଇଁ ଆତ୍ମହତ୍ୟା କରିବାକୁ ବାଧ୍ୟ ହୋଇଥିଲେ , ହତ୍ୟା ପରେ ଆତ୍ମହତ୍ୟାର ରୁପ ଦିଆଯାଇଥିବାଆଦିକୁ ନେଇ ଅନେକ ପ୍ରଶ୍ନ ସାଧାରଣରେ ଉଙ୍କି ମାରୁଛି । ମୃତ ଛାତ୍ରୀଜଣକ ଭଦ୍ରକ ଜିଲ୍ଲା ଧାମନଗର କୁଟୁରିଆ ଅଞ୍ଚଳର ସୁରେନ୍ଦ୍ର ବେହେରାଙ୍କ ଝିଅ ଅର୍ପିତା ବେହେରା ବୋଲି ଜାଣିବାକୁ ମିଳିଛି । ଆଜି ସକାଳ ଆଠଟା ସମୟରେ ସମୟରେ ଅର୍ପିତା କ୍ଲାସରେ ଯୋଗଦେବାର ଥିଲା । ମାତ୍ର ୭ଟା୪୫ ମିନିଟ ସମୟରେ ବିଦ୍ୟାଳୟ ପକ୍ଷରୁ ଝୁଲନ୍ତା ଅବସ୍ଥାରେ ମୃତ ଶରୀରକୁ ଉଦ୍ଧାର କରି ନିକଟସ୍ଥ କଷିଆ ସାମୁଦ୍ରୀକ ଥାନାକୁ ଖବରଦେଇଥିଲେ ବିଦ୍ୟାଳୟ କର୍ତ୍ତୁପକ୍ଷ । ଏଥି ସହିତ ଅର୍ପିତାର ପରିବାରକୁ ଖବର ଦିଆଯାଇଥିଲା । ପୋଲିସ ଖବରପାଇ ଘଟଣାସ୍ଥଳରେ ପହଞ୍ଚି ଥିଲା । ବାସୁଦେବପୁରର ଅତିରିକ୍ତ ତହସିଲଦାରଙ୍କ ଉପସ୍ଥିତିରେ ମୃତଦେହକୁ ଉଦ୍ଧାର କରାଯାଇ ବାସୁଦେବପୁର ଡାକ୍ତରଖାନାକୁ ଅଣାଯାଇଥିଲା । ମାତ୍ର ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିବା ପରେ ବ୍ୟବଛେଦ ପାଇଁ ପଠାଯାଇଛି । ତେବେ ଆଜି ସକାଳ ସମୟରେ ମୃତକ ଛାତ୍ରୀ ଜଣକ ନିଜ ପରିବାର ସହ କଥା ହୋଇଥିଲେ ବୋଲି ଜାଣିବାକୁ ମିଳିଛି । ନିଜ ଝିଅକୁ ମାରି ଦିଆଯାଇଛି ବୋଲି ଅର୍ପିତାର ମାଆ ଅଭିଯୋଗ କରିଛନ୍ତି । ଥାନାଧିକାରିଣୀ ସାବିତ୍ରୀ ପଣ୍ଡା କୁହନନ୍ତି, ଘଟଣାର ନୀରପେକ୍ଷ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ।

ସମ୍ଭାବ୍ୟ ଗ୍ରୀଷ୍ମ ପ୍ରବାହ ଜନିତ ଦୁଘର୍ଟଣା ମୁକାବିଲା ପାଇଁ ପ୍ରଶାସନିକ ପ୍ରସ୍ତୁତି

Biswajit Nath — Fri, 01 Mar 2024 19:38:17 +0530

ଭଦ୍ରକ : ଆଗାମୀ ଗ୍ରୀଷ୍ମ ଋତୁରେ ଗ୍ରୀଷ୍ମ ପ୍େରବାହ ଜନିତ ଦୁର୍ଘଟଣାର ମୁକାବିଲା ନେଇ ଗ୍ରୀଷ୍ମ ଋତୁର ଆଗମନ ପୂର୍ବରୁ ସଂପୃକ୍ତ ବିଭାଗୀୟ ପ୍ରସ୍ତୁତି ସମ୍ବନ୍ଧରେ ସମୀକ୍ଷା ଉଦ୍ଦେଶ୍ୟରେ ଜିଲ୍ଲା ସ୍ତରୀୟ ଗ୍ରୀଷ୍ମ ପ୍ରବାହ ବୈଠକ ଅନୁଷ୍ଠିତ ହୋଇଯାଇଛି । ଭଦ୍ରକ ଜିଲ୍ଲାପାଳ ସିଦ୍ଧେଶ୍ୱର ବଳିରାମ ବୋନ୍ଦରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଅତିରିକ୍ତ ଜିଲ୍ଲାପାଳ ଶାନ୍ତ୍ୱନୁ କୁମାର ମହାନ୍ତି, ମୁଖ୍ୟ ଉନ୍ନୟନ ଅଧିକାରୀ ସରୋଜ କୁମାର ଦତ୍ତ, ଉପଜିଲ୍ଲାପାଳ ମନୋଜ କୁମାର ପାତ୍ର, ଏ.ଏସ୍‌.ପି. ବାମଦେବ ସିଂ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡା. ସନ୍ତୋଷ କୁମାର ପାତ୍ର ଅତିରିକ୍ତ ଉପଜିଲ୍ଲାପାଳ ଶ୍ୟାମଳ ରାୟ ପ୍ରମୁଖ ଯୋଗଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ ।

ଗତବର୍ଷ ସମେତ ଲଗାତର ବିଗତ ୪ ବର୍ଷ ଧରି ଭଦ୍ରକ ଜିଲ୍ଲାରେ ଅଂଶୁଘାତ ଜନିତ ମୃତ୍ୟୁ ସଂଖ୍ୟା ଶୂନ ଥିବା ଜିଲ୍ଲା ପ୍ରଶାସନ ପାଇଁ ଏକ ଉତ୍ସାହପ୍ରଦ ବିଷୟ । ଚଳିତ ବର୍ଷ ପାଇଁ ମଧ୍ୟ ତାହା ବଜାୟ ରଖିବାକୁ ସମସ୍ତ ସଂପୃକ୍ତ ବିଭାଗୀୟ ପ୍ରସ୍ତୁତି ତତ୍ପର ରହିବାପାଇଁ ଜିଲ୍ଲାପାଳ ନିର୍ଦ୍ଦେଶ ପ୍ରଦାନ କରିଥିଲେ । ଅତିରିକ୍ତ ଜିଲ୍ଲାପାଳ ଶ୍ରୀଯୁକ୍ତ ମହାନ୍ତିଙ୍କ ସଂଯୋଜନାରେ ଆୟୋଜିତ ଏହି ବୈଠକର ପ୍ରାରମ୍ଭରେ ଦୃଶ୍ୟ ଫଳକ ଜରିଆରେ ଜିଲ୍ଲା ଜରୁରୀ କାଳୀନ ଅଧିକାରୀ ତନ୍ମିତା କର ସଂପୃକ୍ତ ସମସ୍ତ ବିଭାଗୀୟ ଦାୟିତ୍ୱ ଓ ଜିଲ୍ଲା ପ୍ରଶାସନର ପ୍ରସ୍ତୁତି ସମ୍ବନ୍ଧରେ ଉପସ୍ଥାପନ କରିଥିଲେ । ଗ୍ରୀଷ୍ମ ପ୍ରବାହ ମୁକାବିଲାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଥିବା ସ୍ୱାସ୍ଥ୍ୟ, ପାନୀୟ ଜଳ, ପ୍ରାଣୀ ସମ୍ପଦ, ଶିକ୍ଷା, ଅଙ୍ଗନବାଡ଼ି, ବସଚଳାଚଳ, ଶ୍ରମିକ କଲ୍ୟାଣ, ଆଦି ନେଇ ସଂପୃକ୍ତ ବିଭାଗୀୟ ମୁଖ୍ୟଙ୍କ ତଥ୍ୟ ଉପସ୍ଥାପନ ଆଧାରରେ ଜିଲ୍ଲାପାଳ ପୁଙ୍ଖାନୁପୁଙ୍ଖ ସମୀକ୍ଷା କରି ଆବଶ୍ୟକ ମତେ ପ୍ରସ୍ତୁତି ଓ ସଜାଗ ପାଇଁ ନିର୍ଦ୍ଦେଶ ପ୍ରଦାନ କରିଥିଲେ । ସୂଚନା ମତେ ଅଂଶୁଘାତ ପୀଡ଼ିତ ରୋଗୀଙ୍କ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଏ.ସି. ବ୍ୟବସ୍ଥା ଥାଇ ସ୍ୱତନ୍ତ୍ର କକ୍ଷ, ୬ଟି ଶଯ୍ୟା, ଆଇସ୍ ବ୍ୟାଗ ସହିତ ଆନୁସଙ୍ଗିକ ଔଷଧ ପତ୍ର, ଡାକ୍ତର ବ୍ୟବସ୍ଥା ମହଜୁଦ ରଖାଯାଇଛି । ପ୍ରତି ସି.ଏଚ୍‌.ସି.ରେ ମଧ୍ୟ ଅଂଶୁଘାତ ଜନିତ ଚିକିତ୍ସା ପାଇଁ ଥିବା ସ୍ୱତନ୍ତ୍ର କକ୍ଷ ବ୍ୟାବସ୍ଥା ଠିକ୍ ଭାବେ କାର୍ଯ୍ୟକାରୀ ଅଛି କି ନାହିଁ ତନଖି କରିବା ପାଇଁ ସି.ଡ଼ି.ଏମ୍‌.ଓଙ୍କୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ । ଅଭିଯୋଗ ପାଇଲା ମାତ୍ରେ ଅଚଳ ନଳକୂପ ମରାମତି କରିବା, ପାଇପ୍ ଦ୍ୱାରା ପାନୀୟ ଜଳ ଯୋଗାଣ ନେଇ ଅଭିଯୋଗର ସମାଧାନ କରିବା, ଜଳଛତ୍ର ଖୋଲାଯିବା ବ୍ୟବସ୍ଥାରେ ଉପଯୁକ୍ତ ପାନୀୟ ଜଳ ରଖାଯିବା ସହ ପ୍ରତିଦିନ ପରିଷ୍କାର କରାଯିବା, ଗୋମେଷାଦି ମାନଙ୍କ ପାଇଁ ପାଣି କୁଣ୍ଡ ନିର୍ମାଣ, ଦିବା ୧୧ଟାରୁ ୩ ଟା ମଧ୍ୟରେ ଶ୍ରମିକ ମାନଙ୍କ ପାଇଁ ଶ୍ରମ ନିଷେଧ୍ୟ, ଶ୍ରମ ସ୍ଥାନରେ ଶ୍ରମିକ ମାନଙ୍କ ପାଇଁ ପାନୀୟଜଳ, ବିଶ୍ରାମସ୍ଥଳୀ ବ୍ୟବସ୍ଥା, ସ୍କୁଲ, ଅଙ୍ଗନବାଡ଼ି ପାଇଁ ସରକାରଙ୍କ ଦ୍ୱାରା ଧାର୍ଯ୍ୟ ସମୟ ସୂଚୀର କାର୍ଯକାରୀତା, ବସ୍ ମାନଙ୍କରେ ଥଣ୍ଡା ପାନୀୟ ଜଳ, ପ୍ରାଥମିକ ଚିକିତ୍ସା ସରଞ୍ଜାମ, ଅତ୍ୟଧିକ ଯାତ୍ରା ପରିବହନ ନିଷେଧ ଆଦି ଅଂଶୁଘାତ ମୁକାବିଲା ସମ୍ପୃକ୍ତ ପ୍ରସ୍ତୁତି ନେଇ ବୈଠକରେ ଆଲୋଚନା କରାଯାଇଥିଲା । ସଂପୃକ୍ତ ସମସ୍ତ ଜିଲ୍ଲାସ୍ତରୀୟ ବିଭାଗୀୟ ମୁଖ୍ୟ ଏବଂ ତହସିଲଦାରମାନେ ଏହି ବୈଠକରେ ଉପସ୍ଥିତ ଥିଲେ ।

ମହାଦୁର୍ନିତୀ ବିରୁଦ୍ଧରେ ସାମ୍ବାଦିକ ସମ୍ମିଳନୀ

Biswajit Nath — Fri, 01 Mar 2024 19:32:44 +0530

ବାସୁଦେବପୁର : ପଞ୍ଚାୟତରାଜ ବ୍ୟବସ୍ଥାକୁ ଗୁରୁତ୍ୱଦେଇ ସରକାର ଯୋଜନା ପରେ ଯୋଜନା ପ୍ରସ୍ତୁତ କରୁଛନ୍ତି । ମାତ୍ର ଏହି ସମସ୍ତ ଯୋଜନାର ସୁପରିଚାଳନା ପରିବର୍ତ୍ତେ ପଞ୍ଚାୟତ ସ୍ତରରେ ଥିବା କତେଜଣ ବ୍ୟକ୍ତି ବିଷେଷ ଓ ପଦାଧିକାରୀ ହେଉଛନ୍ତି ମାଲେମାଲ । ପୁଣି ଅଭିଯୋଗ ଆସିବା ପରେ ତଦନ୍ତ କରାଯାଇ ହଡପ ଅର୍ଥରାଶିକୁ ଫେରସ୍ତ କରାଯିବା ପରେ ହାତବାନ୍ଧି ବସୁଛି ପ୍ରଶାସନ । ସମସ୍ତ ଅଭିଯୋଗକୁ ଭିତ୍ତିକରି ତଦନ୍ତ କରାଯିାଇ ହଡପ ଅର୍ଥ ଫେରସ୍ତ କରାଯାଉଛି ସିନା ପଦାଧିକାରୀଙ୍କ ବିରୁଦ୍ଧରେ କୈାଣସି ଆଇନଗତ କାର୍ଯ୍ୟାନୁଷ୍ଠାନ ନିଆନଯିବାକୁ ପ୍ରଶାସନର କାର୍ଯ୍ୟଦକ୍ଷତା ଉପରେ ଅଙ୍ଗୁଳି ନିର୍ଦ୍ଦେଶ କରୁଛି । ପଞ୍ଚାୟତକୁ ଆସୁଥିବା ବିଭିନ୍ନ ଯୋଜନାରେ ମହାଦୁର୍ନିତୀକୁ ନେଇ ଆଜି ସାମ୍ବାଦିକ ସମ୍ମିଳନୀ । ବାସୁଦେବପୁର ଥାନା ଅଧିନ ସୁଦର୍ଶନପୁର ଛକ ଠାରେ ସାମାଜିକକର୍ମୀ ତପନ ବାରିକ ମହା ଦୁର୍ନିତୀର ଫର୍ଦ୍ଦ ଖୋଲିଛନ୍ତି । ସ୍ଥାନୀୟ ସରପଞ୍ଚ ଓ ତାଙ୍କର ସହଯୋଗୀମାନେ ମିଳିତ ଭାବରେ ସରକାରଙ୍କ ତହବିଲରୁ ବିଭିନ୍ନ ଯୋଜନା ମାଧ୍ୟମରେ ଆସୁଥିବା ସହୟତା ଓ ପ୍ରକଳ୍ପ ବାବବଦକୁ ଆସୁଥିବା ଅର୍ଥରାଶିକୁ ହଡପ ଲରିଥିବା ନେଇ ସୂଚନା ଦେଇଛନ୍ତି । ସୁଦର୍ଶନପୁର ପଞ୍ଚାୟତର ରୋଳା ଅମୃତ ସରୋବର ପୋଖରୀ ମାଟି କାମରେ ସରକାରୀ ଚାକିରିଆ ନାମରେ ଜବକାର୍ଡ ଥିବା ବେଳେ ସେହି ଗ୍ରାମର ସାବିତ୍ରୀ ସାହୁ ନାମକ ମୃତ ମହିଳାଙ୍କ ନାମରେ ଜବକାର୍ଡ କରି ଟଙ୍କା ଆତ୍ମସାତ କରିଥିବା ନେଇ ସୂଚନା ମିଳିଛି । ସେହିପରି ବିଲମଙ୍ଗଳା ଠାକୁରାଣି ପୋଖରୀ ନଥାଇ ଘାଟ ନିର୍ମାଣ କରାଯିବା ପ୍ରସଙ୍ଗରେ ଆତ୍ମସାତ କରାଯାଇଥିବା ଅର୍ଥକୁ ଫେରସ୍ତ କରାଯିବା ଘଟଣାରେ କାର୍ଯ୍ୟନିର୍ବାହୀ ଅଧିକାରୀଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନଥିବା ସଂପର୍କରେ ସୂଚନା ପ୍ରଦାନ କରିବା ସହିତ ହରିଶ୍ଚନ୍ଦ୍ର ଯୋଜନାରେ ବ୍ୟାପକ ଜାଲିଆତି ହୋଇଥିବା ସୂଚନା ଦେଇଛନ୍ତି । ମୃତ ବ୍ୟକ୍ତିଙ୍କ ନାମରେ ଦୁଇଦୁଇ ଥର ସହାୟତା ରାଶି ଉଠାଣ କରାଯାଇଥିବା ସୂଚନା ଦେଇଛନ୍ତି । ଏହି ପଞ୍ଚାୟତର ମୃତ ମହିଳା କନକଲତା ମହାଳିକଙ୍କ ସ୍ୱାମୀ ହରିହର ମହାଳିକ ୧୯୮/୨୦୦୬ ମାମଲାରେ ଗିରଫ ହୋଇ କୋର୍ଟ ଚାଲାଣ ହୋଇ ଜେଲରେ ଥିବା ସମୟରେ ଟଙ୍କା ଉଠାଣ କରାଯାଇଥିବା ସୂଚନା ମିଳିଛି । ଅପରପକ୍ଷରେ ସୁଦର୍ଶନପୁର ସମବାୟ ସମିତି ଗଠନରେ ଅନୀୟମିତତା ହୋଇଥିବା ସହିତ ପୁରୁଣା ଘରକୁ ଦେଖାଇ ପ୍ରଧାନମନ୍ତ୍ରୀ ଆବାସ ଯୋଜନାରେ ଅର୍ଥରାଶି ଉଠାଣ କରାଯାଇଥିବା ଓ ବହୁ ପୁରୁଣା ଟିେଓୱଲ ଦେଖାଇ ଟଙ୍କା ଉଠାଇ ନେଇଥିବା ଅଭିଯୋଗ କରିଛନ୍ତି ।

ବାଲିଆପାଳ ଘାଟ ଠାରେ ସେତୁ ପାଇଁ ଭୂମି ପୂଜନ

Biswajit Nath — Tue, 27 Feb 2024 19:10:28 +0530

ବାସୁଦେବପୁର : ବାସୁଦେବପୁର ନିର୍ବାଚନ ମଣ୍ଡଳୀର ବହୁ ପ୍ରତିକ୍ଷିତ ବାଲିଆପାଳ ଘାଟ ଓ ଏ୍ୟତିହାସିକ ପୀଠ ଚାରିବାଟିଆ ଠାରେ ମନ୍ତେଇ ନଦୀ ଉପରେ ସେତୁ ପାଇଁ ଆଜି ଭୂମି ପୂଜନ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଅବସରରେ ରାଜ୍ୟ ସରକାରଙ୍କ ଖଣି ଓ ପୁର୍ତ୍ତ ବିଭାଗ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ, ଭଦ୍ରକ ସାଂସଦ ମଞ୍ଜୁଲତା ମଣ୍ଡଳ, ଚାନ୍ଦବାଲି ବିଧାୟକ ବ୍ୟୋମକେଶ ରାୟ, ବାସୁଦେବପୁର ବିଧାୟକ ବିଷ୍ନୁବ୍ରତ ରାଉତରାୟ, ବାସୁଦେବପୁର ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ର ପ୍ରସାଦ ବିଶ୍ୱାଳପ୍ରମୁଖ ଯୋଗଦେଇ କାର୍ଯ୍ୟକ୍ରମକୁ ଆନୁଷ୍ଠାନିକ ଭାବରେ ଶୁଭାରମ୍ଭ କରିଥିଲେ । ଏହି ଅବସରରେ ବିଜେଡି ସଂଗଠନ ପକ୍ଷରୁ ବିଶାଳ ମୋଟର ସାଇକେଲ ରାଲିରେ ମନ୍ତ୍ରୀ ଶ୍ରୀ ମଲ୍ଲିକଙ୍କୁ ସ୍ୱାଗତ କରାଯାଇଥିଲା । ଏହି ଅବସରରେ ହଜାର ହଜାର ସଂଖ୍ୟାରେ କର୍ମୀ ଓ ସମର୍ଥକମାନେ ଉପସ୍ଥିତ ଥିଲେ ।

ବିପର୍ଯ୍ୟୟ ପରିଚାଳନା ସଚେତନତା ଶିବିର

Biswajit Nath — Tue, 27 Feb 2024 19:09:06 +0530

ବାସୁଦେବପୁର : ବାସୁଦେବପୁର ପଞ୍ଚାୟତ ସମିତିର ଉପକୂଳବର୍ତ୍ତୀ ଅଞ୍ଚଳ ଅଧିନ ଗ୍ରାମବାସୀମାନଙ୍କୁ ନେଇ ବିପର୍ଯ୍ୟୟ ପରିଚାଳନା ଶିବିର ଅନୁଷ୍ଠିତ ହୋଇଯାଇଛି । ବାସୁଦେବପୁର ବ୍ଲକର ପଢୁଆଁ ପଞ୍ଚାୟତ ମେହନପୁର ରେଡକ୍ରସ ବାତ୍ୟା ଆଶ୍ରୟସ୍ଥଳୀ ଓ ଅଢୁଆଁ ପଞ୍ଚାୟତର ଆଡିଆ ଗ୍ରାମରେ ରିଲାଏନ୍ସ ଫାଉଣ୍ଡେସନ ଓ ବାସୁଦେବପୁର ଲାଇଫଲାଇନ ଆନୁକୂଲ୍ୟରେ ଏହି ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ ରିଲାଏନ୍ସ ଫାଉଣ୍ଡେସନର ଦିବ୍ୟକାନ୍ତ ନାୟକ,ସରପଞ୍ଚଙ୍କ ପ୍ରତିନିଧୀ ବୃନ୍ଦାବନ ଦାସ,ଲାଇଫଲାଇନର ସଂପାଦକ ରମାକାନ୍ତ ଡାଙ୍ଗୁଆ ଯୋଗଦେଇ ବନ୍ୟା, ବାତ୍ୟା ଓ ସୁନାମୀ ପରି ପ୍ରାକୃତିକ ବିପର୍ଯ୍ୟୟ ସମୟରେ ଧନ ଜୀବନ ହାନୀକୁ ରୋକିବା ପାଇଁ ଗୋଷ୍ଠୀ ସ୍ତରୀୟ ସଚେତନତା ଶିବିରର ଆବଶ୍ୟକତା ରହିଛି ବୋଲି ମତପୋଷଣ କରିଥିଲେ । ମୋହନପୁର, ଅଢୁଆଁ ଆଡିଆ, କଷିଆ, ବଡହାବେଳିସାହୀ ଓ ସୁନାମୁହିଁ ଗ୍ରାମରେ ଏହି ଶିବିର ଅନୁଷ୍ଠିତ ହେବ ବୋଲି ସୂଚନା ମିଳିଛି ।

ବଦଳୁଛି ଗୁରୁ ଶିଷ୍ୟର ପରମ୍ପରା

Biswajit Nath — Sun, 25 Feb 2024 18:55:43 +0530

ବାସୁଦେବପୁର : ବଦଳୁଛି ଗୁରୁ ଶିଷ୍ୟର ପରମ୍ପରା । ପିଲାବେଳର ଗୁରୁଙ୍କ ଛାଟ ଭୟରେ ଯେଉଁ ବିଦ୍ୟାର୍ଥୀ ନିଜର ପାଠପଢାରେ ମନୋନିବେଶ କରିଛି, ସିଏହିଁ ସଫଳତା ପାଇ ପାରିଛି । ଗୁରୁଙ୍କ ପ୍ରତି ଥିବା ଭୟରୁ ଭକ୍ତିର ତପ୍ତି ଆଜି ଆଣିଦେଇଛି ସଫଳତା । ମାତ୍ର ଏବେକାର ବିଦ୍ୟାୟତ୍ତନ ଦଣ୍ଡମୁକ୍ତ ଅଞ୍ଚଳକୁ ଅଣ୍ଡାଯୁକ୍ତ ଖାଦ୍ୟ ଆଣିଦେଇଛି ଭିନ୍ନ ଏକ ପରିବର୍ତ୍ତନ ବୋଲି ବାସୁଦେବପୁର ସହର ଉପକଣ୍ଠ ରାମକୃଷ୍ନ ବିଦ୍ୟା ନିକେତନର ବାର୍ଷିକ ଉତ୍ସବ ପ୍ରଧାନ ଆଚାର୍ଯ୍ୟ ଧିରେନ୍ଦ୍ର ବାରିକଙ୍କ ସଭାପତିତ୍ୱରେ ଅନୁଷ୍ଠିତ ବାର୍ଷିକ ଉତ୍ସବରେ ଉପସ୍‌ଥିତ ଅତିଥିମାନେ ମତପୋଷଣ କରିଛନ୍ତି । ଏହି ଅବସରରେ ଫକିରମୋହନ ବିଶ୍ୱ ବିଦ୍ୟାଳୟର ସେବାନିବୃତ କୁଳପତି କୁମରବର ଦାସ ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ଅଟଳବିହାରୀ ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟକ୍ଷ ସୂର୍ଯ୍ୟମଣୀ ଶତପଥୀ ଓ ଅବସରପ୍ରାପ୍ତ ଶିକ୍ଷକ ନିତ୍ୟାନନ୍ଦ ବେହେରା ଯୋଗଦେଇ ଶିକ୍ଷା, ଶିକ୍ଷାଦାନ,ଛାତ୍ରଛାତ୍ରୀମାନଙ୍କ ଉଦେଶ୍ୟରେ ବହୁମୂଲ୍ୟ ମତ ଉପସ୍ଥାପନ କରିଥିଲେ । ପ୍ରଧାନ ଆଚାର୍ଯ୍ୟ ଶ୍ରୀ ବାରିକ ସ୍ୱାଗତ ଭାଷଣ ସହିତ ଅତିଥିମାନଙ୍କ ପରିଚୟ ପ୍ରଦାନ କରିଥିଲେ । ଏହି ଅବସରରେ ସେବାନିବୃତ ଶିକ୍ଷକ ପୁରୁଷୋତ୍ତମ ନାୟକ, ଯୁବ କଣ୍ଠଶିଳ୍ପୀ ଜିତେନ୍ଦ୍ର ମହାକୁଡ,ଆଚାର୍ଯ୍ୟା ମିନତିମଣୀ ବାରିକଙ୍କୁ ସମ୍ବର୍ଦ୍ଧିତ କରାଯାଇଥିବା ବେଳେ କୃତି ଛାତ୍ରଛାତ୍ରୀମାନଙ୍କୁ ପୁରଷ୍କାର ପ୍ରଦାନ କରାଯାଇଥିଲା । ଶିକ୍ଷକ ତପନ ବାରିକ ଧନ୍ୟବାଦ ଦେଇଥିବା ସହିତ ଶେଷରେ ବିଦ୍ୟାନିକେତନର ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଅବସରରେ ବିଦ୍ୟାନିକେତନର ସମସ୍ତ ଆଚାର୍ଯ୍ୟଆଚାର୍ଯ୍ୟା, ଛାତ୍ରଛାତ୍ରୀ ଓ ଅଭିଭାବକମାନେ ଉପସ୍ଥିତ ଥିଲେ ।

ତୃପ୍ତି ଡିଗ୍ରୀ କଲେଜରେ ଇତିହାସ ବିଭାଗର ସେମିନାର

Biswajit Nath — Fri, 23 Feb 2024 19:26:20 +0530

ବାସୁଦେବପୁର : ବାସୁଦେବପୁର ସହର ଉପକଣ୍ଠ ତୃପ୍ତି ଡିଗ୍ରୀ କଲେଜ ଇତିହାସ ବିଭାଗର ସେମିନାର ଅଧ୍ୟକ୍ଷା ଅଳକାନନ୍ଦା ପାଣିଗ୍ରାହୀ ଅଧ୍ୟକ୍ଷତାରେ କଲେଜ ପରିସରରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବରେ ବାଲିଖଣ୍ଡ କଲେଜ ଅଧ୍ୟକ୍ଷ ବସନ୍ତ କୁମାର ବେହେରା ଯୋଗଦେଇଥିବା ବେଳେ ଅଧ୍ୟାପକ ରମାକାନ୍ତ ଦାସ,ପରିଚାଳନା କମିଟି ସଭାପତି ବସନ୍ତକୁମାର ପାଢୀ,ଅଧ୍ୟାପିକା ସୋନାଲି ଅପରାଜିତା ମହାନ୍ତି, ଅଧ୍ୟାପକ ନିରୋଦ କୁମାର ଯେନା,ଅଧ୍ୟାପିକା ପଙ୍କଜିନୀ ଦାସପ୍ରମୁଖ ସମ୍ମାନୀତ ଅତିଥି ବାବରେ ଯୋଗଦେଇ ଥିଲେ । ଭାରତଛାଡ ଆନ୍ଦୋଳନରେ ମହାତ୍ମାଗାନ୍ଧୀଙ୍କ ଭୂମିକା ଉପରେ ଛାତ୍ରୀମାନେ ନିଜ ନିଜର ମତ ଉପସ୍ଥାପନ କରିଥିଲେ । ଏହି ଅବସରରେ ଡିଗ୍ରୀ କଲେଜର ସମସ୍ତ କର୍ମଚାରୀମାନେ ଉପସ୍ଥିତ ଥିଲେ ।

ପଞ୍ଚାୟତ ସ୍ତରୀୟ ସଚେତନତା ଶିବିର

Biswajit Nath — Wed, 21 Feb 2024 18:46:20 +0530

ବାସୁଦେବପୁ : ବାସୁଦେବପୁର ପଞ୍ଚାୟତ ସମିତି ଅଧିନ ବିଭିନ୍ନ ପଞ୍ଚାୟତରେ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏହି ଅବସରରେ ଆଜି ଗୋବିନ୍ଦପୁର,ନାଇକାଣିଡିହ,କରଞ୍ଜଆଡିଆ ଓ ଆନ୍ଦୋଳା ପଞ୍ଚାୟତରେ ଆୟୋଜିତ ଶିବିରରେ ସାଂସଦ ମଞ୍ଜୁଲତା ମଣ୍ଡଳ, ବିଧାୟକ ବିଷ୍ନୁବ୍ରତ ରାଉତରାୟ, ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ରପ୍ରସାଦ ବିଶ୍ୱାଳ, ବିଧାୟକ ପ୍ରତିନିଧୀ ଅସିତକୁମାର ଦାଶ, ସାଂସଦ ପ୍ରତିନିଧୀ ସୁରେଶଚନ୍ଦ୍ର ମହାନ୍ତି, ବିଡିଓ ସଞ୍ଜିବ କୁମାର ସାହ୍ରୁମୁଖ ଯୋଗଦେଇ ସରକାରଙ୍କ ଲୋକାଭିମୁଖୀ ଯୋଜନା ସଂପର୍କରେ ଆଲୋକପାତ କରିଥିଲେ । ସେହିପରି ଗୁଆଗଡିଆ ପଞ୍ଚାୟତର ଚିରଳ ଠାରେ ଆୟୋଜିତ ଶିବିରରେ ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ର ପ୍ରସାଦ ବିଶ୍ୱାଳ, ବିଡିଓ ସଞ୍ଜିବକୁମାର ସାହୁ,କେଶବ ରାଉତ,ପ୍ରତାପ ମଲ୍ଲିକ, ଫକିର ମଲ୍ଲିକ,ପୁର୍ବତନ ସରପଞ୍ଚ ହରେକୃଷ୍ନ ସେଠୀ,ପୁର୍ଣ୍ଣଚନ୍ଦ୍ର ମଳ୍ଲିକ,ରଶ୍ମିରଞ୍ଜନ ନାୟକପ୍ରମୁଖ ମଞ୍ଚାସୀନ ରହି ରାଜ୍ୟ ସରକାରଙ୍କ ଜନକଲ୍ୟାଣକାରୀ ଯୋଜନା ସଂପର୍କରେ ଆଲୋକପାତ କରିଥିଲେ । ପରମେଶ୍ୱର ନାୟକ, ହରେକୃଷ୍ନ ସେଠୀ,ପାର୍ଥସାରଥୀ ବାରିକ,ସତ୍ୟଜିତ ନାୟକ, ହରିହର ବାରିକପ୍ରମୁଖ ଶିବିର ପରିଚାଳନାରେ ସହଯୋଗ କରିଥିଲେ । ସମସ୍ତ ପଞ୍ଚାତରେ ସଚେତନତା ଶିବିର ସମୟରେ ହିତାଧିକାରୀମାନଙ୍କୁ ଭତ୍ତା ପ୍ରଦାନ ସହିତ ପଞ୍ଚାୟତର ବିକାଶ ପୁସ୍ତିକା ଲୋକାର୍ପଣ କରାଯାଇଥିଲା ।

ଦିବ୍ୟାଙ୍ଗ ଉପକରଣ ବଣ୍ଟନ

Biswajit Nath — Wed, 21 Feb 2024 18:43:22 +0530

ବାସୁଦେବପୁର : ଭଦ୍ରକ ସାଂସଦଙ୍କ ଅନୁଦାନ ପାଣ୍ଠିରୁ ଦିବ୍ୟାଙ୍ଗ ଉପକରଣ ବଣ୍ଟନ କରାଯାଇଛି । ଏହି ଅବସରରେ ବାସୁଦେବପୁର ବ୍ଲକ ପରିସରରେ ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ର ପ୍ରସାଦ ବିଶ୍ୱାଳଙ୍କ ଅଧ୍ୟକ୍ଷତାରେ ଆୟୋଜିତ ଶିବିରରେ ସାଂସଦ ମଞ୍ଜୁଲତା ମଣ୍ଡଳ, ବିଧାୟକ ବିଷ୍ନୁବ୍ରତ ରାଉତରାୟ ଓ ବିଡିଓ ସଞ୍ଜିବକୁମାର ସାହୁ ଯୋଗଦେଇଥିଲେ । ୧୦୯ ଜଣ ହୀତାଧିକାରୀମାନଙ୍କୁ ଦିବ୍ୟାଙ୍ଗ ଉପକରଣ ବଣ୍ଟନ କରାଯାଇଛି । ବିଏସଏସଓ ଆଭାରଞ୍ଜିତା ପୁହାଣ ଶିବିର ପରିଚାଳନାରେ ସହଯୋଗ କରିଥିଲେ ।

ପଞ୍ଚାୟତ ସ୍ତରୀୟ ସଚେତନତା ଶିବିର, ହିତାଧିକାରୀମାନଙ୍କୁ ଭତ୍ତା ପ୍ରଦାନ

Biswajit Nath — Tue, 20 Feb 2024 19:22:05 +0530

ବାସୁଦେବପୁର : ବାସୁଦେବପୁର ପଞ୍ଚାୟତ ସମିତି ଅଧିନ ବିଭିନ୍ନ ପଞ୍ଚାୟତରେ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏହି ଅବସରରେ ଆଜି ଆରୁହା,ବରଣ୍ଡୁଆ ଓ ନରସିଂହପୁର ପଞ୍ଚାୟତରେ ଆୟୋଜିତ ସଚେତନତା ଶିବିରରେ ଭଦ୍ରକ ସାଂସଦ ମଞ୍ଜୁଲତା ମଣ୍ଡଳ, ବାସୁଦେବପୁର ବିଧାୟକ ବିଷ୍ନୁବ୍ରତ ରାଉତରାୟ, ବାସୁଦେବପୁର ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ର ପ୍ରସାଦ ବିଶ୍ୱାଳ,ବଡିଓ ସଞ୍ଜିବକୁମାର ସାହୁ,ଦୀନବନ୍ଧୁ ଦାସ, ସାଂସଦ ପ୍ରତିନିଧୀ ସୁରେଶଚନ୍ଦ୍ର ମହାନ୍ତିପ୍ରମୁଖ ଯୋଗଦେଇ ଆନୁଷ୍ଠାନିକ ଭାବରେ ସଚେତନତା ଶିବିରକୁ ଉଦଘାଟନ କରିଥିଲେ । ବରଣ୍ଡୁଆ ପଞ୍ଚାୟତର ରତାଙ୍ଗ ପଡିଆ ଠାରେ ପୁର୍ବତନ ସରପଞ୍ଚ ବସନ୍ତମଞ୍ଜୀ ବିଶ୍ୱାଳଙ୍କ ସମେତ ସ୍ଥାନୀୟ ଜନପ୍ରତିନିଧୀମାନେ ଉପସ୍ଥିତ ଥିଲେ । ସେହିପରି ନରସିଂହପୁର ପଞ୍ଚାୟତ ସମ୍ମୁଖରେ ଆୟେଜିତ ସଚେତନାତା ଶିବିରରେ ରବିନ୍ଦ୍ର ପଣ୍ଡାଙ୍କ ସମେତ ଜନପ୍ରତିନିଧିମାନେ ଉପସ୍ଥିତ ଥିଲେ । ସମସ୍ତ ପଞ୍ଚାତରେ ସଚେତନତା ଶିବିର ସମୟରେ ହିତାଧିକାରୀମାନଙ୍କୁ ଭତ୍ତା ପ୍ରଦାନ ସହିତ ପଞ୍ଚାୟତର ବିକାଶ ପୁସ୍ତିକା ଲୋକାର୍ପଣ କରାଯାଇଥିଲା ।

ୱାର୍ଡମେମ୍ବରକୁ ନିସ୍ତୁକ ମାଡ, ଥାନାରେ ଅଭିଯୋଗ

Biswajit Nath — Tue, 20 Feb 2024 19:16:26 +0530

ବାସୁଦେବପୁର : ବାସୁଦେବପୁର ଥାନା ଅଧିନ ବରଣ୍ଡୁଆ ପଞ୍ଚାୟତ ମଧୂସୁଦନପୁର ଗ୍ରାମରେ ଆମ ଗାଁ ଆମ ବିକାଶ ଯୋଜନାରେ ନିର୍ମାଣାଧିନ କମ୍ୟୁନିଟ ସେଣ୍ଟରକୁ ପଡୋଶୀ ମାଳିବ୍ରହ୍ମପୁର ଗ୍ରାମର ଉପେନ୍ଦ୍ର ସାହୁଙ୍କ ସହିତ ତାଙ୍କର ସମ୍ପର୍କୀୟମାନେ ଜବରଦଖଲକରିବାକୁ ନେଇ ଉତ୍ତେଜନା ଦେଖାଦେଇଛି । ଆଜି ସାକାଳେ ନିର୍ମାଣାଧିନ ପ୍ରକଳ୍ପର ଛାତ ପକାଇବା ପାଇଁ ଶ୍ରମିକମାନେ ପହଞ୍ଚିବା ପରେ ଶ୍ରୀ ସାହୁଙ୍କ ସମେତ ତାଙ୍କର ସଂପର୍କୀୟମାନେ ବାରଣ କରିଥିଲେ । ଏହା ସଂପର୍କରେ ଖବରପାଇ ସ୍ଥାନୀୟ ୱାର୍ଡସଭ୍ୟ ସୁରେଶଚନ୍ଦ୍ର ପାଣିଗ୍ରାହୀ ଘଟଣାସ୍ଥଳରେ ପହଞ୍ଚି ବୁଝାଶୁଝା କରିବା ସମୟରେ ମାଡମାରିବାକୁ ନେଇ ଘଟଣା ସମୟର ଭିଡିଓ ଏବେ ସାମାଜିକ ଗଣମାଧ୍ୟମରେ ଘୁରିବୁଲୁଛି । ଏହି ଘଟଣା ସଂପର୍କରେ ସ୍ଥାନୀୟ ବାସିନ୍ଦାମାନେ ଅବଗତ ହେବା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଲାଗି ରହିଛି । ଏନେଇ ଥାନାଧିକାରିଣୀ ଲୋପାମୁଦ୍ରା ନାୟକ କୁହନ୍ତି, ଆସିଥିବା ଅଭିଯୋଗକୁ ଭିତ୍ତି କରି ଘଟଣାର ତଦନ୍ତ କରାଯାଉଛି ।

ଜିଲ୍ଲାର ୩୫ଟି କେନ୍ଦ୍ରରେ ଚାଲିଛି +୨ ପରୀକ୍ଷା

Biswajit Nath — Mon, 19 Feb 2024 18:21:13 +0530

ଭଦ୍ରକ ; ରିଖ ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ଫେବୃୟାରୀ ୧୬ ତାରିଖରୁ ଆରମ୍ଭ ହୋଇଥିବା +୨ ପରୀକ୍ଷା ପାଇଁ ଭଦ୍ରକ ଜିଲ୍ଲାରେ ୩୫ଟି କେନ୍ଦ୍ରରେ ପରୀକ୍ଷା ଚାଲିଛି । ଏଥିପାଇଁ ୫ଟି ପ୍ରଶ୍ନପତ୍ର କେନ୍ଦ୍ରର ବ୍ୟବସ୍ଥା କରାଯାଇଛି । ଭଦ୍ରକ ସ୍ୱୟଂ ଶାସିତ ମହାବିଦ୍ୟାଳୟ, ବି.ଏନ୍‌.ଏମ୍‌. କଲେଜ, ପାଳିଆ, ଧାମନଗର କଲେଜ, ଅଟଳ ବିହାରୀ କଲେଜ, ବାସୁଦେବପୁର ଏବଂ ଆଗରପଡ଼ା କଲେଜ ଏହି ୫ଟି କଲେଜରେ ପ୍ରଶ୍ନପତ୍ର ହବ୍ କରାଯାଇଛି । ଏହି ୫ଟି କେନ୍ଦ୍ର ପାଇଁ ବି.ଡ଼ି.ଓ. ମାନଙ୍କୁ ସ୍ୱତନ୍ତ୍ର ଅଫିସର ଭାବେ ନିୟୋଜିତ କରାଯାଇଛି । ୩୫ଟି ପରୀକ୍ଷା କେନ୍ଦ୍ର ପାଇଁ ୩୫ ଜଣ ରାଜସ୍ୱ ନିରୀକ୍ଷକଙ୍କୁ ପରୀକ୍ଷା ପର୍ଯ୍ୟବେକ୍ଷକ ଭାବେ ଦାୟିତ୍ୱ ନ୍ୟସ୍ତ କରାଯାଇଛି । ସୂଚନା ଯୋଗ୍ୟ କି ଭଦ୍ରକ ସ୍ୱୟଂ ଶାସିତ ମହାବିଦ୍ୟାଳୟ ପରୀକ୍ଷା କେନ୍ଦ୍ରରେ ମହାବିଦ୍ୟାଳୟର ପିଲାଙ୍କ ସହ ଅବନ୍ତିକା କଲେଜ ବ୍ୟତୀତ ଅନ୍ୟ ଘରୋଇ କଲେଜର ପିଲା ମିଶି ସମୁଦାୟ ୯୮୭ ଜଣ ପିଲା ପରୀକ୍ଷା ଦେବା ପାଇଁ ବ୍ୟବସ୍ଥା କରାଯାଇଛି । ପ୍ରକାଶ ଥାଉକି ଭଦ୍ରକ ଜିଲ୍ଲାରେ +୨ କଳାରେ ୮୦୬୨, ବିଜ୍ଞାନରେ ୨୮୭୯, ବାଣିଜ୍ୟରେ ୧୨୭୯ ସମୁଦାୟ ୧୨,୨୨୦ ଜଣ ପିଲା ପରୀକ୍ଷା ଦେବା ପାଇଁ ଫର୍ମ ପୂରଣ କରିଛନ୍ତି ।

ପ୍ରବାସୀ ଶ୍ରମିକଙ୍କ ଆଇନ୍ ସଚେତନତା ଶିବିର

Biswajit Nath — Mon, 19 Feb 2024 18:14:29 +0530

ଭଦ୍ରକ : ଜିଲ୍ଲା ଆଇନ୍ ସେବା ପ୍ରାଧିକରଣ, ଭଦ୍ରକଙ୍କ ତରଫରୁ ପ୍ରବାସୀ ଶ୍ରମିକମାନଙ୍କ ପାଇଁ ଉଦ୍ଦିଷ୍ଟ ଆଇନ୍ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏହି ସଚେତନତା ଶିବିରରେ ଜିଲ୍ଲା ଆଇନ୍ ସେବା ପ୍ରାଧିକରଣ ସଚିବ, ଶ୍ରୀମତୀ ନେହା ଅଗ୍ରୱାଲ ପରିଚାଳନା କରିଥିଲେ । ଏହି ସଚେତନତା କାର୍ଯ୍ୟକ୍ରମରେ ନିରାକାର ଜେନା, ସଭାପତି, ଭଦ୍ରକ ବାରସଂଘ, ଭଦ୍ରକ, ଡଃ ତାପସ କୁମାର ମହାନ୍ତି, ପେନାଲ ଓକିଲ, ଭଦ୍ରକ, ପ୍ରେମ ମଞ୍ଜରୀ ନାୟକ, ଶ୍ରମିକ ଇନ୍‌ସପେକ୍ଟର, ଭଦ୍ରକ, ସହାୟକ ଶ୍ରମିକ ଅଧିକାରୀ ଗଣ, ପ୍ରତ୍ୟୁଷ କୁମାର ବେହେରା, ଲୋକନାଥ ଦାସ ପ୍ରମୁଖ ଯୋଗଦେଇ କାର୍ଯ୍ୟକ୍ରମ ଜରିଆରେ ୧୨ ଜଣ ଶ୍ରମିକଙ୍କୁ ସହାୟତା ଯୋଗାଇ ଦିଆଯାଇଥିଲା । ଏହି କାର୍ଯ୍ୟକ୍ରମ ମାଧ୍ୟମରେ କୁଶଳୀ ଏବଂ ଅଣ କୁଶଳୀ ତଥା ଅଣ-ସଂଗଠିତ ଶ୍ରମିକ ମାନଙ୍କ ନିମନ୍ତେ ଉଦ୍ଦିଷ୍ଟ ଆଇନ୍ ଏବଂ ସହାୟତା ସଂପର୍କରେ ସଚେତନତା ସୃଷ୍ଟି କରାଯାଇଥିଲା । ଏହି କାର୍ଯ୍ୟକ୍ରମରେ ପାରାଲିଗାଲ ସ୍ୱେଚ୍ଛାସେବୀ ଅନ୍ନପୂର୍ଣ୍ଣା ସାହୁ, ଉର୍ମିଳା ପଣ୍ଡା ପ୍ରମୁଖ ଯୋଗଦେଇ କାର୍ଯ୍ୟକ୍ରମକୁ ସଫଳ କରାଇଥିଲେ ।

ବିବେକାନନ୍ଦ ଶିକ୍ଷାକେନ୍ଦ୍ରର ବାର୍ଷିକ ଉତ୍ସବ

Biswajit Nath — Mon, 19 Feb 2024 18:10:29 +0530

ଭଦ୍ରକ : ନୂଆବଜାର ଭଦ୍ରକସ୍ଥିତ ବିବେକାନନ୍ଦ ଶିକ୍ଷାକେନ୍ଦ୍ରର ବିଂଶତମ ବାର୍ଷିକ ଉତ୍ସବ ସଭାପତି ଅକ୍ଷୟ କୁମାର ମହାନ୍ତିଙ୍କ ପୌରହିତ୍ୟରେ ମହାସମାରୋହରେ ପାଳିତ ହୋଇଯାଇଛି । ମୁଖ୍ୟବକ୍ତା ଚରମ୍ପା ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟାପକ ସୌରେଷ ଚନ୍ଦ୍ର ମହାନ୍ତି ଯୋଗ ଦେଇ ବିଦ୍ୟାଳୟର ପ୍ରୟାସକୁ ଭୂରିଭୂରି ପ୍ରଶଂସା କରିଥିଲେ । ଶିକ୍ଷା ବିକାଶ ସଂସ୍ଥାନ ଉତ୍ତର କ୍ଷେତ୍ରର ପ୍ରମୁଖ ରାମଚନ୍ଦ୍ର ପଣ୍ଡା ମୁଖ୍ୟଅତିଥି ଭାବରେ ଯୋଗଦେଇ ପିଲାମାନଙ୍କୁ ଭବିଷ୍ୟତ ଗଠନରେ ଶିକ୍ଷକମାନଙ୍କ ଉପରେ ଗୁରୁତ୍ୱ ଆରୋପ କରିଥିଲେ । ସମ୍ମାନିତ ଅତିଥି ଭାବରେ ଶିବପ୍ରସାଦ ଜେନା, ସଂପାଦକ (ଚୁନିନ୍ଦା ଶିଶୁ ମନ୍ଦିର) ଯୋଗଦେଇ ଶିଶୁମାନଙ୍କୁ ଅନିସନ୍ଧିଷୂ ହେବାକୁ ପରାମର୍ଶ ଦେଇଥିଲେ । ପରିଚାଳନା କମିଟିର ସଦସ୍ୟା ତଥା ସମାଜସେବୀ ଦେବୀଦତ୍ତା ମହାନ୍ତି ଶିଶୁମାନଙ୍କୁ ଭଲ ମଣିଜ୍ଝଷ ହେବାରେ ସୁଚିନ୍ତିତ ପରାମର୍ଶ ଦେଇଥିବା ବେଳେ ବିଦ୍ୟାଳୟର ପ୍ରଧାନ ଆଚାର୍ଯ୍ୟା ପ୍ରତିମାରାଣୀ ମହାନ୍ତି ବାର୍ଷିକ ବିବରଣୀ ପାଠ କରିଥିବା ଗୁରୁମା ମିନାକ୍ଷୀ ନାୟକ ଧନ୍ୟବାଦ ଅର୍ପଣ କରିଥିଲେ । ଶେଷରେ ବିଦ୍ୟାଳୟର କୁନି କୁନି ପିଲାମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ଏହି ଉତ୍ସବକୁ ଲକ୍ଷ୍ମୀପ୍ରିୟା ଗୁରୁମା, ସଞ୍ଜୁ ଗୁରୁମା, ସୌଦାମିନି ଗୁରୁମା, ପୁଷ୍ପଲତା ଗୁରୁମା, ରୋଜାଲିନ୍ ଗୁରୁମା(ସେବିକା ରଞ୍ଜୁଲତା) କାର୍ଯ୍ୟକ୍ରମକୁ ପରିଚାଳନା କରିଥିଲେ ।

ପଞ୍ଚାୟତ ସ୍ତରୀୟ ସଚେତନତା ଶିବିରରେ ଯୋଗଦେଇ ବିଜୁସେତୁ ଯୋଜନାର ଶିଳାନ୍ୟାସ

Biswajit Nath — Sun, 18 Feb 2024 17:37:18 +0530

ବାସୁଦେବପୁର : ଗୁଆଗଡିଆ ପଞ୍ଚାୟତର ଚିରଳ ଠାରେ ଆୟୋଜିୟ ପଞ୍ଚାୟତ ସ୍ତରୀୟ ସଚେତନତା ଶିବିରରେ ମୁଖ୍ୟ ଅତିଥି ଭାବରେ ବାସୁଦେବପୁର ବିଧାୟକ ବିଷ୍ନୁବ୍ରତ ରାଉତରାୟ ଯୋଗଦେଇ ରାଜ୍ୟ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା ସଂପର୍କରେ ଆଲୋକପାତ କରିଥିଲେ । ପୁର୍ବତନ ଜିଲ୍ଲା ପରିଷଦ ସଭ୍ୟ ଦୀନବନ୍ଧୁ ଦାସଙ୍କ ସଭାପତିତ୍ୱରେ ଆୟୋଜିତ ଶିବିରରେ ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ର ପ୍ରସାଦ ବିଶ୍ୱାଳ, ବିଡିଓ ସଞ୍ଜିବକୁମାର ସାହୁ,କେଶବ ରାଉତ,ପ୍ରତାପ ମଲ୍ଲିକ, ଫକିର ମଲ୍ଲିକ,ପୁର୍ବତନ ସରପଞ୍ଚ ହରେକୃଷ୍ନ ସେଠୀ,ପୁର୍ଣ୍ଣଚନ୍ଦ୍ର ମଳ୍ଲିକ,ରଶ୍ମିରଞ୍ଜନ ନାୟକପ୍ରମୁଖ ମଞ୍ଚାସୀନ ରହି ରାଜ୍ୟ ସରକାରଙ୍କ ଜନକଲ୍ୟାଣକାରୀ ଯୋଜନା ସଂପର୍କରେ ଆଲୋକପାତ କରିଥିଲେ । ପରମେଶ୍ୱର ନାୟକ, ହରେକୃଷ୍ନ ସେଠୀ,ପାର୍ଥସାରଥୀ ବାରିକ,ସତ୍ୟଜିତ ନାୟକ, ହରିହର ବାରିକପ୍ରମୁଖ ଶିବିର ପରିଚାଳନାରେ ସହଯୋଗ କରିଥିଲେ । ସେହିପରି ଏଡତାଳ ମନ୍ଦିର ଠାରେ ଆୟୋଜିତ ପଞ୍ଚାୟତ ସ୍ତରୀୟ ସଚେତନତା ଶିବିରରେ ବିଧାୟକଙ୍କ ସମେତ, ବିଡିଓ ଶ୍ରୀ ସାହୁ, ପଞ୍ଚାୟତ ସମିତି ଅଧ୍ୟକ୍ଷ, ପୁର୍ବତନ ଜିଲ୍ଲା ପରିଷଦ ସଭ୍ୟ ଶ୍ରୀ ଦାସ ଯୋଗଦେଇଥିଲେ । ଏହି ଅବସରରେ ଉମେଶଚନ୍ଦ୍ର ପଲାଇ,ସରପଞ୍ଚ ଜୟଶ୍ରୀ ପଲାଇ, ସମିତିସଭ୍ୟା ବିମଳକିଶୋର ପଲାଇପ୍ରମୁଖ ମଞ୍ଚାସୀନ ଥିବା ବେଳେ ଅମରେନ୍ଦ୍ର ପଲାଇ,ଧର୍ନୁଜୟ ପଲାଇ,ବିଜୟ ପଲାଇ,ନିରାକାର ନାୟକ, ସଦାନନ୍ଦ ସାହୁ, ଟୁକୁ ନାୟକପ୍ରମୁଖ ଶିବିର ପରିଚାଳନାରେ ସହଯୋଗ କରିଥିଲେ । ପରେ ଲୁଙ୍ଗା ଠାରେ ଆୟୋଜିତ ଶିବିରରେ ବିଧାୟକଙ୍କ ସମେତ ବିଡିଓ ଓ ପଞ୍ଚାୟତ ସମିତି ଅଧ୍ୟକ୍ଷ,ଶ୍ରୀ ଦାସପ୍ରମୁଖ ଯୋଗଦେଇଥିଲେ । ଏହି ଅବସରରେ ବିଧାୟକ ଶ୍ରୀ ରାଉତରାୟ ବଡକିଆରୀ ଠାରେ ବିଜୁସେତୁ ଯୋଜନାରେ ୪କୋଟି ୯୮ଲକ୍ଷ ଅଣାନବେ ହଜାରଟଙ୍କା ବ୍ୟୟ ବରାଦରେ ଗଣିଆଶାଖା ନଦୀ ଉପରେ ପ୍ରସ୍ଥାବିତ ପ୍ରକଳ୍ପର ଶିଳନ୍ୟାସ କରାଯାଇଥିଲା । ସରପଞ୍ଚ ଲଳିତା ମଳିକ, ସମତିସଭ୍ୟା ମଞ୍ଜୁଲତା ସେଠୀପ୍ରମୁଖ ମଞ୍ଚାସୀନ ଥିବା ବେଳେ ଦେବଦର୍ଶର୍ନ ଦାଶ ଶିବିର ପରିଚାଳନା କରିଥିଲେ । ଶେଷରେ ଶରତ ମଳିକ ଧନ୍ୟବାଦ ଦେଇଥିଲେ ।

ବରପଦା ଇଂଜିନିୟରିଂ କଲେଜର ୪୧ତମ ବାର୍ଷିକ କ୍ରୀଡ଼ା ପ୍ରତିଯୋଗିତା ଉଦ୍‌ଯାପିତ

Biswajit Nath — Sun, 18 Feb 2024 17:12:37 +0530

ଭଦ୍ରକ : ବରପଦା ଇଂଜିନିୟରିଂ କଲେଜର ୪୧ତମ ବାର୍ଷିକ କ୍ରୀଡ଼ା ପ୍ରତିଯୋଗିତା ଚଳିତବର୍ଷ ୨୦୨୪ ଫେବୃୟାରୀ ୧୬ ଓ ୧୭ ଦୁଇଦିନ ଧରି ମହାଆଡମ୍ବରରେ ପାଳନ କରାଯାଇଅଛି । ବାର୍ଷିକ କ୍ରୀଡ଼ା ପ୍ରତିଯୋଗିତାର ଉଦ୍‌ଘାଟନ ଉତ୍ସବରେ ବି.ଆଇ.ଇ.ଟି. ର ଅଧ୍ୟକ୍ଷ ପ୍ର.(ଡ.) ମୋହନ ଚରଣ ପଣ୍ଡା ପ୍ରତିଯୋଗିତାରେ ଅଂଶ ଗ୍ରହଣ କରିଥିବା ଛାତ୍ରଛାତ୍ରୀମାନଙ୍କ ଠାରୁ ପ୍ୟାରେଡରେ ଅଭିବାଦନ ଗ୍ରହଣ କରିବା ପରେ ଉତ୍ସବକୁ ଉଦ୍‌ଘାଟନ କରିଥିଲେ । ଏହି ଉତ୍ସବରେ ବି.ଏସ୍‌.ଇ.ଟି. ସୋସାଇଟିର ସମ୍ପାଦକ ଇଂ. ମିହିର କୁମାର ମହାନ୍ତି, ଏମ୍‌.ବି.ଏ. ଅଧ୍ୟକ୍ଷ ପ୍ର.(ଡ.) ପ୍ରସନ୍ନ କୁମାର ଜେନା, ଡିପ୍ଲୋମାର ଅଧ୍ୟକ୍ଷ ଇଂ. ଗଙ୍ଗାଧର ଧଳ ଏବଂ ସବୁ ବିଭାଗର ଏଚ.ଓଡି ମାନେ ଉପସ୍ଥିତ ଥିଲେ । ଦୀର୍ଘ ୨ଦିନ ବ୍ୟାପି କ୍ରୀଡା ଉତ୍ସବରେ କ୍ରୀଡା ବିଭାଗ ଦାୟିତ୍ୱରେ ଥିବା ପ୍ରଫେସର ଇନ୍‌ଚାର୍ଜ ଡ. ଜ୍ଞାନେନ୍ଦ୍ର କୁମାର ପଣ୍ଡା, ସହକାରୀ ପ୍ରଫେସର ଇନ୍‌ଚାର୍ଜ ଇଂ. ମନୋଜ କୁମାର ବରାଳ, ଉକ୍ତ କଲେଜର ପି.ଇ.ଟି. ସେକ୍ ନାସିର ଅଲ୍ଲୀ ଓ ଲେଡି ପି.ଇ.ଟି. ଶୁଭଶ୍ରୀ ନାୟକ ଏବଂ ନିମନ୍ତ୍ରିତ ଅବସରପ୍ରାପ୍ତ କ୍ରୀଡା ଶିକ୍ଷକମାନେ ଯଥା ବସନ୍ତ କୁମାର ମହଲା, ନିରଞ୍ଜନ ବିଶ୍ୱାଳ, ଲୋକନାଥ ରାଉତ, ସେକ୍ ସଲିମ୍‌, ସେକ୍ ରିଆଜ ଓ ବିଭିନ୍ନ କ୍ରୀଡା ଦାୟିତ୍ୱରେ ଥିବା ଅଫିସିଆଲ୍‌ସ ମାନଙ୍କ ଦ୍ୱାରା ବିଭିନ୍ନ ପ୍ରତିଯୋଗିତା ଗୁଡିକୁ ସୂଚାରୁ ରୂପେ ପରିଚାଳନା କରାଯାଇଥିଲା । ଏହି ବାର୍ଷିକ କ୍ରୀଡା ପ୍ରତିଯୋଗିତାକୁ ସଫଳ ରୂପାୟନ ଦେବାପାଇଁ ପଡିଆରେ ଦୀର୍ଘ ୨ଦିନ ଧରି ସମସ୍ତ କର୍ମଚାରୀ ଓ ସବୁ ବିଭାଗର ଛାତ୍ରଛାତ୍ରୀମାନେ ସହଯୋଗ କରିଥିଲେ । ଉଦ୍‌ଯାପନ ଉତ୍ସବରେ ସୋସାଇଟିର ସମ୍ପାଦକ ଏବଂ ବି.ଆଇ.ଇ.ଟି. ର ଅଧ୍ୟକ୍ଷ କ୍ରୀଡା ପତାକାକୁ ଅବତରଣ କରି ଉତ୍ସବକୁ ଶେଷକରିବା ଅବସରରେ ବାଳକ ବିଭାଗରେ ହୋଇଥିବା ଚମ୍ପିୟାନ୍ ନାରାୟଣ ହୋ, ପ୍ରଥମ ବର୍ଷ ଇଲେକ୍ଟ୍ରିସିଆ ଟ୍ରେଡ (ଆଇ.ଟି.ଆଇ) ଏବଂ ବାଳିକା ବିଭାଗରେ ସୁଇଟସ୍ ସ୍ମିତା ଯେନା, ତୃତୀୟ ବର୍ଷ ଆଇ.ଟି. (ଡିଗ୍ରୀ)ଙ୍କୁ ଚମ୍ପିୟାନ୍ ଟ୍ରଫି ଓ ମାନପତ୍ର ପ୍ରଦାନ କରିଥିଲେ ।

ଲକ୍ଷ୍ମୀବସର ଲୋକାର୍ପଣ,ବସରେ ଯାଇ ସଭାସ୍ଥଳରେ ପହଞ୍ଚିଲେ ବିଧାୟକ

Biswajit Nath — Sat, 17 Feb 2024 18:43:56 +0530

ବାସୁଦେବପୁର. : ବାସୁଦେବପୁର ବ୍ଲକ ପରିସରରେ ଲକ୍ଷ୍ମୀବସର ଲୋକାର୍ପଣ କରାଯିବା ପରେ ସେହି ବସରେ ଯାଇ ସଭାସ୍ଥଳରେ ପହଞ୍ଚିଲେ ବିଧାୟକ ବିଷ୍ନୁବ୍ରତ ରାଉତରାୟ । ସରକାରୀ ଭାବେ ଧାର୍ଯ୍ୟ ବସଭଡା ଦେଇ ମହିଳା ଓ ପରୁଷମାନେ ବସରେ ଯାତ୍ରା କରିଥିଲେ । ପସ୍ମପୁର ଠାରେ ଥିବା ସ୍ଲୁଇସଗେଟ ନିକଟରେ ବସରୁ ଓହ୍ଲାଇ ସ୍ଲୁଇସଗେଟ ପୁନଃରୁଦ୍ଧାର ପ୍ରକଳ୍ପର ଶିଳାନ୍ୟାସ କରିଥିଲେ କରିବା ସହ ସଭାସ୍ଥଳରେ ପହଞ୍ଚିଥିଲେ ବିଧାୟକ ଶ୍ରୀ ରାଉତରାୟ । ପଦ୍ମପୁର ମେଳକସାହି ପଡିଆ ଠାରେ ପୁର୍ବତନ ଜିଲ୍ଲା ପରିଷଦ ଦୀନବନ୍ଧୁ ଦାସଙ୍କ ସଭାପତିତ୍ୱରେ ଆୟୋଜିତ ପଞ୍ଚାୟତ ସ୍ତରୀୟ ଜନସଚେତନାତା ଶିବିରରେ ମୁଖ୍ୟ ଅତିଥି ଭାବରେ ବିଧାୟକ ଶ୍ରୀ ରାଉତରାୟ ଓ ସମ୍ନାନୀତ ଅତିଥି ଭାବରେ ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ରପ୍ରସାଦ ବିଶ୍ୱାଳ, ବିଡିଓ ସଞ୍ଜିବକୁମାର ସାହ,ସରପଞ୍ଚଙ୍କ ପ୍ରତିନିଧି ପ୍ରଦୀପ ନାୟକପ୍ରମୁଖ ଯୋଗଦେଇଥିଲେ । ଅଶୋକକୁମାର ନାୟକ, ଅମୂଲ୍ୟ ନାୟକ ଶିବିର ପରିଚାଳନାରେ ସହଯୋଗ କରିଥିଲେ । ଜଗନ୍ନାଥ ପ୍ରସାଦ ପଞ୍ଚାୟତରରେ ଆୟୋଜିତ ଜନସଚେତନା ଶିବିରରେ ବିଧାୟକ,ପଞ୍ଚାୟତ ସମିତି ଅଧ୍ୟକ୍ଷ, ପୁର୍ବତନ ଜିଲ୍ଲା ପରିଷଦ ସଭ୍ୟ ଶ୍ରୀ ଦାସ ଯୋଗଦେଇଥିବା ବେଳେ ସ୍ତାନୀୟ ସରପଞ୍ଚ ବାସୁଦେବ କାଣ୍ଡି ଉପସ୍ଥିତ ରହି ଜନକଲ୍ୟାଣକାରୀ ଯୋଜନା ସଂପର୍କରେ ଆଲୋକପାତ କରିଥିଲେ । ସେହିପରି ସୁଗୋ ପଞ୍ଚାୟତର ବାସନ୍ତିପଡିଆ ଠାରେ ସରପଞ୍ଚ ଚିନ୍ତାମଣି ନାୟକଙ୍କ ପୈାରହିତ୍ୟରେ ଆୟୋଜିତ ପଞ୍ଚାୟତ ସ୍ତରୀୟ ଜନସଚେତନତା ଶିବିରରେ ବିଧାୟକଙ୍କ ସମେତ ପଞ୍ଚାୟତ ସମିତି ଅଧ୍ୟକ୍ଷ ଯୋଗଦେଇଥିଲେ ।

ପଞ୍ଚାୟତସ୍ତରୀୟ ସଚେତନତା ଶିବିର

Biswajit Nath — Fri, 16 Feb 2024 17:46:00 +0530

ବାସୁଦେବପୁର : ଆମ ଓଡିଶା ନବୀନ ଓଡିଶା ପକ୍ଷରୁ ବାସୁଦେବପୁର ବ୍ଲକର ଗ୍ରାମ ପଂଚାୟତ ସ୍ତରୀୟ ସଚେତନତା ଶିବିର ଅନୁଷ୍ଠିତ ହୋଇଯାଇଅଛି । ବାସୁଦେବପୁର ବ୍ଲକର ଆର୍ତ୍ତୁଂ, ପଢୁଆଁ ଓ ଜଗନ୍ନାଥପୁର ପଂଚାୟତର ଗ୍ରାମ ପଂଚାୟତସ୍ତରୀୟ ସଚେତନତା ଶିବିରରେ ବିଧାୟକ ବିଷ୍ଣୁବ୍ରତ ରାଉତରାୟ ଓ ବ୍ଲକର ଅଧ୍ୟକ୍ଷ ନଗେନ୍ଦ୍ର ବିଶ୍ୱାଳ,ବିଧାୟକ ପ୍ରତିନିଧି ଅସିତ କୁମାର ଦାଶ,ବିଡିଓ ସଞ୍ଜିବ କୁମାର ସାହୁପ୍ରମୁଖ ଯୋଗଦେଇଥିଲେ । ତାଙ୍କ ସହିତ ପଢୁଆଁ ପଞ୍ଚାୟତର ପୁର୍ବତନ ସରପଞ୍ଚ ଦୀନବନ୍ଧୁ ଦାସ, ଜିଲ୍ଲା ପରିଷଦ ସଭ୍ୟ ଯଦୁନାଥ ନାୟକ,ଗୌତମ ସେଠୀ,ଶଶିକାନ୍ତ ରାଉତ, ନୂଆଗାଁ ପଞ୍ଚାୟତର ପୁର୍ବତନ ସରପଞ୍ଚ ଅନିରୁଦ୍ଧ ମଳିକ ଯୋଗ ଦେଇଥିଲେ । ସମସ୍ତ ପଂଚାୟତରେ ଆମ ପଂଚାୟତର ବିକାଶ ପୁସ୍ତିକାକୁ ଲୋକାର୍ପଣ କରାଯାଇଥିଲା । ତିନିଗୋଟି ପଞ୍ଚାୟତର ପିଇଓମାନେ ଯୋଗ ଦେଇଥିଲେ I

ପଞ୍ଚାୟତସ୍ତରୀୟ ସଚେତନତା ଶିବିର

Biswajit Nath — Fri, 16 Feb 2024 17:41:46 +0530

ବିଜେପି ଓ କଂଗ୍ରେସ ଦଳର ୱାର୍ଡ ମେମ୍ବର ଓ ସକ୍ରିୟ କର୍ମୀମାନେ ବିଜେଡ଼ି ରେ ସାମିଲ

Biswajit Nath — Thu, 15 Feb 2024 19:05:37 +0530

ବାସୁଦେବପୁର (RNI) ଆଗକୁ ସାଧାରଣ ନିର୍ବାଚନ । ନେତାଙ୍କ ଭାଗ୍ୟ ନିର୍ଦ୍ଧାରଣ କରିବେ ଜନତା ଜନାର୍ଦ୍ଦନ । ଏହି ଅବସରରେ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତିଆଦର୍ଶ ଓ ବାସୁଦେବପୁର ବିଧାୟକ ବିଷ୍ନୁବ୍ରତ ରାଉତରାୟଙ୍କ କାର୍ଯ୍ୟ ଦକ୍ଷତା ଉପରେ ଭରସା କରି ଏଡତାଳ ପଞ୍ଚାୟତର ସରପଞ୍ଚ ଅମରେନ୍ଦ୍ର ପଲେଇ ଓ ସମିତି ସଭ୍ୟ ଉମେଶ ପଲେଇଙ୍କ ନେତୃତ୍ୱରେ ବିଜେପି ଓ କଂଗ୍ରେସ ଦଳର ୱାର୍ଡ ମେମ୍ବର ଓ ସକ୍ରିୟ କର୍ମୀମାନେ ନିଜ ଦଳ ଛାଡି ବିଧିବଦ୍ଧ ଭାବେ ବିଧାୟକଙ୍କ ଉପସ୍ଥିତିରେ ବିଜୁ ଜନତା ଦଳରେ ଯୋଗଦେଇଛନ୍ତି । ଏହି ଅବସରରେ ଦଳୀୟ ଉତ୍ତରୀୟ ଓ ପୁଷ୍ପଗୁଚ୍ଛ ପ୍ରଦାନକରି ବିଧାୟକ ସ୍ବାଗମ ସମ୍ବର୍ଦ୍ଧନା ଜଣାଇଥିଲେ । ଦଳୀୟ କର୍ମକର୍ତ୍ତା ମାନେ ଉପସ୍ଥିତ ଥିଲେ l

Follow the RNI News channel on WhatsApp: https://whatsapp.com/channel/0029VaBPp7rK5cD6XB2Xp81Z

ପଞ୍ଚାୟତସ୍ତରୀୟ ସଚେତନତା ଶିବିର

Biswajit Nath — Thu, 15 Feb 2024 18:59:46 +0530

ବାସୁଦେବପୁର (RNI) ଆମ ଓଡିଶା ନବୀନ ଓଡିଶା ପକ୍ଷରୁ ବାସୁଦେବପୁର ବ୍ଲକର ଗ୍ରାମ ପଂଚାୟତ ସ୍ତରୀୟ ସଚେତନତା ଶିବିର ଅନୁଷ୍ଠିତ ହୋଇଯାଇଅଛି । ବାସୁଦେବପୁର ବ୍ଲକର ଅଢୁଆଁ, ଇରମ ଓ ନୂଆଗାଁ ପଂଚାୟତର ଗ୍ରାମ ପଂଚାୟତସ୍ତରୀୟ ସଚେତନତା ଶିବିରରେ ଭଦ୍ରକ ସାଂସଦ ମଞ୍ଜୁଲତା ମଣ୍ଡଳ,ବିଧାୟକ ବିଷ୍ଣୁବ୍ରତ ରାଉତରାୟ ଓ ବ୍ଲକର ଅଧ୍ୟକ୍ଷ ନଗେନ୍ଦ୍ର ବିଶ୍ୱାଳପ୍ରମୁଖ ଯୋଗଦେଇଥିଲେ । ତାଙ୍କ ସହିତ ଅଢୁଆଁ ପଞ୍ଚାୟତର ପୁର୍ବତନ ସରପଞ୍ଚ ଗିରିଶଚନ୍ଦ୍ର ସାମଲ,ଇରମ ପଞ୍ଚାୟତର ପୁର୍ବତନ ସରପଞ୍ଚ ପ୍ରଫୁଲ୍ଲ ବିଶ୍ବାଳ,ନୂଆଗାଁ ପଞ୍ଚାୟତର ପୁର୍ବତନ ସରପଞ୍ଚ ଅନିରୁଦ୍ଧ ମଳିକ,ଅଢୁଆଁ ପଞ୍ଚାୟତର ସରପଞ୍ଚ , ଦୀନବନ୍ଧୁ ଦାସ ଯୋଗଦେଇଥିଲେ । ସମସ୍ତ ପଂଚାୟତରେ ଆମ ପଂଚାୟତର ବିକାଶ ପୁସ୍ତିକାକୁ ଲୋକାର୍ପଣ କରାଯାଇଥିଲା । ସହକାରୀ ଯନ୍ତ୍ରୀ ଅନିଶ ସୁବୁଦ୍ଧି ରାୟ,ତିନିଗୋଟି ପଞ୍ଚାୟତର ପିଇଓମାନେ ଯୋଗ ଦେଇଥିଲେ I

Follow the RNI News channel on WhatsApp: https://whatsapp.com/channel/0029VaBPp7rK5cD6XB2Xp81Z

पंचायत जागरूकता शिविर

Biswajit Nath — Thu, 15 Feb 2024 18:57:47 +0530

बासुदेबपुर (आरएनआई) आम ओडिशा नवीन ओडिशा कीओर से बासुदेबपुर ब्लॉक में पंचायत स्तरीय जागरूकता शिविर का आयोजन किया गया है। भद्रक सांसद मंजूलता मंडल, विधायक बिष्णुब्रत राउतराय और ब्लॉक अध्यक्ष नागेंद्र प्रसाद बिस्वालप्रमुख ने बासुदेबपुर ब्लॉक के अढुआं, इरम और नुआगां ग्राम पंचायत मैं जागरूकता शिविर में भाग लिया। उनके साथ अढुआं पंचायत के पूर्ब सरपंच गिरीशचंद्र सामल, इरम पंचायत के पूर्ब सरपंच प्रफुल्ल विशाल, नुआगाँ पंचायत के पूर्ब सरपंच अनिरुद्ध मलिक, अधुआं पंचायत के सरपंच ओर दीनबंधु दास भी शामिल थे। सहायक अभियंता अनीश सुबुद्धि राय, तीन पंचायत आम नागरिक शामिल हुए।

Follow the RNI News channel on WhatsApp: https://whatsapp.com/channel/0029VaBPp7rK5cD6XB2Xp81Z

Enforcement Directorate raids former Odisha minister and BJD MLA Prafulla Samal

Biswajit Nath — Thu, 15 Feb 2024 18:55:45 +0530

Bhubaneswar (RIN) The Enforcement Directorate (ED) Thursday conducted raids at the residence of former Odisha minister and BJD MLA from Bhandaripokhari assembly constituency Prafulla Samal. According to a source, a six-member team of ED searched Samal’s residence at Nuabazar Naibandha locality in Bhadrak. The sleuths also searched the houses of Samal’s relatives and close aids.

The raids were carried out in four places in Bhadrak and seven locations in Bhubaneswar. Besides, the former Principal of Barapada Engineering College also came under ED scanner Thursday morning in the backdrop of alleged financial irregularities.

The source informed that the MLA’s son Prayaskanti Samal was also raided by the sleuths in connection with an alleged scam at the engineering college. Notably, it has been alleged that the staff of the engineering college were not getting their salaries for a long time.

The employees had protested over the issue on multiple occasions in Bhadrak. It is a developing story. The ED has not issued any official statement regarding the raids at the time of filing this report.

Follow the RNI News channel on WhatsApp: https://whatsapp.com/channel/0029VaBPp7rK5cD6XB2Xp81Z